Kjarninn - 09.01.2014, Qupperneq 42

05/07 kjarninn ViðtaL
„Það sem er sorglegt við þennan niðurskurð er að þá
komast færri verkefni í framleiðslu og þau sem ekki fá styrk
úr sjóðnum geta ekki sótt sér styrki erlendis. Styrkur heima
fyrir er grundvöllur fyrir fjármagni að utan. Þetta er auðvitað
sérstaklega bagalegt þar sem styrkir Kvikmyndasjóðs hafa að
jafnaði dugað fyrir 12-13 prósentum framleiðslukostnaðarins,
restin hefur verið fjármögnuð með öðrum styrkjum,“ segir
Lilja.
við erum samkeppnishæf
Á grundvelli laga um tímabundnar endurgreiðslur vegna
kvikmyndagerðar á Íslandi geta kvikmyndargerðarmenn
fengið endurgreidd 20 prósent af framleiðslukostnaði vegna
framleiðslu kvikmyndar eða sjónvarpsefnis á Íslandi. Sam-
kvæmt upplýsingum frá Atvinnuvega- og
nýsköpunarráðuneytinu námu endur-
greiðslur á framleiðslukostnaði vegna
kvikmynda- og sjónvarpsþáttagerðar hér
á landi tæplega 600 milljónum króna árið
2012. Þar af fengu innlend verkefni 331
milljón króna og erlend 262 milljónir.
„Það er ekkert nema gott hægt að segja um endur-
greiðsluna en hún gerir landið bara samkeppnishæft. Það
hefur ekkert forskot á við aðrar þjóðir sem vilja fá þessa
framleiðslu til sín, því það sama er uppi á teningnum annars
staðar og sums staðar er endurgreiðslan hærri. Ef við byðum
ekki líka upp á þessa endurgreiðslu værum við einfaldlega úr
leik. Einnig hefur hagstætt gengi krónunnar hjálpað til.“
Eitt af því sem Lilja telur að hafi skort á í umræðunni er
áhrif kvikmyndaframleiðslu hérlendis á komur ferðamanna
til landsins. „Við höfum ekkert metið áhrif framleiðslunnar
á þessa þætti. Til að mynda var fjölmiðlaumfjöllunin um
kvikmyndun Millennium-þríleiksins, sem byggður er á skáld-
sögum Stiegs Larsson, metinn á um 960 milljónir sænskra
króna miðað við hvað hefði kostað að kaupa sömu umfjöllun
í formi auglýsinga eða annarrar markaðssetningar. Ég fæ
sjálf símtöl á sumrin frá erlendum ferðaskrifstofum sem vilja
„Það getur tekið nokkur ár að
þróa kvikmynd en það er ekki
auðvelt því hér á landi er ekki í
boði svo þolin mótt fjármagn.“