Fréttatíminn - 26.11.2010, Page 40
4 jól Helgin 26.-28. nóvember 2010
Stórhöfða 25 • Sími 569 3100 • eirberg.is
Háls- og
herðanudd
• Shiatsu nudd með hita
• Dregur úr vöðvaspennu
• Vönduð vara
Opið virka daga kl. 9 -18
og laugardaga kl. 11 - 16
Nuddsæti
• Shiatsu herða- og baknudd
• Sjálfvirkt og stillanlegt nudd
• Djúpslökun - infrarauður hiti
Shiatsu iljanudd
• Endurnærandi fótanudd
• Þriggja punkta nudd
• Djúpnudd með hita
Withings vogin
• Þyngd og fituhlutfall skráð
• Þráðlaus samskipti við tölvu
• Tengist iPhone og iPod touch
• Skynjar hver notandinn er
• Allt að 8 notendur
Framúrskarandi tækni
og útlitshönnun
Rakatæki frá
AIR-O-SWISS
• Auka gæði loftsins
• Hljóðlát og sparneytin
• Viðurkennd hönnun
• Auðveld í notkun
Jólarjúpur
með soðsósu
fyrir 4
4 stk. hamflettar rjúpur
1 laukur
1 gulrót
1 sellerístöngull
nokkrar greinar timjan
nokkrir steinseljustilkar
10 svört piparkorn
5-10 einiber
Skerið bringurnar frá og
geymið til hliðar. Hreinsið
innan úr fuglinum. Hjarta
og fóarn er notað í soðið.
Skerið fóarn í sundur og
hreinsið. Bútið beina-
grindina niður. Setjið smá
skvettu af olíu í pottinn
og brúnið beinin. Skerið
svo grænmetið í grófa
bita og brúnið líka. Hellið
vatni yfir svo fljóti yfir
beinin. Látið suðuna koma
upp, lækkið svo hitann og
látið malla í tvo, þrjá tíma.
Sigtið soðið og sjóðið
áfram niður í u.þ.b. 15
mín. Setjið til hliðar.
Sósan
rjúpusoð
1/2-1 1/2 dl rjómi
1 msk. rifsberjahlaup
klípa af gráðaosti
salt og pipar
Hitið upp soðið og
bætið við rjóma að smekk.
Hrærið rifsberjahlaupinu
og gráðaostinum saman
við. Hér verður að fara
hægt í sakirnar og setja
lítið í fyrstu og smakka
til. Það er alltaf hægt að
bæta meira við seinna.
Það verður hver og einn
að finna það jafnvægi
sem hentar. Athugið að
gráðaosturinn inniheldur
töluvert salt og því er
ekki víst að þurfi að salta.
Þykkið, ef þarf, með
Maizena.
Hitið olíu á pönnu og
léttsteikið bringurnar á
báðum hliðum. Leggið til
hliðar í nokkrar mínútur.
Saltið, piprið og berið svo
fram með Hasselback-
kartöflum, sósunni og
Waldorf-salati og smávegis
rifsberjahlaupi.
Waldorfsalat
fyrir 6-8
3 græn epli, afhýdd og
skorin í 1 cm bita
16 græn vínber, skorin í
tvennt
3 sellerístönglar, skornir í
fínar sneiðar
50 g valhnetur, grófsax-
aðar
150 ml sýrður rjómi, 18%
150 ml rjómi, léttþeyttur
1 msk. sítrónusafi
1 msk. hlynsíróp (má
sleppa)
Blandið öllu saman í skál
og geymið í kæli þar til sal-
atið er borið fram. Best er
að búa það til sama dag og
það á að borðast. Skreytið
salatið með söxuðum val-
hnetum.
Hasselback-
kartöflur
12-16 litlar eða meðal-
stórar kartöflur
1 msk. fínsaxað rósmarín
1 msk. fínsaxað timjan
1 hvítlauksrif, pressað
1-2 msk. ólífuolía
smjör til penslunar
salt og pipar
Skerið smábút neðan af
kartöflunum. Þá velta þær
síður. Notið beittan hníf,
helst með þunnu blaði, og
þverskerið skurði með 2-3
mm millibili í kartöflurnar.
Skerið samt ekki alveg
niður því þær þurfa að
hanga saman neðst.
Hitið ofn í 190 gráður
C. Veltið kartöflunum
upp úr olíunni, saltið
og setjið í ofn. Þegar 10
mín. eru liðnar, penslið
kartöflurnar með smjöri.
Eldið þær þar til þær verða
gylltar að utan en mjúkar
að innan, u.þ.b. 15-25
mín. til viðbótar. Penslið
þær með hvítlauknum og
kryddjurtunum 4-5 mín.
áður en þær eru teknar úr
ofninum.
Laxakörfurnar eru
ákjósanlegt fingrafæði til
að hafa með kampavíni
eða hvítvíni á meðan beðið
er eftir jólamáltíðinni.
