Fréttatíminn - 06.06.2014, Blaðsíða 18

fatlaðra í Reykjavík, honum finnst virkilega
gaman og þar er mjög gott starf unnið.“
Yngst í systkinahópnum er Heiðbjört Anna.
„Stundum er talað um að þegar hjón eign-
ast barn í nýju sambandi sé það barn kallað
brúarbyggir því það byggir brú milli hópanna.
Það hefur verið svolítið þannig hjá okkur.
Það var frábært fyrir alla að hún kom og allir
tengjast henni jafn mikið. Það er mikilvægt
í svona stjúpfjölskyldu að allir finni að þeir
eru teknir gildir og upplifi að þeir hafi sterka
stöðu innan fjölskyldunnar. Stjúpfjölskyldur
hafa alltaf verið til en á seinni árum erum við
farin að lyfta þessum veruleika upp, tala um
hann og setja stjúptengsl í orð.“
50 daga gleðibloggsátak
Þó Kristín og Árni starfi ekki á sama stað eru
þau vissulega í sama faginu og hafa skapað
sér vettvang þar sem þau nálgast trúna
saman. „Við tölum mikið um guðfræði og
kirkjuna, og við höfum bæði mikinn áhuga á
því hvernig trúin birtist í menningunni, í bók-
menntum, kvikmyndum og leikhúsum. Það
nærir samband okkar að vinna saman að þess-
um hugðarefnum okkar. Saman ritstýrum
við Kirkjuritinu sem er tímarit sem Presta-
félag Íslands gefur út og er ætlað að veita
aðgengilega og áhugaverða umfjöllun um
trúna í samfélaginu. Við bloggum líka saman
á slóðinni ArniogKristin.is. Þar erum við að
ljúka 50 daga gleðibloggsátaki. Tíminn frá
páskum og fram að hvítasunnu er oft kallaður
gleðitíminn og á hverjum degi þessa 50 daga
einsettum við okkur að blogga um eitthvað
sem er jákvætt og uppbyggilegt, og reynum
þar að lyfta upp fólki og atburðum sem bæta
samfélagið.“ Umfjöllunarefnin eru afar fjöl-
breytileg, allt frá því að hrósa Pollapönkurun-
um fyrir boðskap gegn fordómum, hvatning
til að stunda fjallgöngur og yfir í gómsæta
uppskrift að plokkfiskrétti sem sannarlega
getur gert daginn betri.
„Kirkjuárið er byggt upp í kring um atburði
í lífi Jesú. Við höldum upp á fæðingu hans á
jólunum, við minnumst föstunnar, dymbil-
viku, síðustu kvöldmáltíðarinnar, föstudags-
ins langa þegar hann var krossfestur og
fögnum á páskunum þegar hann reis upp
frá dauðum. Tíminn eftir páska og upprisan
er tími þar sem sigur lífsins yfir dauðanum
er umfjöllunarefni kirkjunnar, allt fram að
hvítasunnu. Hefð er fyrir því að tala um þessa
daga sem 50 gleðidaga. Gott er að muna að
allt hefur sinn tíma, sorgin hefur sinn tíma en
líka gleðin. Við höfum 40 daga í lönguföstu
og lesum Passíusálmana en síðan taka við 50
gleðidagar.“
Hvítasunnan markar upphaf kirkjunnar
Hvítasunnan sem nú gengur í garð er þriðja
stórhátíð kirkjunnar, á eftir páskum og jólum.
„Í daglegu lífi fellur hvítasunnan í skuggann.
Það eru engar jólagjafir eða páskaegg. Fyrir
mörgum er hvítasunnan bara löng helgi þar
sem gott er að fara í sumarbústað. Hvítasunn-
an er hins vegar mjög merkilegur viðburður
og gaman að lesa um hann í Nýja testament-
18 viðtal Helgin 6.-8. júní 2014
Ég tek við frábæru búi frá Bjarna og
Sigurvin. Laugarneskirkja er svo heillandi
söfnuður. Hann er með sterka sjálfsmynd
og hefur unnið að því að lyfta upp mál-
efnum minnihlutahópa og þeirra sem eru
á jaðrinum í samfélaginu.
3 m/s - raforkuframleiðsla hefst 15 m/s 28 m/s 34 m/s - raforkuframleiðsla stöðvastKjöraðstæður til raforkuvinnslu
Það er allt í lagi
að það blási svolítið
Í Búrfellsstöð við Þjórsá er gagnvirk orkusýning og skammt
norður af stöðinni eru fyrstu vindmyllur Landsvirkjunar.
Þeim er ætlað að veita vísbendingar um framtíðarmöguleika
í beislun íslenska roksins. Við vonum auðvitað að sumarið
verði gott en okkur finnst líka allt í lagi þó það blási hressilega
í 50 metra hæð yfir hraunsléttunni fyrir norðan Búrfell.
Gagnvirk orkusýning í Búrfellsstöð er opin alla daga kl. 10-17.
Einnig tekur starfsfólk á móti gestum við vindmyllurnar norðan Búrfells
alla laugardaga í júlí kl. 13-17.
Jarðvarmasýning í gestastofu Kröflu er skemmtilegur áfangastaður fyrir
norðan. Þar er opið alla daga kl. 10-17.
Við Kárahnjúkastíflu tekur leiðsögumaður á móti gestum alla miðvikudaga
og laugardaga kl. 14-17.
Velkomin í heimsókn í sumar!
www.landsvirkjun.is/heimsoknir