Sveitarstjórnarmál - 01.04.1973, Blaðsíða 11

heimili fyrir aldraða, sem líklega verður reist
syðst á Borgarspítalalóðinni, og í athugun er,
hvort flytja þarf inn fleiri slík hús. Heimilið
rúmar 60—70 vistmenn, en má þó stækka eftir
þörfum. í fjórða lagi hefir bæjarsjóður, Rauði
krossinn, Hjálparstofnun kirkjunnar og Viðlaga-
sjóður ákveðið að byggja 46 íbúða fjölbýlishús
í Breiðholtsliverfi. Byggingartími verður 10 mán-
uðir. í liúsinu verða a.m.k. 20 litlar íbúðir, sem
ætlaðar eru eldra fólki. Með |)essu, sem að framan
er talið, verður leyst úr liúsnæðismálum eldra
fólks, sem nemur 170—180 manns. Frekari atliug-
un á liúsnæðismálum eldra fólks er í gangi.
Um dagvistunarheimili barna er það að segja,
að hús Heyrnleysingjaskólans við Stakkholt hef-
ir verið tekið á leigu til þeirra þarl'a. Húsnæðið
verður einnig unnt að nota til annarrar starf-
semi, en ákvörðun um það hefir enn ekki verið
tekin.
Ákveðið er að reisa innflutt barnaheimili í
Reykjavík, sem líklega verður valinn staður í
Breiðhoiti. Ætlunin er, að barnaheimilið falli inn
í kerli Reykjavíkurborgar, en Vestmannaeyingar
fái í staðinn aðgang að barnaheimilum borgar-
innar, þar sem hentugast er í hverju tilviki, fyrir
álíka mörg börn og innflutta heimilið tekur. Á-
ætlað er að flytja inn fleiri heimili og setja
þau þar, sem þau korna Vestmannaeyingum að
mestu gagni.
Öll umrædd hús verða seld, þegar Vestmanna-
eyingar þurfa ekki lengur á þeim að halda og
andvirðið notað til að byggja upp svipaða að-
stöðu úti í Eyjurn.
Einn var sá vandinn, að lilutast til um, að at-
vinnutæki Vestmannaeyinga, þ.e. bátaflotinn
yrði nýttur á vetrarvertíðinni, eftir því sem kost-
ur væri á, með útgerð frá öðrum höfnum við
suðurströndina. Kom það í hlut Útvegsbænda-
félagsins í Eyjum að vista l)áta á hinurn ýmsu
verstöðvum , suðvestanlands, þar sem unnt yrði
að vinna úr afla þeirra. Tókst það eftir atvikum
vel, svo að tjón þjóðarbúsins varð minna en á
horfðist að því leyti, sem snéri að sjósókn á vetr-
arvertíðinni.
Ennfremur tókst fyrir atbeina bæjarstjórnar-
innar og fyrir dugnað forráðamanna Fiskimjöls-
Landakirkja með eldsúlu í bakgrunn.
verksmiðjunnar hf. að skapa henni viðunandi
vinnuskilyrði með þeirn árangri, að rneðan eld-
gosið stóð sem liæst á s.l. vetri, framleiddi hún á
loðnuvertíðinni verðmæti, sem námu hundruð-
um milljónum króna.
Nú er í athugun áframhaldandi útgerðarað-
staða fyrir bátana, einkum með tilliti til næstu
vetrarvertíðar, ef svo illa tekst til, að bátaflot-
inn geti ekki nema að litlu leyti lagt afla á land
í Eyjum á næstu vetrarvertíð.
Ekki væri óeðlilegt, þótt sveitarstjórnarmönn-
um verði liugsað til málefna bæjarsjóðsins undir
þeirn kringumstæðum, sem hér liefur verið lýst.
Bæjarsjóður Vestmannaeyja hefur fengið um það
bil 90 milljónir króna í gjafafé, bæði frá sveitar-
stjórnum innanlands, á Norðurlöndum og víðar,
þar af um 50 milljónir, þar sem gefendur hafa
sett fram skilyrði eða eindregna ósk um, að fénu
yrði varið til uppbyggingar í Eyjum.
Það af gjafafénu, sem engin skilyrði fylgja,
býst ég við, að fari að meira eða minna leyti til
SVEITARSTJÓRNARMÁL