Fréttatíminn - 06.06.2014, Blaðsíða 46

46 grænn lífsstíll Helgin 6.-8. júní 2014
S umarið er tími garðverkanna þegar íbúar byrja að undirbúa garða sína fyrir sumarið með tilheyrandi klipp-
ingum og snyrtingu á gróðri. Á höfuð-
borgarsvæðinu fellur til mikið magn af
garðaúrgangi sem þarf að farga og þá koma
endurvinnslustöðvar SORPU sterkar inn.
„Það er óhætt að segja að það hafi verið
mikið að gera hjá okkur síðustu 3-4 vikurnar
enda eru vor og sumar lang annasamasti
tíminn á endurvinnslustöðvunum. Síðustu
helgar höfum við ítrekað fengið upp í
1000 heimsóknir á dag á einstaka stöðvar
og þegar svo er getur fólk þurft að bíða í
nokkrar mínútur eftir að komast að,“ segir
Guðmundur Tryggvi Ólafsson, rekstrarstjóri
endurvinnslustöðva SORPU. Hann segir að
yfirleitt taki menn því vel þótt einhver bið
skapist og langflestir séu ánægðir með þá
þjónustu sem þeir fá og aðstöðuna sem boðið
er upp á. Viðhorf notenda til þjónustunnar
eru mæld reglulega og síðast voru um 90%
þeirra sem komu á endurvinnslustöðvarnar
sáttir eða ánægðir.
Tillitssemi
Að sögn Guðmundar eru helstu álagstímar
á endurvinnslustöðvunum um helgar og
tvær fyrstu klukkustundirnar eftir opnun
á virkum dögum. Vilji menn forðast bið-
raðir er því best að koma um miðjan dag
í miðri viku. „Það flýtir mikið fyrir ef fólk
hefur grófflokkað úrganginn áður en það
kemur hingað, en sé ekki með allt í einni
hrúgu og þurfi að byrja á að tína upp og
flokka í mismunandi gáma. Þetta er ekki
bara tímasparnaður fyrir þann sem kemur
með úrganginn hingað heldur líka ákveðin
tillitssemi við aðra sem bíða eftir að komast
að.“ Hann segir að það skipti miklu að halda
öðrum efnum, eins og möl og plasti, að-
skildu frá almennum garðaúrgangi því hann
sé nýttur til moltuframleiðslu.
36 flokkar
Alls rekur SORPA 6 endurvinnslustöðvar
á höfuðborgarsvæðinu sem eru opnar alla
daga vikunnar. Þar starfa um 30 manns á
vöktum og segir Guðmundur að starfsfólkið
leiðbeini fólki um flokkunina ef þörf er á,
en alls er tekið við 36 flokkum af úrgangi á
stöðvunum. Um 35 þúsund tonn af úrgangs-
efnum berast inn á endurvinnslustöðvarnar
á ári sem er heldur meira en allt það magn
sem sorphirðan sækir til heimilanna á höfuð-
borgarsvæðinu og skilar í móttökustöðina
í Gufunesi. „Auðvitað er þetta ekki allt frá
heimilum á svæðinu því hingað kemur líka
úrgangur frá atvinnulífinu.“ Guðmundur
segir að almennt gangi vel að fá fólk til
að flokka það sem komið er með á endur-
vinnslustöðvarnar, en um 70% af öllu sem
þangað berst fer í einhverskonar endur-
notkun, endurvinnslu eða endurnýtingu.
Einungis 30% fara í urðun og er markvisst
unnið að því að minnka það hlutfall.
Gjaldtaka
Endurvinnslustöðvarnar eru reknar sam-
kvæmt sérstökum samningi á milli SORPU
og sveitarfélaganna á höfuðborgarsvæðinu.
Kostnaður vegna reksturs stöðvanna er
greiddur af eigin aflafé endurvinnslustöðv-
anna en sveitarfélögin greiða það sem upp
á vantar. Sveitarfélögin innheimta svo aftur
kostnaðinn af íbúum í gegnum fasteigna-
gjöld.
