Læknablaðið - 01.04.1976, Blaðsíða 45

LÆKNABLAÐIÐ
77
að benda á, að öll gögn ráðstefnunnar er
hægt að sjá og kanna nánar á skrifstofu
Læknafélags fslands.
A. K.
ÖLDRUNARLÆKNISFRÆÐI
Víða um lönd er uppi sú stefna að efla
þjónustu utan sjúkrahúsa og styrkja hina
félagslegu þætti í heilbrigðisþjónustunni.
Læknadeildir huga að þessum greinum frá
fræðilegu sjónarmiði. og auka stöðugt
kennslu í heimilislækningum og svokölluðum
félagslækningum. Ein grein læknisfræði, sem
snertir báða hina fyrrnefndu þætti læknis-
fræðinnar, hefur þróazt ört á síðasta ára-
tug og raunar haslað sér völl við marga
læknaskóla bæði vestan hafs og austan og
er nú að hefja göngu sína í Skandinavíu, en
þetta er öldrunarlæknisfræði (geriatri). Pað
hefur all lengi verið um það deilt, hvort
greina eigi „geriatri" frá „medicin" eða ekki,
en nú hefur teningunum verið kastað. Margir
læknaskólar hafa tekið upp „geriatri" sem
sérstaka kennslugrein og vinna að undir-
búningi á þessu sviði, vandaðar kennslu-
bækur hafa nýlega verið gefnar út til notk-
unar við háskólakennslu.
Félagsmálastjórnendur í landinu reyna að
leysa heilbrigðisþjónustu aldraðra, en flestar
ráðstafanir virðast þó hafa það sameiginlegt,
að miða að því að ieysa einkenni vandans,
en ekki grunnorsakir. Hér er um að ræða
fjárhagslega og félagslega veigamikið svið
heilbrigðisþjónustunnar á komandi áratugum.
í vaxandi mæli mun fjárhagslegur velfarnað-
ur og félaasleg heill samfélagsins byggjast
á alhliða þjónustu á þessu sviði. Hér er
meiri þörf en flesta grunar að móta menntun
heilbrigðisstétta þannig, að unnt verði á
hverjum tíma að nýta alla tiltæka þekkingu.
A. K.