Læknablaðið - 01.04.1976, Qupperneq 38

74
LÆKNABLAÐiÐ
ur eru sérmenntaðir læknar á þessu sviði
einnig nauðsynlegur starfskraftur í heii-
brigðisþjónustunni. Samvinna sérfræðinga
um læknisfræðileg vandamál aldraðra er
ekki síður nauðsynleg heldur en á öðrum
sviðum.
Hlutverk læknadeildar er að veita lækn-
um þekkingu á þessu sviði, en það er
ekki eingöngu skylda háskólans heldur
þjóðfélagsins, að sjá til þess að læknar
geti þekkingarlega og þjóðfélagslega innt
þessa þörfu þjónustu vel af hendi.
Aðalkostnaðurinn er stofnun kennara-
stóls við læknadeild. Sá kostnaður skilar
sér fljótt í bættri heilbrigðisþjónustu aldr-
aðra, minnkuðum sjúkrahúskostnaði lang-
legusjúklinga, betri nýtingu sjúkrarúma,
minnkaðri þörf á byggingu nýrra lang-
legudeilda við sjúkrahús. Þetta eru veiga-
miklir sparnaðarþættir í heilbrigðisþjón-
ustunni auk þess sem bætt þjónusta er
menningar- og mannúðaratriði.
Hlutverk þessa kennarastóls í öldrunar-
sjúkdómafræðum verður einnig að annast
kennslu hjúkrunarfræðinema í öldrunar-
sjúkdómum, sömuleiðis væntanlega sjúkra-
þjálfa og jafnvel fleiri heilbrigðisstétta
þegar tímar líða. Þá yrði það einnig hlut-
verk prófessors í þessari grein að annast
rannsóknir á félagslegu sviði ellivanda-
málsins, einkum faraldursfræðilegar og fé-
lagslegar rannsóknir. Líklegt er að slíkar
rannsóknir gætu gefið mikilsverðar upp-
lýsingar fyrir stjórnendur heilbrigðisþjón-
ustunnar. Er því eðlilegt að kennarar í
þessari grein yrðu ráðgefendur heilbrigðis-
stofnana, þar sem unnið er að heilbrigðis-
og félagslegri þjónustu aldraðra.
Leihbeiningar fyrir greinaböfunda
Fræðilegar greinar í Læknablaðið skulu
sendar ritstjórn Læknablaðsins, Domus
Medica, Reykjavík.
Læknablaðið birtir vísindalegar greinar
um öll svið læknisfræðinnar, hvort sem
þær eru byggðar á eigin athugunum og
rannsóknum eða samantekt á annarra
reynslu, bæði yfirlits- og fræðslugreinar.
Þá eru og birtar styttri athugasemdir og
lesendabréf.
Greinar skulu uppbyggðar á skýran
hátt. Tilgangur greinarinnar skal skýrt
tekinn fram í inngangi. Athugunum og
rannsóknum höfundar skal haldið sér í
kafla. Oft hæfir að ræða síðan niðurstöður
höfundar og bera saman við fyrri þekk-
ingu um sama efni. Að lokum skulu niður-
stöður dregnar og bornar saman við fyrri
þekkingu um sama efni. Öllum greinum
byggðum á eigin reynslu höfundar skal
fylgja efniságrip (summary) á ensku.
Handrit skulu vera vélrituð, helzt í
tveimur eintökum, með breiðri (ca. 5 cm.)
spássíu og tvöföldu línubili. Handritið skal
vera snyrtilegt og hreint; leiðréttingar
skulu vera greinilegar. Þá hluta handrits,
sem prenta á með smáletri (petit) (sjúk-
dómslýsingar, aðgerðir o. fl.) á að skrifa
með sama línubili, en merkja greinilega á
spássíu.
Greinartitill skal vera stuttur, en skýr,
og lýsa viðfangsefni greinarinnar. Stund-
um er betra að hafa undir.titil. Inniheldur
aðaltitill þá eitt eða fleiri lykilorð, sem
nauðsynleg eru til réttrar færslu greinar-
innar í spjaldskrá. Undir titil greinarinnar
setur svo höfundur nafn sitt og ef til vill
nafn stofnunar þeirrar, þar sem að grein-
inni hefur verið unnið.
Töflur spara oft langt mál í texta og
ætti ekki að nauðsynjalausu að endurtaka
í texta þær upplýsingar, sem í töflum
standa. Töflur skulu hafðar eins einfaldar
og skýrar og unnt er. Hver tafla skal
skrifuð sér á blað, og þær skulu tölusettar
í þeirri röð, sem um þær er rætt í texta.
Töflur mega hafa titil, og þeim skal fylgja
stuttur skýringatexti, svo að skilja megi
þær án þess að lesa greinartexta. í hand-
riti skal merkja á spássíu, hvar staðsetja
á hverja töflu.
Myndir skal velja með kostgæfni, og