Fréttatíminn - 06.06.2014, Blaðsíða 2

Samfélagsverkefnið Laugargarðar, sem
er samfélagsrekinn matjurtagarður, fer
formlega af stað laugardaginn 14. júní
þegar fyrsta sáning í garðinn fer fram.
„Þetta í fyrsta skipti sem svona garðar
eru settir upp á Íslandi,“ segir Brynja
Þóra Guðmundsdóttir, verkefnisstjóri.
Um er að ræða verkefni fjögurra nem-
enda úr Listaháskóla Íslands og Land-
búnaðarháskólanum sem hafa umsjón
með garðinum í samstarfi við Reykjavík-
urborg sem úthlutaði þeim lóð við hlið-
ina á fjölskyldugörðunum í Laugardaln-
um. Garðurinn verður um 500 fermetrar
og þarf af 200 fermetra ræktunarsvæði
og verður hann byggður upp í nokkrum
skrefum yfir sumartímann.
„Það sem aðgreinir garðinn frá öðrum
almennings matjurtargörðum í borginni
er áherslan sem lögð er á sameiginlega
ræktun í bland við þá áherslu sem lögð er
á félagslega eflingu innan hverfisins. Af-
rakstur sumarsins verður seldur á bænda-
markaði og munu tekjur af honum fara í
áframhaldandi starfsemi ásamt ýmsum
öðrum uppákomum. Ávinningur fyrir
íbúa er að fá matinn inn í hverfið, fræðslu
og stuðning sem að fylgir sameiginlegri
ræktun auk þess sem slík starfsemi eflir
tengsl meðal hverfisbúa,“ segir Brynja.
Ýmsar uppákomur tengdar sjálfbærni
verða haldnar við garðinn í sumar. Að-
standendur verkefnisins vonast til að það
öðlist áframhaldandi líf í höndum hverfis-
búa að loku sumri og að jafnvel verði hægt
að tengja það inn í hverfisskólana. „Þetta
er tilraunaverkefni og við sjáum betur í
lok sumars hvert þetta getur stefnt,“ segir
hún. -eh
 Sjálfbærni laugargarðar eru fyrSti SamfélagSrekni matjurtagarðurinn á ÍSlandi
Samfélagsrekinn matjurtagarður
Pokum sem þessum hefur verið dreift víða
um Laugarnesið og Laugardalinn til að vekja
athygli á verkefninu. Hér er grænkál og lollo
rosso sem mun brátt spretta í Laugargörð-
um. Ljósmynd/Facebook.com/Laugargardar
Í sskápshurðir á barnmörgum heim-ilum voru öðruvísi en ísskápshurðir einstæðinga og þeirra sem áttu upp-
komin börn. Þar sem börn voru á heim-
ilinu voru oftast fleiri hlutir á ísskáps-
hurðinni og meiri óreiða. Í raun jókst
óreiðan í réttu hlutfalli við fjölda barna,“
segir Jóhanna Sigríður Hannesdóttir,
blaðamaður á Sunnlenska, sem í BA-rit-
gerð sinni í þjóðfræði við Háskóla Íslands
fjallar um hvernig ísskápshurðir endur-
spegla eigendur þeirra og samfélagið sem
þeir búa í.
Hún segir marga hafa hváð þegar
þeir heyrðu af því að hún væri að vinna
lokaritgerð í háskóla um ísskápshurðir
en hugmyndina fékk hún eitt sinn þeg-
ar hún var að horfa á ísskápshurðina hjá
tengdamóður sinni, áttaði sig á því hversu
gjörólík hún var ísskápshurðinni á hennar
eigin heimil og fór að velta fyrir sér hvort
skreytingar, miðar og myndir á ísskáps-
hurðum – eða skortur á þeim – gæti veitt
innsýn í líf heimilisfólks.