Þótt heimilin greiði fyrir losun á úrgangi
sem til fellur við almennt heimilishald í
gegnum skatta á það hins vegar ekki við um
atvinnureksturinn sem einnig notfærir sér
endurvinnslustöðvarnar. Því þurfa verktakar
og aðrir í atvinnulífinu að greiða samkvæmt
almennri gjaldskrá þegar þeir koma með
úrgangsefni frá atvinnurekstri inn á stöðv-
arnar. „Íbúar geta komið með úrgang sem
fellur til við daglegan heimilisrekstur án þess
að greiða móttökugjald, en ef það eru í gangi
stórframkvæmdir á heimavígstöðvunum
þurfa menn að greiða fyrir framkvæmda-
úrgang og farma sem eru umfram 2 rúm-
metra,“ segir Guðmundur.
Aukin endurnotkun og endurvinnsla
Guðmundur segir að hvers kyns endurnotk-
un og endurvinnsla hafi aukist jafnt og þétt,
sem sé mjög jákvæð þróun. Garðaúrgangur-
inn sem berst á stöðvarnar er nýttur í moltu-
framleiðslu og sem yfirbreiðsluefni á urðun-
arstaðnum og það sama á við um steinefnin
sem nýtast sem burðarlag í rekstri urðunar-
staðarins. Öllu plasti er komið í endurvinnslu
og sama er að segja um málma og pappír.
Á síðasta ári var móttaka spilliefna endur-
skipulögð til að auka öryggi við meðhöndlun
þessara efna. Í stað þess að viðskiptavinir
grófflokki sjálfir spilliefnin í mismunandi ílát
er spilliefnum nú skilað á borð við spilliefna-
gám- inn þar sem starfsmenn SORPU taka við
og grófflokka þau, áður en þau eru send til
frekari úrvinnslu hjá Efnamóttökunni hf.
„Við viljum auðvelda íbúum að losna við
spilliefni og höfum móttökuna eins örugga
og þrifalega og hægt er. Við útbúum ferlana
hjá okkur þannig að snerting almennings við
spilliefnin sé sem minnst.“
Góði hirðirinn
SORPA rekur nytjamarkaðinn Góða hirðinn
og þangað er farið með heillega muni sem
berast á endurvinnslustöðvarnar og sem
íbúar vilja að séu nýttir áfram. Allur ágóði af
sölunni fer til góðgerðamála. Starfsemi Góða
hirðisins hefur stóraukist á síðustu árum og
nú fara um 2000 tonn árlega í endurnotkun
í gegnum þennan farveg. SORPA er einnig
með samstarf við ýmis líknar- og hjálpar-
samtök eins og Rauða krossinn sem tekur
við fötum og klæðum í sérstökum gámum á
endurvinnslustöðvunum og Kristniboðs-
sambandið sem tekur við skóm.
„Það er stöðug þróun í gangi og við erum
sífellt að leita nýrra leiða til að afsetja okkar
efni með skynsamlegum hætti. Þannig erum
við í samstarfi við Barnaheill sem fá reiðhjólin
sem hingað berast. Á vegum Barnaheilla eru
hjólin yfirfarin og þeim komið í hendur efna-
minni fjölskyldna. Þetta skiptir hundruðum
hjóla á hverju sumri.“
Um 70% af úrgangi sem berst á stöðvarnar er endurunnin
Sumarið er löngu komið á
endurvinnslustöðvum SORPU
Mikið magn af garðaúrgangi berst inn á endurvinnslustöðvarnar á sumrin.
Meðal þeirra sem njóta góðs af starfi endurvinnslu-
stöðvanna er Kristniboðssambandið en frá því er
þessi tunna þar sem safnað er skóm.
Guðmundur Tryggvi við
skilti sem skilgreinir þá
36 mismunandi flokka
úrgangs sem tekið er við á
endurvinnslustöðvunum.
KYNNING