Læknablaðið - 15.04.1985, Qupperneq 46

104
LÆKNABLAÐIÐ 1985; 71: 104-7.
Baldur Johnsen
FYRSTA SVÆÐAFÉLAG EMBÆTTISLÆKNA Á
ÍSLANDI
Atvik að stofnun Læknafélags Vestfjarða
25.-26. ágúst 1940 rifjuðust upp fyrir undir-
rituðum, þegar fréttist um aðalfund
Læknafélags íslands á ísafirði sömu mánað-
ardagana í ágúst síðastliðið sumar.
Undirbúningur stofnunar þessa fyrsta
svæðafélags lækna utan höfuðborgarsvæðis-
ins hófst fyrir alvöru, er héraðslæknarnir
Bjarni Guðmundsson, Flateyri, Kristján
Arinbjarnar, ísafirði og Baldur Johnsen í
Ögri sendu út boðsbréf þann 8. júlí 1940 til
allra lækna á Vestfjörðum um þátttöku í slíku
félagi. (Fyrsta mynd).
Allir vestfirzku læknarnir voru á einu máli
um nauðsyn á stofnun félagsins. Á stofn-
fundinum25.-26. ágúst 1940mættu aukfund-
arboðenda þessir héraðslæknar: Guðmundur
Guðmundsson, Reykhólum, Sigurmundur
Sigurðsson, Bolungarvík, ÓlafurP. Jónsson,
Bíldudal og Kjartan Jóhannsson, aðstoðar-
læknir á ísafirði, eða alls 7 læknar. Héraðs-
læknarnir Karl Magnússon, Hólmavík og
Árni Helgason, Patreksfirði, svo og Gunn-
laugur Þorsteinsson, Þingeyri, gátu ekki
mætt, en óskuðu eftir að mega teljast með
stofnendum.
Gestgjafar stofnfundarins voru þau
Kristján Arinbjarnar og frú Guðrún, kona
hans, þá til heimilis í húsinu að Silfurgötu 7,
sem var læknisbústaður ísfirðinga frá tíð
Vilmundar Jónssonar, í einkaeign þá og
síðan.
Dagskrá fundarins var allfjölbreytt. Fyrst-
ur talaði Kristján Arinbjarnar fyrir hönd
fundarboðenda og lýsti tildrögum að stofn-
fundinum, hlutverki væntanlegs félags í sam-
ræmi við áðurnefnt boðsbréf.
Að því erindi loknu og umræðum um það,
var samþykkt i einu hljóði að stofna félagið.
Lagðar voru fram og ræddar ítarlegar
tillögur að lögum fyrir félagið í sex greinum,
sem allar voru samþykktar.
Barst ritstjórn 20/12/1984.
Heiti félagsins skyldi vera Lœknafélag
Vestfjarða, og aðal tilgangur þess, að stuðla
að kynnum lækna á svæðinu, stuðla að
faglegri þekkingu lækna og aukinni fræðslu
almennings um heilbrigðismál, einkum til
þess að koma í veg fyrir sjúkdóma; þá standi
félagið vörð um önnur hagsmunamál stétt-
arinnar.
Stjórnin skal skipuð þrem aðalmönnum og
þrem til vara, sem síðan skipta með sér
verkum. (Eftir 3 ár var því ákvæði bætt inn í
lögin, að skipta skyldi um stjórn og fundar-
stað a.m.k. áþriggjaára fresti). í fyrstu stjórn
voru kosnir:
Kristján Arinbjarnar, ísafirði, formaður,
Bjarni Guðmundsson, Flateyri, gjaldkeri
°g
Baldur Johnsen í Ögri, ritari.
Þessi stjórn var endurkosin þrisvar, nema
hvað Kristján Arinbjarnar snerti. Hann flutti
frá ísafirði til Hafnarfjarðar, og var þá Ólafur
P. Jónsson frá Bíldudal kosinn í stjórnina, en
Baldur Johnsen, sem nú var orðinn héraðs-
læknir á ísafirði, tók við formannsstörfum.
Á þessum þrem fyrstu árum félagsins, voru
mörg hagsmunamál reifuð og sum til Iykta
leidd.
Á fyrsta ári var rætt bréf Læknafélags
íslands til stjórnvalda, sem lýst var í bréfi til
L. í., að takmarka bærifjölda lækna íþéttbýli
til þess að menn fengjust til starfa úti á
landsbyggðinni. Þessar hugmyndir komu ekki
til framkvæmda, því að á þessu sama ári komu
margir læknar frá Norðurlöndum með Esj-
unni um Petsamo.
Mikið var rætt um stofnun sjóðs til tíma-
ritakaupa fyrir félagsmenn, en tilraunir með
sendingu tímarita á milli staða fóru út um
þúfur. Alþýðufræðsla um heilbrigðismál var
ofarlega á baugi og samþykkt að ráðast í
útgáfu timarits, t.d. með hjálp Rauða kross
íslands. »Heilbrigt líf«, tímarit Rauða kross
íslands, hóf skömmu síðar göngu sína.
Þá var einnig á þessum fyrstu fundum rætt