Sveitarstjórnarmál - 01.02.1975, Qupperneq 17

Frá almannavarnaæfingu í Vík í Mýrdal, þar sem æfður var viðbún-
aður gegn hugsanlegu Kötlugosi og afleiðingum þess. Ljósmyndin
er tekin við sýslumannssetrið í Vík, og eru á henni félagsmenn í
Björgunarsveitinni Víkverjum. Ljósmyndina tók greinarhöfundur.
héraða, skuli sniðganga þann hluta ábyrgðar
sinnar, er snertir öruggara mannlíf.
Hvers virði er efnahagslegur uppgangur, fjölg-
un íbúa og atvinnuöryggi, ef eitt lítið áfall frá
náttúrunnar liendi getur þurrkað mannlíf og
eignir út í einu vetfangi án nokkurra varna?
Það hlýtur að vera ein höfuðskylda okkar að
verjast, ef vá ber að dyrum, og hvernig vörnin
til tekst, fer á allan hátt eftir því, liversu vel við
höfum undirbúið varnarstarfið.
Mun áfall í þínu sveitarfélagi skapa upplausn
og glundroða, eða mun það tekið föstum tökum
með samverkandi átaki allra aðila? Er þitt sveit-
arfélag viðbúið vá?
Sveitarstjórnarmenn og landshlutasamtök
þeirra verða nú að taka þessi mál upp og hefjast
handa um skipulagðar aðgerðir í öryggismálum.
Látum skriðuföllin á Austurlandi í ágúst s.l.,
jarðskjálftana í Borgarfirði í vor og við Grinda-
vík í fyrrahaust, að ógleymdu Vestmannaeyja-
gosinu, vera næg varnaðarorð og vöknum til
meðvitundar urn þá ábyrgð, sem á okkur hvílir.
Almannavarnir ríkisins hafa unnið sleitulaust
að áætlanagerð fyrir sveitarfélög frá árinu 1971,
að frátöldum þeim tíma, er þær önnuðust stjórn
aðgerða í Vestmannaeyjum. En fjárveitingar til
almannavarna eru svo litlar, að um vanvirðu er
að ræða gagnvart almenningi. Ibúar landsins
hljóta að eiga þá kröfu á hendur fjárveitinga-
valdinu, að störf í þágu öryggismála séu metin
á meira en 6,4 milljónir króna, eða sem svarar
andvirði einnar íbúðar í Reýkjavík. Sveitarfé-
lögin hljóta jafnframt að gera þá kröfu, að varn-
arráðstafanir þeirra séu metnar á meira en 1,5
milljónir króna fyrir allt landið, eða sem svarar
til andvirðis eins bíls í dag.
Nú hefur verið lokið við neyðaráætlanir fyrir
Húsavíkurkaupstað, ísafjörð og Víkurumdæmi
í Vestur-Skaftafellssýslu.
Á lokastig eru komnar áætlanir fyrir Reykja-
víkurborg og Akureyri. Ennfremur er verið að
vinna að neyðaráætlunum fyrir Hafnarfjörð og
Garðahrepp sameiginlega, sveitarfélögin á Suð-
urnesjum sameiginlega, Akraneskaupstað og
V estmannaeyj ar.
Þessar áætlanir hafa gengið mjög hægt, þar
sem mannfæð og fjárskortur hafa lamað störf
stofnunarinnar, og kemur það alvarlega niður
á þeirn sveitarfélögum, sem hafa sýnt vilja í
verki við að koma þessum málum í gott horf.
Uppbygging öflugra varna gegn vá um allt
land er mjög ódýr með þeirri nýju stefnu, sem
fylgt hefur verið nú undanfarið, og krefst engr-
ar aukinnar yfirbyggingar í ríkiskerfinu, en á-
kveðið lágmark er þó nauðsynlegt.
Eitt og hálft ár er liðið, frá því að þriðj ung-
ur af einum blómlegasta kaupstað landsins eydd-
ist í eldsumbrotum. Hvað höfum við langan
tíma fram að næsta áfalli? Höfum við efni á að
(Það skal tekið fram, að grein þessi var samin
og afhent til birtingar, áður en snjóflóðið féll í
Neskaupstað í desember. Ritstj.). n
bíða?
SVEITARSTJÓRNARMÁL