Fréttatíminn - 09.05.2014, Qupperneq 8

GREIÐSLUR ÚR LÍFEYRISSPARNAÐI
HVAÐ BER AÐ HAFA Í HUGA?
Við bjóðum þér á fræðslufund í Arion banka, Borgartúni 19,
þriðjudaginn 13. maí kl. 17.30. Fyrirlesari er Helga Sveinbjörnsdóttir,
sérfræðingur í lífeyrismálum hjá Arion banka.
Meðal atriða sem farið verður yfir á fundinum:
Reglur um útgreiðslur lífeyrissparnaðar
Skattaleg meðferð lífeyrissparnaðar
Samspil útgreiðslna Tryggingastofnunar og lífeyrissjóða
Fundurinn stendur yfir í rúmlega klukkustund og verður boðið
upp á léttar veitingar.
Allir velkomnir
SKRÁNING Á ARIONBANKI.IS
M álþing um framfærslu barna sem búa á tveimur heimilum verður haldið
í dag, föstudag. Að málþinginu
standa fjögur félög sem öll berjast
fyrir réttindum barna sem búa
á tveimur heimilum en það eru
Samtök meðlagsgreiðenda, Félag
einstæðra foreldra, Félag stjúp-
fjölskyldna og Félag um foreldra-
jafnrétti. Þetta er í fyrsta sinn sem
félögin fjögur starfa saman.
Einstæðir foreldrar fá ekki
viðurkenningu í kerfinu
Birgir Grímsson, hjá Félagi um
foreldrajafnrétti, segir að þegar
komi að barnalögum hafi kerfið
ekki þróast í samræmi við breyt-
ingar í samfélaginu. Hann bendir
á að þrátt fyrir nýlegar breytingar
á barnalögum, sem allar hafi verið
til bóta, sé enn talsverð skekkja
í kerfinu. Sem dæmi um skekkju
tekur Birgir sjálfan sig sem dæmi
en hann er deilir forræði með
barnsmóður sinni en er ekki
skráður fyrir lögheimili barnanna.
„Ég, sem einstætt foreldri sem
ekki er skráð fyrir lögheimili
barnanna, þarf að borga tvöfaldan
kostnað, meðlag og eigin kostnað
vegna dvalar barnanna hjá mér
aðra hverja viku. Ég fæ engar
barnabætur eða neina viðurkenn-
ingu frá ríkinu á því að ég taki
þátt og sinni mínu forsjárhlut-
verki. Sama í hvað samskiptum
ég á við aðila í kerfinu eða utan
þess, t.d. banka, þá kemur hvergi
fram á pappír að ég eigi börn og
þurfi að framfleyta þeim þegar
þau eru hjá mér. Hvort sem ég
þarf að sækja um leigu á húsnæði
með fjölda herbergja samkvæmt
fjölda minna barna, greiðsluað-
lögun, námslán, atvinnuleysis-
bætur, styrk eða lán.“ Birgir segir
einstætt foreldri í raun alltaf mæta
höfnun á sínu hlutverki sem for-
eldri og er líkt og fleiri ósáttur við
þau skilaboð. Hann vill meina að
núverandi kerfi skapi vandamál í
stað þess að leysa þau.
Það eru börnin sem tapa
Guðný Björk Eydal, prófessor
við félagsráðgjafardeild Háskóla
Íslands, heldur ásamt Hilmari
Heimissyni, MA nema, erindi á
málþinginu um opinberan stuðn-
ing og stöðu foreldra sem ekki
búa saman. Guðný tekur undir
það að kerfið hafi ekki þróast í
samræmi við aðrar breytingar í
löggjöf og samfélagi. Hún bendir
á að þrátt fyrir sterka áherslu lög-
gjafans á rétt barns til umönnunar
beggja foreldra sem birtist t.d. í
fjölskyldulöggjöfinni og fæðingar-
orlofslögum þá hafi engar breyt-
ingar orðið á meðlagskerfinu né
stuðningi við þá foreldra sem ekki
deili lögheimili með barni sínu.
Birgir bendir á mikilvægi þess
að hugað sé að hagsmunum barna
hvað varðar framfærslumálin. „Á
endanum eru það auðvitað börnin
sem tapa á þessu. Ef að samfélagið
lítur framhjá sínu mikilvæga hlut-
verki í að passa upp á hagsmuni
barna þá endar það með því að
börnin fá minni umönnun hjá for-
eldrum sem geta ekki veitt þeim
tækifæri vegna til dæmis bágrar
fjárhagsstöðu. Það barn lendir
kannski á glapstigum seinna meir
og verður fyrir vikið dýrara fyrir
samfélagið.“
Björn Bjarnason, fyrrverandi
dóms-og kirkjumálaráðherra,
skipaði á sínum tíma nefnd sem
falið var að endurskoða ákvæði
barnalaga um framfærslu barna,
með það fyrir augum að kanna
hvort núgildandi fyrirkomulag
þjónaði hagsmunum barna og for-
eldra með sanngjörnum hætti.
Nefndin skilaði tillögum sínum að
umfangsmiklum breytingum á lög-
unum með frumvarpi og greina-
gerð árið 2010 en það hefur ekki
enn verið kynnt á Alþingi.
Halla Harðardóttir
halla@frettatiminn.is
 Skilnaðir Málþing uM fraMfærSlu barna SeM búa á tveiMur heiMiluM
Mikil skekkja í kerfinu þegar kemur
að hagsmunum skilnaðarbarna
Engar breytingar hafa orðið á meðlagskerfinu né stuðningi við
þá foreldra sem ekki deila lögheimili með barni sínu þrátt fyrir
sterka áherslu löggjafans á rétt barns til umönnunar beggja
foreldra. Þessi mál og fleiri sem viðkoma réttindum skilnaðar-
barna verða rædd á málþingi í Öskju í dag.
Birgir Gríms-
son, formaður
Félags um
foreldrajafn-
rétti, segist
koma alls
staðar að lok-
uðum dyrum
sem einstætt
foreldri.
Í dag verður haldið málþing í Öskju um framfærslu og réttindi barna sem búa á tveimur heimilum. Að þinginu standa Samtök
meðlagsgreiðenda, Félag einstæðra foreldra, Félag stjúpfjölskyldna og Félag um foreldrajafnrétti. Þetta er í fyrsta sinn sem
félögin fjögur starfa saman. Mynd Getty
Guðný Björk
Eydal, prófessor
við félagsráðgjaf-
ardeild Háskóla
Íslands, segir
kerfið ekki hafa
þróast í samræmi
við aðrar breyt-
ingar í löggjöf og
samfélagi.
8 fréttir Helgin 9.-11. maí 2014