Sveitarstjórnarmál - 01.08.1975, Síða 4

SVEITAFtSTJORIMIR OG
MEIMNINGARMÁL
Tuttugasta og fimmta ráðstefna Sambands ís-
lenzkra sveitarfélaga var haldin í Reykjavík dag-
ana 6.-8. apríl. Voru þá liðin rétt 10 ár frá því
að sambandið hóf ráðstefnuhald sem fastan þátt
í starfsemi sinni um mánaðamótin marz-apríl ár-
ið 1965, og hinn 11. júní s.l. voru 30 ár liðin frá
stofnim sambandsins árið 1945.
Ákveðið var að helga ráðstefnu þessa menn-
ingarmálum og ræða sérstaklega um hlutverk og
skyldur sveitarstjórna við þann málaflokk. í april-
rnánuði átti Þjóðleikhúsið 25 ára starfsafmæli og
minntist þess með ýmsum hætti. Þótti vel við
liæfi að koma á sameiginlegri leikhúsför sveitar-
stjórnarmanna að þessu tilefni og tengja hana
setningarathöfn ráðstefnunnar. Varð hún með
nokkru meiri viðliöfn heldur en endranær á ráð-
stefnum sambandsins í tilefni þeirra tímamóta,
er áður getur.
144 þátttakendur
Hugmyndin um þetta umræðuefni fékk strax
hinn bezta hljómgrunn rneðal sveitarstjórnar-
manna, og forráðamenn ýmissa félagssamtaka á
sviði menningarmála létu þegar í ljósi mikinn
áhuga á samstaríi við sambandið um ráðstefnu-
haldið. Var leitað eftir slíkri samvinnu við for-
ráðamenn Bandalags íslenzkra listamanna og
Bandalags íslenzkra leikfélaga, við Ungmenna-
félag tslands, Kvenfélagasamband íslands og
landssambönd lúðrasveita, karlakóra og hljóm-
listarmanna auk menntamálaráðuneytis, svo
og Menntamálaráð, Listasafn Islands, Sinfóníu-
hljómsveit og Þjóðleikhúsið, eins og áður er
getið. Reynt var með ráðstefnuhaldi um þetta
efni að koma á nánari kynnum og umræðum
milli fulltrúa þessara aðila, sem allir fjalla um
veigamikla þætti menningarmála, hver á sínu
sviði. í bréfi sambandsins frá 18. marz, þar sem
boðað var til ráðstefnunnar var m. a. sagt, að til-
gangur ráðstefnunnar væri að leita svara við því,
livert sé eðlilegt hlutverk sveitarstjórna á sviði
menningarmála, að kanna, hvernig ástandið er í
raun og veru í þessum efnum í hinum einstöku
sveitarfélögum og hvernig stuðningi ríkis og
sveitarfélaga við menningarmál yrði bezt hagað
í framtíðinni.
Ráðstefnuna sóttu 144 þátttakendur, fulltrúar
sveitarstjórna, áðurgreindra samtaka og stofnana
svo og allmargir fulltrúar áhugaleikfélaga víða
um land.
Nýjar hugmyndir kynntar
Þá var það einnig tilefni þessa ráðstefnuefnis,
að vitað var, að í menntamálaráðuneytinu hafði
í vetur verið á lokastigi undirbúningur nokkurra
lagafrumvarpa um veigamikil málefni, sem
snerta samstarf ríkis og sveitarfélaga á þessu
sviði, sem rétt þótti að kynna sveitarstjórnar-
mönnurn þegar á frumstigi. Lagafrumvörp þessi
voru samtímis lögð fram á Alþingi og á ráð-
stefnunni. Voru þetta frumvarp til laga um al-
menningsbókasöfn, frumvarp til laga um fjár-
liagslegan stuðning við tónlistarskóla, frumvarp
til laga um Leiklistarskóla íslands, frumvarp til
SVEITARSTJÓRNARMÁL