Búskapur hins opinbera 1994-1995 - 01.04.1996, Blaðsíða 5

Formáli
Rit þetta fjallar um búskap liins opinbera. Með búskap hins opinbera er átt við
starfsemi ríkis, sveitarfélaga og almannatryggingakerfis. Hér er þó undanskilin
starfsemi fyrirtækja og sjóða í opinberri eigu enda er slíkri starfsemi að jafnaði
ætlað að standa undir sér með sölu á vöru eða þjónustu á almennum markaði.
I ritinu er meðal annars að finna yfirlit um tekjur, útgjöld og afkomu hins
opinbera. Birt eru sundurliðuð yfirlit og tölur dregnar saman fyrir hið opinbera í
heild. Jafnframt er fjallað um umfang hins opinbera í þjóðarbúskapnum og í því
skyni stuðst við mismunandi mælikvarða. Þá er gerð grein fyrir skuldum og
lánastarfsemi hins opinbera. Einnig er gerður samanburður á afkomu og umsvifum
hins opinbera á Islandi og í öðrum aðildarríkjum OECD. Loks er fjallað um
heilbrigðismál í alþjóðasamhengi. Gerð er grein fyrir markmiðum og leiðum, fjár-
mögnun og framboði á heilbrigðisþjónustu og talnalegur samanburður gerður.
Rétt er að vekja athygli á því að í þessu riti líkt og í því síðasta er fylgt þeirri
breyttu skilgreiningu á umfangi hins opinbera sem kynnt var í Búskap hins
opinbera 1992-1993, sem út kom í apríl 1994. Eldra uppgjör um fjármál hins
opinbera hefur því verið leiðrétt til samræmis við þessa nýju skilgreiningu. Hér er
um að ræða ýmsar viðbætur við tekjur og útgjöld hins opinbera, sem teljast að
réttu með samkvæmt þjóðhagsreikningakerfi Sameinuðu þjóðanna. Þessar breyt-
ingar tengjast breytingu á reikningsskilum ríkisins, sem nú eru til umræðu.
Uppistaða ritsins er talnaefni fyrir árin 1990-1994, en þó er einnig í því að
finna bráðabirgðatölur fýrir árið 1995 sem meðal annars eru byggðar á greiðslu-
uppgjöri ríkissjóðs og tekju- og afkomuhorfum sveitarfélaga. Sömuleiðis er að
finna talnaefni sem nær allt aftur til ársins 1980. Gerð er grein fyrir þessu talnaefni
í fyrsta hluta ritsins og þar er Iögð áhersla á búskap hins opinbera í heild.
Áður hafa komið út sex rit um sama efni; árið 1983, 1986, 1991, 1993, 1994 og
1995. Ritið sem gefið var út 1995 spannaði tímabilið 1990-1993. Nú bætist við eitt
ár, 1994. Ritið kemur út árlega og er með áherslu á næstliðin tvö ár, með endan-
legu uppgjöri fyrir fyrra árið og bráðabirgðatölum fyrir það síðara.
Á vegum Þjóðhagsstofnunar hefur Jóhann Rúnar Björgvinsson einkum unnið
að gerð þessa rits, tekið saman talnaefnið og samið skýringar.
Þjóðhagsstofnun
í apríl 1996
Þórður Friðjónsson
3