Læknablaðið - 15.12.1985, Page 70

378
LÆKNABLAÐIÐ
atriðum, auk þeirra, sem upp voru talin í
byrjun þessa viðauka:
• Eru niðurstöður í samræmi við efni-
viðinn?
• Er þörf á að ræða einhver atriði frekar
eða skýra þau?
• Er þörf á að stytta einn eða fleiri hluta
greinar?
• Er efninu rétt skipað niður samkvæmt
IMRAD-kerfinu?
• Eru titill og útdráttur nægilega
fræðandi og svara þeir fyllilega til
efnisins?
• Eru nokkrar villur í útreikningum,
jöfnum, formúlum, töflum, myndum
og fagheitum?
• Eru tilvitnanir við hæfi?
10. Ritdómara ber að gæta þess, að það sem
fram kemur í umsögn og höfundur fær
afrit af, sé sett fram af óhlutdrægni og
forðast skal hann allt það, sem særa kann
höfunda.
11. Ritdómari bendir á það í umsögn sinni,
sem betur má fara. í bréfi til ritstjórnar
getur hann greint á milli þeirra atriða,
sem hann telur óhjákvæmilegt að breytt
verði eða lagfærð og hinna, sem geta
orkað tvímælis eða smekksatriði er,
hvort hróflað er við.
12. Ritdómara ber að skjalfesta, eins
nákvæmlega og kostur er, allt það sem
hann telur að koma þurfi á framfæri við
höfund og/eða ritstjórn.
13. Ritdómara er ekki ætlað að leiðrétta galla
í stíl höfunda eða að svipast um eftir
ritvillum, en þegar hann skilar afriti af
handriti ásamt bréfi til ritstjórnar og
umsögn um verkið, er ávallt vel þegið, ef
ritstjórn fær í kaupbæti ábendingar um
málfar. Sérviska í stíl er einkamál höf-
unda, sem ritstjórn hefir aldrei blandað
sér í, svo fremi, að höfundar riti á
mannamáli.
14. Ritdómarar sæta því, ef ritstjórn
ákveður, að handrit sé sent tveim
gagnrýnendum, enda er það í samræmi
við þær reglur, sem settar voru um
hlutverk gagnrýnenda í upphafi þessa
viðbætis.
TILVITNANIR
1. O’ConnorM. EditingScientific Booksand Journals.
An ELSE CIBA Foundation Guide for Authors.
Tunbridge Wells: Pitman Medical Publishing Co Ltd
1978.
2. DeBakeyL. TheScientific Journal. Editorial policies
and practices. Guidelines for editors, reviewers and
authors. St. Louis: The C.V. Mosley Company 1976.