Morgunblaðið - 07.12.2011, Page 13
FRÉTTIR 13Innlent
MORGUNBLAÐIÐ MIÐVIKUDAGUR 7. DESEMBER 2011
Pósturinn minnir á að í dag, 7. des-
ember, er síðasti öruggi skiladagur
til að póstleggja jólapakka til landa
utan Evrópu og 12. desember er
síðasti öruggi dagurinn til að senda
jólakortin til landa utan Evrópu.
Jólapakkarnir til Evrópu þurfa
að vera komnir til Póstsins 14. des-
ember og jólakortin til Evrópu
komin til Póstsins 16. desember.
Til að vera viss um að jólapakkar
og jólakort innanlands skili sér fyr-
ir jól er mánudagurinn 19. desem-
ber síðasti öruggi skiladagur.
Á öllum pósthúsum landsins er
tekið á móti jólapóstinum og allar
upplýsingar er að finna á
www.postur.is.
Ljósmynd/Bernhard Kristinn Ingimundarson
Pósturinn Nú fer hver að verða síðastur.
Síðustu skiladagar
Fyrsti fundur í fundaröð innan-
ríkisráðuneytisins um mannrétt-
indamál verður haldinn í Hörpu í
Reykjavík föstudaginn 9. desember
klukkan 11.30 til 14.15.
Tilefni þessa fyrsta fundar er al-
þjóðlegi mannréttindadagurinn, 10.
desember. Á fyrsta fundinum verð-
ur fjallað um fyrirtöku hjá mann-
réttindaráði Sameinuðu þjóðanna á
stöðu mannréttindamála á Íslandi í
Universal Periodic Review-ferlinu
og verður sérstaklega fjallað um
þær athugasemdir sem íslenskum
stjórnvöldum bárust. Meðal fyrir-
lesara á fundinum er Johanna Nell-
es, sérfræðingur Evrópuráðsins í
jafnréttismálum.
Fundurinn er öllum opinn og að-
gangur ókeypis.
Rætt um mannrétt-
indi á fundi í Hörpu
Sigurður Pétursson sagnfræðingur
flytur fyrirlesturinn „Saga verka-
lýðshreyfingar á Vestfjörðum 1890-
1930“ í ReykjavíkurAkademíunni,
Hringbraut 121, fimmtudaginn 8.
desember kl. 12:05. Fyrirlesturinn
fjallar m.a. um þá umbyltingu við-
horfa og aðstæðna sem fylgdi í kjöl-
far nýrra þjóðfélagsaðstæðna um
aldamótin 1900; myndun verkalýðs-
félaga og pólitíska forystu jafnað-
armanna á Ísafirði, sem leiddi til
fyrsta rauða meirihlutans í bæjar-
stjórn á Íslandi.
Rauður meirihluti
Hin árlega jóla-
hátíð fatlaðra
verður haldin á
Hilton Reykjavík
Nordica í kvöld,
miðvikudag, kl.
20-22. Sem fyrr
er það André
Bachmann tón-
listarmaður sem
skipuleggur há-
tíðina.
Fjöldi landsþekktra skemmti-
krafta kemur fram á hátíðinni og
kynnar kvöldsins eru Edda Björg-
vinsdóttir og Sigmundur Ernir
Rúnarsson. Sérstakir gestir verða
Guðbjartur Hannesson velferð-
arráðherra og kona hans Sigrún
Ásmundsdóttir. Áhersla er lögð á
það að aðstandendur mæti með sínu
fólki.
Jólahátíð fatlaðra
verður haldin í kvöld
André
Bachmann
STUTT
Kjartan Kjartansson
Anna Lilja Þórisdóttir
Íslendingar veita sex milljónir króna til stuðnings
og eflingar björgunarsveitum í Færeyjum.
Tillaga forsætisráðherra þessa efnis var sam-
þykkt á ríkisstjórnarfundi í gærmorgun.
Annars vegar verður um að ræða fimm milljóna
króna fjárframlag sem verður ráðstafað í sam-
starfi við Slysavarnafélagið Landsbjörg og björg-
unarsveitir í Færeyjum. Fjárframlaginu er ætlað
að styðja við þjálfun og æfingar færeyskra björg-
unarmanna hér á landi, og einnig við nám-
skeiðahald og æfingar í Færeyjum. Hins vegar
verður veitt framlag sem nemur einni milljón
króna til fjársöfnunar. Hún mun fara fram 11.
desember næstkomandi og verða meðal annars
haldnir tónleikar sem sendir verða út bæði í fær-
eysku og íslensku sjónvarpi.
Mikið mæddi á björgunarsveitum í Færeyjum
fyrir skömmu og þóttu þær sýna þrekvirki þegar
ofsaveður gekk þar yfir aðfaranótt 25. nóvember
síðastliðins. Þök fuku af húsum og festar skipa
losnuðu.
Styðja færeyskar björgunarsveitir
Sex milljónir til björgunarsveita í Færeyjum
Tónleikar sendir út í Færeyjum og á Íslandi
Ljósmynd/Niels Hammer
Eyðilegging Óveðrið í Færeyjum olli miklu tjóni.
islandsbanki@islandsbanki.is
www.islandsbanki.is
Sími 440 4000
Sértryggð skuldabréf í
NASDAQ OMX Iceland hf.
Útgefandi: Íslandsbanki hf., kennitala 491008-0160, Kirkjusandi 2, 105 Reykjavík
Íslandsbanki hefur birt grunnlýsingu, endanlega skilmála og viðauka við grunnlýsingu í tengslum við
töku skuldabréfanna til viðskipta á skipulegan verðbréfamarkað, NASDAQ OMX Iceland hf.
Grunnlýsingin, dagsett 4. nóvember 2011, endanlegir skilmálar, dagsettir 6. desember 2011 og viðauki
við grunnlýsingu, dagsettur 6. desember 2011 eru gefin út á ensku og birt á vefsíðu bankans,
http://www.islandsbanki.is/um-islandsbanka/fjarfestatengsl/sertryggd-skuldabref/
Skjölin má nálgast á pappírsformi hjá útgefanda, Íslandsbanka hf., Kirkjusandi 2, 105 Reykjavík næstu
12 mánuði frá 7. desember 2011.
Nafnverð útgáfu
Þegar hafa verið gefnir út og seldir 4.000.000.000 íslenskra króna að nafnverði.
Til viðskipta í NASDAQ OMX Iceland hf.
Hinn 7. desember 2011 mun NASDAQ OMX Iceland hf. taka til viðskipta þegar útgefin og seld
skuldabréf að fjárhæð 4.000.000.000 íslenskra króna að nafnvirði.
Skilmálar skuldabréfa
Skuldabréfin eru verðtryggð með vísitölu neysluverðs og bera fasta 3,5% árlega vexti. Vextirnir greiðast
eftir á, tvisvar á ári, 7. júní og 7. desember fram að lokadegi. Útgáfudagur er 7. desember 2011 og
lokadagur er 7. desember 2016. Fyrsti vaxtagreiðsludagur er 7. júní 2012. Verðtryggður höfuðstóll
skuldarinnar verður endurgreiddur með einni greiðslu 7. desember 2016.
Auðkenni skuldabréfaflokksins
Auðkenni skuldabréfanna í viðskiptakerfi NASDAQ OMX Iceland hf. verður ISLA CBI 16, ISIN númer
skuldabréfanna er IS0000020758. Skuldabréfin eru gefin út rafrænt hjá Verðbréfaskráningu Íslands hf. í
10.000.000 kr. einingum.
Birting grunnlýsingar og viðauka við grunnlýsingu
Reykjavík,
7. desember 2011