Við vinnsluna tók hún allt að klukku-
stundar löng viðtöl við viðmælendur sína
um hvað væri á ísskápshurðinni þeirra,
og hvers vegna. Í framhaldinu óskaði hún
eftir myndum frá fólki af ísskápshurðum
auk upplýsinga um heimilishald.
„Það kom mér einna mest á óvart við
rannsókn þessa hversu algengt er að
konan á heimilinu sjái um að skreyta ís-
skápshurðina. Jafnframt komst ég á snoð-
ir um að sá eða sú sem helst sér um
matseldina á heimilinu er einnig sá
eða sú sem helst setur hluti á ís-
skápshurðina. Oftar en ekki er
það einmitt húsmóðirin. Þar
sem karlmaðurinn er virkur í
eldhúsinu setur hann líka hluti
á ísskápshurðina. Það virðast
vera bein tengsl milli aukinn-
ar virkni karlmannsins í eld-
húsinu og þess að hann setji
hluti á ísskápshurðina í aukn-
um mæli,“ segir Jóhanna en
tekur fram að það hafi alls
ekki verið ætlun hennar
með verkefninu að skoða
kynjaskiptingu sérstak-
lega. Hún hafi þó ekki
getað hunsað þessar
niðurstöður. „Ísskáps-
hurðin tilheyrði kon-
unni fyrst og fremst.
Virðist það tengjast
því að eldhúsið er
oftar en ekki stað-
ur konunnar - þó að
við séum komin á 21.
öldina,“ segir hún.
Jóhanna telur það
enga tilviljun að við-
mælendur hennar völdu
að setja minnismiða,
stundatöflur og fleira
á ísskápshurðina en
ekki einhvern annan
stað. „Við ísskápinn er einfaldlega mesta
umferðin. Fólk þarf að borða á hverjum
degi og því er líklegt að fólk reki augun í
eitthvað sem stendur á hurðinni, eitthvað
sem þarf að muna,“ segir hún.
„Við rannsókn mína varð ég oft sorg-
mædd, sérstaklega þegar ég greindi að-
sendu myndirnar. Þær myndir fékk ég
sendar frá alls konar fólki, einstæðingum
og fjölskyldufólki, ungum sem öldnum.
Maður sá vel á þessum myndum hvað tím-
inn líður hratt og hvernig ísskápshurðin
tekur stakkaskiptum þegar börnin flytja
að heiman. Þá verður minni óreiða á ís-
skápshurðinni og um leið fær hún á sig
einmanalegan blæ,“ segir Jóhanna. Hún
tekur fram að niðurstöður hennar sé ekki
hægt að yfirfæra á samfélagið án varnagla
og varast skuli alhæfingar. „Ef það er
eitthvað sem ég komst að með rannsókn
minni er það að ísskápshurðir er vert er
að rannsaka nánar,“ segir hún.
Erla Hlynsdóttir
erla@frettatiminn.is
Kvennaveldi á ísskápshurð
Hvaða skraut, myndir og minnismiðar rata á ísskápshurðina getur sagt margt um fjölskylduna eða
einstaklinginn sem býr á heimilinu. Þessu komst Jóhanna Sigríður Hannesdóttir að en hún kynnti
sér sérstaklega ísskápshurðir í lokaverkefni sínu í þjóðfræði. Þó ekki sé hægt að alhæfa út frá
niðurstöðunni var skýrt að ísskápshurðin tilheyrir húsmóðurinni á heimilinu sem sér að mestu um
að setja hluti þar á.
Ísskáps-
hurðin tekur
stakkaskipt-
um þegar
börnin flytja
að heiman.
 Þjóðfræði jóhanna rannSakaði ÍSSkápShurðir Í lokaritgerð
Ískápsshurð hjá 5 manna fjölskyldu þar sem
ýmislegt leynist, til að mynda stundatöflur,
upplýsingar um eldvarnir og segulbókstafir.
Ísskápshurð hjá einstæðingi þar sem öllu
fátæklegra er um að lítast, en þó nokkrar upp-
skriftir og hógvær innkaupalisti.
