Morgunblaðið - 07.12.2011, Blaðsíða 32

32 MENNING
MORGUNBLAÐIÐ MIÐVIKUDAGUR 7. DESEMBER 2011
Íformála bókar sinnar Veiði-sögur segir Bubbi Morteinsað bókin sé „... létt spjall umveiði, ekkert annað, og á ekki
að vera neitt annað“. Hér finnst mér
Bubbi hógvær. Hann hefur skrifað
einlæga bók um
sjálfan sig. Og
sannarlega er
bókin létt spjall
um veiði, en hún
er líka annað og
meira. Enda eru
allar góðar veiði-
sögur beinagrind
þar sem hlust-
andinn verður að
bæta við eigin hugmyndum. Veiði-
sögur Bubba er þroskasaga dellu-
karls í veiði og hann tekur lesandann
með sér til veiða, gefur af sjálfum
sér og deilir með honum reynslu
sinni, hugleiðingum og sögum.
Bubbi er í heimspekilegum pæl-
ingum og eins og margir veiðimenn
veltir hann upp spurningunni
„Hvers vegna veiði ég?“ Hann setur
fram hugleiðingar sínar með skipu-
lögðum hætti og nefnir m.a. barátt-
una við fiskinn, umhverfið, ána, fé-
lagsskapinn og fleira. Í svarinu
sleppir hann að nefna það sem hann
á öðrum stað í bókinni nefnir, eins og
í framhjáhlaupi, hvað saga veiðistað-
anna skipti miklu máli. Það er til ein-
hver staður á milli rökheimsins, til-
finninga og þess sem verður. Það er
þess vegna oft þannig að veiðimenn
geta ekkert útskýrt fyrir öðrum af
hverju þeir veiða, þeir vita það varla
sjálfir, þeir halda bara til veiða. Og,
af því að veiði er þroskaför þá er
möguleiki á því að Bubbi sökkvi sér
næst ofan í sögu veiðistaða. Þannig
er ástríðuveiði, hún vindur sífellt
uppá sig og kallar fram áhuga hjá
hverjum veiðimanni á umhverfi sínu.
Eins er það með stærð fiska og
fjölda. Þegar Bubbi byrjar í laxveiði
skiptir fjöldi fiska sem hann landar
og drepur mestu máli. Síðar verður
hann græjukall. Hjól, stangir og
flugur skipta meira máli. Þyngd
fiska fer að skipta máli. Bubbi vill
hafa þá stóra. Honum finnst t.d.
Norðurá ekkert sérstök fyrr en
hann sjálfur veiðir þar stóra fiska,
þá hækkar áin í áliti hjá honum. Og
svo kemur að því að hann fer að
sleppa þeim fiskum sem hann veiðir.
Og hann gefur undir fótinn með að
næsta stig verði að ekki skipti máli
hvað fiskurinn er stór heldur að þú
hafir fengið hann til að taka. Það sé
málið.
Og Bubbi gefur sig stemmingunni
og tilfinningum á vald í lýsingum.
Sumt lýsir ákafa hans, eins og orða-
lagið „lax eftir lax tekur fluguna“.
Annað hughrifum sem hann verður
fyrir við árbakkann, t.d. þegar hann
horfir á tjaldshjón með unga í flug-
þjálfun. Og svo þegar hann lýsir
þeim augnablikum þegar hann verð-
ur að halda niðri í sér andanum svo
ærandi hávaðinn af eigin and-
ardrætti fæli ekki burt allan fisk.
Þetta skilja allir veiðimenn.
En Bubbi er líka EGÓ. Það er
vottur af hneykslun á þeim sem ekki
eru á sama stað og hann í veiði-
þroska. Þeim sem veiða á beitu og
þeim sem veiða í gullfiskabúri. Og
hann þolir illa þá sem eiga það til að
væta kverkarnar með lífsins vatni.
