Læknablaðið - 15.12.1985, Side 34

354
LÆKNABLAÐIÐ
UMRÆÐA (Discussion)
Nú er komið að því að meta það, hvað
niðurstöðurnar tákna: What does it mean
any-way? (9)
Styðja niðurstöðurnar kenningu þina?
Veita þær svör við þeim spurningum, sem
leiddu til þess, að þú gerðir athugun þína?
í rauninni mætti hugsa sér, að hægt væri að
sleppa allri umræðu: »The results have been
presented and in so doing their implications
are made clear. What is there to discuss?«(9)
Þetta gildir að sjálfsögðu ekki alltaf, en er
áminning um það, að þú átt að vera eins
stuttorður og hægt er.
Reyndu að benda á það, hvaða þýðingu
verk þitt getur haft. Tengdu niðurstöður þínar
við það, sem aðrir hafa gert. Forðastu
endurtekningu á því, sem áður kom fram í
texta.
SKIL (Conclusion)
Ef efniviður og niðurstöður eru margbrotin
hlýðir að draga saman undir þessari fyrirsögn,
á sama hátt og gert er í lok góðs erindis,
veigamestu atriðin í niðurstöðum þínum:
• þær staðfesta það sem allir vissu áður,
• þær staðfesta það sem menn hefur grunað,
• þær eru nýjar af nálinni og ganga í berhögg
við niðurstöður annarra.
EFNISYFIRLIT (Summary)
í lokin endurtekur þú mikilvægustu niður-
stöðurnar og athyglisverðustu þættina úr
greininni.
Sú hefð hefur skapast, að þeim greinum,
sem ætla má að eigi erindi við erlenda menn,
fylgi efnisyfirlit á ensku. Því fer trúlega vel á
því að vitna hér i skilgreiningu á fyrirbærinu á
því máli:
»Serves only to bring together, for the
reader who has already read the paper, the
article’s salient points; it often gives only
conclusions, without indicating the experi-
ments that have lead to them or the purpose
and the significans ofthe workperformed. A n
abstract therefore appears at the head of an
article and a summary at the end.« (12)
Þegar þú setur saman enskt »summary«
getur þú hreinlega snúið útdrættinum yfir á
ensku, enda hefur þá kaflanum um skil verið
skotið inn á milli og í skilum getur þú komið á
framfæri þeim upplýsingum, sem ella lentu í
íslensku efnisyfirliti.
ÞAKKIR (Acknowledgements)
Hverjum á að þakka?
Því er fljótsvarað: Samstarfsfólki og
ráðgjöfum. Þeim sem hafa aðstoðað þig á
einn eða annan hátt við rannsókn/könnun,
upplýsingaöflun, tækniteiknun, myndagerð,
undirbúning greinar, ritun og frágang.
Þú getur í einu lagi þakkað starfsfólki
deildar/stofnunar eða að þú nefnir þá sér-
staklega til, sem verulega hafa lagt af mörk-
um. Þú þakkar fyrir það, að hafa fengið að
nota efnivið deildar/stofnunar og þakkar
forstöðumanni hæfilega.
HVERNIG ER SVO FARIÐ AÐ?
í flæðiritinu á mynd 2 er sýnt, hvernig fara má
að við það, að setja saman grein. Sumum
atriðunum hafa þegar verið gerð skil, en
önnur þarf að ræða nánar hér.
Hafðu ávallt í huga, að IMRAD-kerfinu
(Introduction, Materials/Methods, Results,
Discussion) er ætlað að hjálpa þér að forðast
tvítekningar og takir þú mið af orðum
Bradford Hill (9) hér að framan, verður
niðurröðun efnis auðveldari.
Grípum nú niður í flæðiritinu, þar sem
komið er að vali á tilvitnunum, sem koma í
texta og í heimildaskrá.
Ritstjórn Læknablaðsins hefur ákveðið, að
tuttugu heimildir í fræðilegri grein sé hæfi-
legur fjöldi, en að sjálfsögðu má vitna oft í
sömu heimild.
Láttu það aldrei henda þig að vitna beint í
grein eða bók, sem þú hefur ekki undir
höndum eða ljósrit eða mynd af texta. Þú
greinir frá því í skránni, hver heimildin er og
getur þess síðan, hvar þú sást vitnað í
viðkomandi heimild, samanber dæmið i
reglum ritstjórnar (8) í fyrsta viðbætinum.
Dæmi um styttingar á heitum tímarita er í
Viðauka III.
Til upprifjunar er bent á það, sem sagði um
undirbúning og gagnaöflun og á ný minnt á
nauðsyn þess, að leggja snemma leið sína í
bókasafn og fá aðstoð og leiðsögn bóka-
varða.
HANDRIT
Mikilvægt er, að handrit séu snyrtilega frá-
gengin og að þau séu í samræmi við reglur
ritstjórnar.
Á mynd 3 eru sýndir stílfærðir hlutar
handrits og merkingar þeirra. Forsíðan hefur