Laxakörfur
fingrafæði
15 körfur
15 franskbrauðssneiðar
ólífuolía til penslunar
1 vorlaukur, fínt sneiddur,
eða sambærilegt magn af
graslauk
Fylling:
100 g reyktur lax, skorinn í
fína strimla
5 msk. sýrður rjómi 18%
5 msk. grísk jógúrt
1 tsk. fínt rifinn sítrónu-
börkur
½ tsk. sítrónusafi
salt og pipar
3 vorlaukar, fínt saxaðir,
eða sambærilegt magn af
graslauk
Hitið ofninn í 180°C. Notið
glas eða málmhring sem
er u.þ.b. 7 cm í þvermál til
þess að skera kringlóttar
sneiðar innan úr brauð-
sneiðunum. Fletjið
sneiðarnar með kökukefli
og penslið þær með olíu.
Þrýstið þeim vel niður í
lítil mót sem búið er að
pensla með olíu. Tilvalið
er að nota lítil muffinsmót.
Bakið í 11-15 mín-
útur, eða þar til brauðið
hefur tekið á sig gylltan lit.
Látið kólna. Hrærið saman
sýrðum rjóma, jógúrt, laxi,
sítrónuberki, sítrónusafa
og vorlauk. Saltið og
piprið. Setjið fyllinguna í
körfurnar. Hentugt er að
nota sprautupoka til þess.
Dreifið vorlauknum yfir.
Jólamaturinn rækta sJálf meðlætið
Veiðir í jólamatinn
V ið höfum mikla ánægju af að nýta hráefni úr okkar um-hverfi og höfum stundum tals-
vert fyrir því að verða okkur úti um
það. Á sumrin höldum við úti tveimur
matjurtagörðum; á Norðurlandi, þar
sem við höfum aðstöðu til sumardval-
ar, og í höfuðborginni. Mikill munur
er á því hráefni sem maður ræktar
sjálfur og því sem finna má í stórmörk-
uðum, fyrir utan það að tilkostnaður-
Hjónin Gísli Egill Hrafnsson ljósmyndari og
Inga Elsa Bergþórsdóttir hjá Fabrikunni
auglýsingastofu eru miklir matgæðingar. Gísli
Egill hefur sérhæft sig í matarmyndum og má
sjá myndir eftir hann í fjölda bóka og tímarita.
Á jólunum hafa þau rjúpur í matinn sem Gísli
Egill veiðir og meðlætið kemur úr matjurta-
garði fjölskyldunnar. Ljósmyndir/Gísli Egill Hrafnsson
inn er lítill,“ segir Gísli Egill og bætir við að dætur
þeirra hjóna séu með í þessu líka af lífi og sál. „Það
þarf þolinmæði og ögun þegar berjatíminn nálgast og
runnar fara að svigna undan rifsberjum, sólberjum,
hindberjum, stikilsberjum og já, eplum. Úr því gerum
við sultur, mauk, gel og snafsa,“ segir Inga Elsa.
Á sumrin fá þau útrás fyrir veiðiástríðuna. „Við
veiðum bæði lax og silung en laxveiðin hefur látið
undan síga, með hækkandi verðlagi. Lax og silungur
er frábært hráefni ferskt en við tökum alltaf frá hluta
veiðinnar og reykjum til vetrarins. Mest reykjum við
sjálf í okkar reykofni, lítinn hluta látum við taðreykja
sem er okkar íslenska sérstaða sem okkur ber að
varðveita.“
Mikil tilhlökkun fylgir því þegar líða fer að rjúpna-
vertíðinni. „Fyrirhöfnin og áreynslan er það sem
gefur henni gildi. Maður gengur upp og niður fjöll
í brunagaddi á meðan birtu nýtur. Það er engu líkt
að standa uppi á fjalli í tíu stiga frosti árla morguns
á sunnudegi, þegar þjóðin sefur, og hafa útsýni yfir
hálft landið. Hvað aflabrögð áhrærir þá erum við
ánægð með að fá í jólamatinn. Það dugir okkur,“ segir
Gísli Egill.
Undanfarin ár hafa þau sótt hinar ýmsu krydd-
jurtir í jólamáltíðina út í garð. „Við þurfum að skýla
plöntunum og vernda þær fyrir frosti og vindum en
það er eins og ákveðnum hring sé lokað um jólaleytið
því strax í janúar byrjum við að sá fræjum fyrir næsta
sumar,“ segir Inga Elsa en þau hjón dvöldu við nám í
Frakklandi í fimm ár. „Sú dvöl hefur markað okkur
mjög og við höfum ekki haldið jól undanfarin tuttugu
ár án þess að hafa foie gras í forrétt, en það er ein-
faldlega feit lifur úr aliöndum eða -gæsum. Menn og
konur telja sig komast í nágrenni við himnaríki þegar
hún er snædd. Ef við bætum við Sauternes, sætu
hvítvíni, þá erum við einfaldlega komin langt út fyrir
gufuhvolfið.“
... við höfum ekki haldið jól
undanfarin tuttugu ár án þess
að hafa foie gras í forrétt, en
það er einfaldlega feit lifur úr
aliöndum eða -gæsum. Menn
og konur telja sig komast í
nágrenni við himnaríki þegar
hún er snædd.