Þetta er ekki fyrir Bubba. Hann
hnýtir líka í bændur fyrir að vilja há-
marka arð sinn af ánni. Hér á hann
sitthvað ólært um hvað við erum
mismunandi.
Maður kynnist öðru fólki vel við
veiðar. Ég veit ekki hvort það er til-
viljun að sagan af eiginkonu Bubba
veiða maríulax er í bókinni, en mér
finnst hún vera fallegasta sagan. Ef
ég hefði verið viðstaddur þá athöfn
hefði sú hugsun farið í gegnum haus-
inn á mér að í þessari manneskju er
eitthvað svo yndislega gott. Mig
grunar að hún sé sá stærsti sem
Bubbi hefur krækt í.
Frágangur bókarinnar er að-
standendum hennar til mikils sóma.
Hér er ekkert of eða van. Bækur
eiga að vera fallegar. Og þetta er fal-
leg bók. Útlit, sem var í höndum
Jóns Ásgeirs Hreinssonar, og mynd-
ir Einars Fals Ingólfssonar gera
þessa bók mjög eigulega. Auk þess
gefa myndir úr fjölskyldualbúmi
höfundar persónulega skírskotun.
Í þessari bók hefur Bubba Mort-
hens tekist að skrifa góða bók um
veiði sem óhætt er að mæla með.
Bubba finnst gaman að segja frá og
hann er góður sögumaður. Sögurnar
eru hnitmiðaðar og halda athygli les-
andans. Mér kæmi ekki á óvart að
þessi bók yrði í nokkrum jólapökk-
um.
Þroskasaga veiðimanns
Ljósmynd/Einar Falur
Bubbi veiðir í Aðaldal „Bubba finnst gaman að segja frá og hann er góður
sögumaður. Sögurnar eru hnitmiðaðar og halda athygli lesandans.“
Veiðisögur bbbbn
Eftir Bubba Morthens. Einar Falur
Ingólfsson tók ljósmyndir.
Salka, 2011. 159 bls.
SÖLVI
ÓLAFSSON
BÆKUR
Silja Björk Huldudóttir
silja@mbl.is
„Ég er mjög stoltur yfir því hversu
mikill metnaður hefur verið settur í
þessa útgáfu af hálfu Senu,“ segir
Björgvin Halldórsson söngvari um
safnkassann Gullvagninn sem kom-
inn er út. Í kassanum er að finna
tæplega 90 lög á fjórum geislaplöt-
um auk DVD-disks með upptöku af
afmælistónleikum Björgvins frá því í
vor sem leið. Á löngum ferli sínum,
sem hófst árið 1967, hefur Björgvin
sungið hátt í þúsund lög eftir bæði
sjálfan sig og aðra sem ratað hafa
inn á 53 plötur.
Aðspurður viðurkennir Björgvin
að valið á lögunum fyrir Gullvagninn
hafi verið erfitt enda úrvalið mikið
og því hafi verið gott að fá þá Eið
Arnarsson og Höskuld Þór Hösk-
uldsson til liðs við sig. „Við fórum þá
leið að þematengja diskana,“ segir
Björgvin, en fyrsti diskurinn er helg-
aður söngvaranum Björgvini, sá
næsti dúettum sem hann hefur sung-
ið, þriðji diskurinn gefur mynd af
þeim fjölmörgu hljómsveitum sem
Björgvin hefur verið í og á síðasta
disknum er lagahöfundurinn í for-
grunni.
Plata með frumsömdu efni
væntanleg jafnvel á næsta ári
„Það hefði hæglega verið hægt að
setja saman fleiri þematengda diska,
t.d. einvörðungu með jólalögum, ætt-
jarðarlögum, barnalögum, ást-
arlögum, sjómannalögum eða trúar-
legum lögum,“ segir Björgvin og
tekur fram að sig langi reyndar til að
gefa út plötu með úrvali af þeim
gospel-lögum sem hann hafi sungið í
áranna rás. Aðspurður segir hann
allt efni í Gullvagninum vera áður út-
gefið hérlendis nema lagið Casanova
Jones sem gefið var út á tveggja laga
plötu undir merkjum Hot Ice í Bret-
landi, en hljómsveitin var auk Björg-
vins skipuð Magnúsi Þór Sigmunds-
syni og Shady Owens. „Auk þess eru
á DVD-disknum lög sem ég hef ekki
áður flutt opinberlega,“ segir Björg-
vin.
