Sveitarstjórnarmál - 01.04.1973, Blaðsíða 6

Það var einstök heppni, að svo til allir bátar
Vestmannaeyinga voru í höfn þessa nótt vegna
illviðris daginn áður, á mánudeginum. Þegar gos-
ið hófst, var veðrið aftur á móti gott.
Auk heimabátanna dreif að báta, sem voru á
veiðum í grennd við Eyjar, og báta frá nærliggj-
andi höfnum. Þessir bátar fluttu íbúana til lands.
Dærni er um, að einn Vestmannaeyjabátur tæki
430 manns til lands, og er af því ljóst, að þröngt
liafa sáttir mátt sitja. Þótt veðrið væri gott, var
sjógangur talsverður, og hefur mörgum því liðið
illa á leiðinni.
Þyrlur frá Varnarliðinu á Keflavíkurflugvelli
fluttu sjúklinga af Sjúkrahúsinu til lands, og
margar aðrar flugvélar voru notaðar til mann-
flutninga þessa nótt.
Skip voru og send af stað frá Reykjavík til
björgunar fólki, en flestum þeirra var snúið við,
þar eð fólkið var flest farið áleiðis til lands með
fiskibátaflotanum, en önnur skip kornu til Eyja
til öryggis, ef svo færi, að allir þyrftu að yfirgefa
Heimaey.
Margir, ekki sízt erlendir sérfræðingar, lelja,
að það liafi gengið kraftaverki næst, hve fljótt
mannflutningarnir gengu fyrir sig, og að ekkert
slys skyldi verða á fólki. Fjölmargir unnu að
þessu, bæði í Vestmannaeyjum og við móttöku
fólksins í landi, auk sjómannanna, og eiga þeir
allir þakkir skildar fyrir störf sín.
Jafnhliða fólksflutningunum var strax hafizt
handa um björgun verðmæta, fyrst í stað skipu-
lagslítið, en íljótlega komst þessi starfsemi í fast-
ar skorður. Það háði starfseminni nokkuð fyrst
í stað, að bæjarstjórnin hafði ekki skipað al-
mannavarnanefnd. Eigi að síður tók hún fljót-
lega til starfa sem slík, enda ákveðið í lögum,
hverjir skidi skipa hana.
Einkabifreiðar voru fluttar til lands, búslóð
íbúanna á mesta hættusvæðinu bjargað og flutt á
öruggari staði og síðan til lands. Síðan var innbú
flutt úr svo til öllum húsum og til lands. Og þar
á eftir var hafizt handa um björgun hvers konar
verðmæta úr atvinnuhúsnæði, svo sem á vélum
fiskvinnslustöðvanna.
Eins og áður segir, var veðrið gott, þegar eld-
gosið byrjaði, og vikurfall í kaupstaðnum lítið.
Nær allar fjölskyldur í Eyjum fluttu búslóð sína til lands fljótlega eftir
að gosið hófst.
Kirkjubæjahverfið austast í kaupstaðnum að brenna. Ljósmyndirnar
með greinínni eru valdar úr myndasafni því, sem Sigurgeir Jónsson,
Ijósmyndari í Vestmannaeyjum, hefur tekið, frá því að eldgosið hófst.
Bifreiðar Vestmannaeyinga voru fluttar til lands með skipum á nokkr-
um dögum, eftir að gosið hófst.
SVEITARSTJÓRNARMÁL