Jóhanna Sigríður
Hannesdóttir, BA í
þjóðfræði við Há-
skóla Íslands.
Hinsegin flóttamenn á leið til Íslands
Félags- og húsnæðismálaráðherra og utan-
ríkisráðherra hafa samþykkt tillögu flótta-
mannanefndar um móttöku fimm hinsegin
flóttamanna frá Simbabve, Úganda og
Kamerún og sex manna fjölskyldu frá Afgan-
istan. Móttökusveitarfélög flóttafólksins eru
Reykjavíkurborg og Hafnarfjarðarbær.
Tillaga flóttamannanefndar um móttöku
fólksins byggist á samþykkt ríkisstjórnar-
innar frá 10. september síðastliðnum þar
sem ákveðið var að taka annars vegar á
móti hinsegin fólki og hins vegar konum
í hættu frá Afganistan, alls 10 – 14 ein-
staklingum.
Flóttamannanefnd skoðaði umsóknir
flóttafólks sem Flóttamannastofnun Samein-
uðu þjóðanna lét nefndinni í té. Reykjavíkur-
borg verður móttökusveitarfélag hinsegin
flóttafólksins og hefur því átt aðkomu að
málinu með flóttamannanefnd. Ein kona er í
hópi flóttafólksins, hinir fjórir eru karlmenn.
Öll eiga þau sameiginlegt að hafa flúið
heimaland sitt vegna ofsókna sem þau hafa
sætt vegna kynhneigðar sinnar. -sda
UNICEF á Íslandi hóf í gær neyðar-
söfnun fyrir börn í Suður-Súdan.
Ástandið þar í landi er grafalvarlegt og
segir framkvæmdastjóri Sameinuðu
þjóðanna að ef ekkert verði að gert
muni helmingur landsmanna vera á
flótta, hungraðir eða dánir fyrir lok
árs. 12 milljónir manna búa í Suður-
Súdan. Helmingur þeirra er börn. Yfir
50.000 vannærð börn munu láta lífið
á næstu vikum og mánuðum fái þau
ekki tafarlausa aðstoð, að sögn Stefáns
Inga Stefánssonar, framkvæmdastjóri
UNICEF á Íslandi.
Neyðarsöfnun fyrir börn í Suður-Súdan
Nýsköpunarsjóður hefur áform um að
stofna nýjan fjárfestingarsjóð með því
að fá lífeyrissjóðina til að leggja með sér
í sjóð. Vinnuheiti sjóðsins er Silfra. Orri
Hauksson, fráfarandi formaður stjórnar
Nýsköpunarsjóðs atvinnulífsins (NSA),
fjallaði um sjóðinn á ársfundi NSA í gær
og í ársskýrslu NSA. „Það væri jákvætt
fyrir hagkerfið ef hann kemst á koppinn,“
sagði Orri og lagði áherslu á að hér á
landi vantaði fé til sprotafjárfestinga og
fáir varanlegir fjárfestar á því klakstigi
fyrirtækja aðrir en Nýsköpunarsjóður,
sem hafi ekki burði til að fjárfesta í
öllum þeim hugmyndum sem hann
telji vænlegar. Orri benti á að NSA hafi
aðeins fjárfest í tveimur nýjum fyrir-
tækjum í fyrra og engu það sem af er ári.
Sjóðurinn sé nú næstum fullfjárfestur og
geti illa tekist á hendur ný verkefni nema
hann gangi út úr öðrum fyrst. Sjá síðu
12. -sda
Vilja lífeyrissjóðina í fjárfestingasjóð
PI
PA
R\
TB
W
A
•
S
ÍA
•
1
41
67
3
Flottar
útskriftargjafir
– okkar hönnun og smíði
Sími 552 4910 jonogoskar.is Laugavegi 61 Kringlan Smáralind
2 fréttir Helgin 6.-8. júní 2014