„Ég hef í gegnum tíðina fyrst og
fremst litið á mig sem söngvara og
framleiðanda. Ég hef samt alltaf ver-
ið að setja saman lög og mætti
kannski gera meira af því,“ segir
Björgvin og tekur fram að hann hafi
reyndar ávallt verið duglegur að
taka upp eigin lög án þess þó að gefa
þau út, enn sem komið er. „Það er
stefnan að gefa út plötu einvörðungu
með eigin efni, kannski á næsta ári.“
Spurður hvað sé framundan hjá sér
segist Björgvin vera að vinna að
þremur plötum, ýmist sem söngvari
eða framleiðandi.
Ekkert jafnast á við sveitaball
„Svo eru ýmis önnur verkefni á
teikniborðinu og bara spurning í
hvaða röð maður tekur þau. Mig
langar á næsta ári til að fara um
landið og spila eins og maður gerði í
gamla daga, bæði hefðbundna tón-
leika og kannski stöku sveitaball
enda er missir að sveitaböllunum því
þetta er sá vettvangur sem margir af
mínum félögum og samtíðarmönnum
spruttu upp úr, enda jafnast ekkert
á við gott sveitaball eins og segir í
texta Ómars Ragnarssonar.“
Ekki er hægt að sleppa Björgvini
án þess að inna hann eftir því hvern
hann telji galdurinn á bak við rúm-
lega fjörutíu ára farsælan tónlistar-
feril vera. „Ég held að ástin á tónlist-
inni haldi manni gangandi. Auðvitað
þroskast röddin með aldrinum og fer
sínar eigin leiðir. Þá er bara að
reyna að fylgja henni og fara
vel með hana,“ segir
Björgvin og tekur
fram að það sé hins
vegar ekkert laun-
ungarmál að hann
hafi alltaf haft mikið
yndi af því að syngja.
„Það jafnast ekkert á
við það að koma fram
þegar allt heppnast
með fullan sal af
fólki sem líkar það
sem maður er að
gera. Það er topp-
urinn. Lifandi flutn-
ingurinn er svo
sérstakur, gerist
bara einu sinni og
aldrei eins aftur.
Það er þetta töfra-
augnablik sem
maður lifir fyrir.“
Ást á tónlistinni er drifkrafturinn
 Gullvagninn nefnist nýútkominn safnkassi með flutningi Björgvins Halldórssonar í gegnum tíðina
 Björgvin hefur sungið hátt í þúsund lög sem komið hafa út á 53 plötum á árunum 1969-2011
Sviðsljósið Ein þeirra fjölmörgu hljómsveita sem Björgvin Halldórsson hefur sungið með er Brimkló. Aðrar
þekktar hljómsveitir eru Flowers, Ævintýri, Hljómar, Change, HLH flokkurinn og Hjartagosarnir.
Aðspurður hvort hann eigi sér uppáhaldslag á Gull-
vagninum segir Björgvin ómögulegt fyrir sig að
gera upp á milli þeirra. „Öll lögin í þessum kassa
eru í uppáhaldi og mér mjög kær, því ég bind
sterkar minningar úr eigin lífi við þau. Þegar
ég heyri lögin þá man ég hvenær lögin voru
hljóðrituð og hvað var að gerast í lífi mínu á
þeim tímapunkti.“
Vekja minningar
ÓMÖGULEGT AÐ GERA UPP Á MILLI LAGANNA
Björgvin
Halldórsson