Morgunblaðið - 07.02.2012, Blaðsíða 20
20 UMRÆÐAN
MORGUNBLAÐIÐ ÞRIÐJUDAGUR 7. FEBRÚAR 2012
Tíska & Förðun
17. febrúar gefurMorgunblaðið út sérblað
tísku og förðun.
Í Tísku og förðun verður fjallað um tískuna
vorið 2012 í förðun, snyrtingu, og fatnaði,
fylgihlutir auk umhirðu húðarinnar, dekur og fleira
MEÐAL EFNIS:
• Förðun.
• Nýjar og
spennandi
förðu-
narvörur.
• Litir og línur
vorið 2012.
• Húðin,krem
og meðferð.
• Snyrting.
• Nýjustu
ilmvötnin.
• Nýjustu
herrailmirnir.
• Neglur.
• Kventíska.
• Herratíska.
• Fylgihlutir fyrir dömu
og herra.
• Skartgripir.
• Tíska, í förðun og hári
fyrir árshátíðirnar.
• Straumar og stefnur í
tískunni í vor.
• Ásamt fullt af öðru
spennandi efni.
Þann
um
LifunTíska
og fö
rðun
SÉ
RB
LA
Ð
–– Meira fyrir lesendur
Katrín Theódórsdóttir
Sími: 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, mánudaginn 13. febrúar
Nú eru liðnar þrjár
vikur frá því að slitn-
aði uppúr samstarfi
meirihluta Samfylk-
ingar, Vinstri
Grænna, Y-listans og
Næstbesta flokksins í
Kópavogi. Síðan þá
hefur ekki tekist að
mynda starfhæfan
meirihluta. Ástæður
þess eru augljósar
hverjum manni með
opin augu. Gunnar I. Birgisson og
Ómar Stefánsson bæjarfulltrúar
sæta báðir ákæru vegna misferlis í
viðskiptum Lífeyrissjóðs starfs-
manna Kópavogsbæjar við Kópa-
vogsbæ. Þá var Gunnar Birgisson
bæjarstjóri á sama tíma og hann
gegndi stjórnarformennsku í líf-
eyrissjóðnum. Ómar var þá for-
maður bæjarráðs og sat í stjórn
sjóðsins sömuleiðis. Bæjarfulltrúar
Samfylkingarinnar, Flosi Eiríksson
og Jón Júlíusson, sæta einnig
ákæru í þessu máli en þeir sitja
ekki lengur í stjórn bæjarins. Um
þessar mundir er rekið mál fyrir
dómstólum þar sem tekist verður á
um sýknu eða sekt. Þáttur Gunn-
ars Birgissonar er áhugaverðastur
í þessu tilliti þar sem hann sat í
stóli bæjarstjóra um leið og hann
var formaður stjórnar LSK, en
eins og kunnugt er lánaði sjóð-
urinn bænum peninga umfram
heimildir og Gunnar sat í lyk-
ilstöðum beggja vegna borðsins.
Hér verður ekki lagt mat á eðli
brotsins eða hver er sekur og hver
saklaus en bara sú staðreynd að
tveir fyrrnefndir bæjarfulltrúar,
Ómar og Gunnar, sæta ákæru í
svo alvarlegu máli sem tengist
fjármálum bæjarsjóðs hlýtur að
kasta rýrð á trúverðugleika bæj-
arstjórnar Kópavogs og er einnig
stór hindrun í samstarfi við Fram-
sóknarflokkinn og Sjálfstæð-
isflokkinn eins og komið hefur á
daginn.
Mönnum hefur orðið tíðrætt um
ábyrgð og skyldur bæjarfulltrúa til
að mynda starfhæfan meirihluta í
bæjarstjórn. En hver og einn get-
ur ekki tekið ábyrgð á öðrum en
sjálfum sér í þeim efnum. Sumt
þarf maður einfaldlega að gera
upp við sína samvisku. Engum
hefði þótt óeðlilegt ef
Gunnar Ingi Birgisson
og Ómar Stefánsson
hefðu stigið til hliðar
og vikið sæti þann
tíma sem dómsmálið
varðandi LSK stendur
yfir. Það hefði vissu-
lega styrkt trúverð-
ugleika þeirra flokka
sem þeir eru mál-
svarar fyrir og það
hefði líka án efa
styrkt trúverðugleika
bæjarins og ekki síst
bæjarstjórnarinnar í
Kópavogi. En þetta verða þessir
ágætu menn að gera upp við sjálfa
sig og síst ætla ég að gerast dóm-
ari í þeirra sök. Sá meirihluti sem
virðist vera í burðarliðnum nú ef
marka má fréttir og sýnist mér
borinn uppi af reynsluboltunum í
stjórnmálum í Kópavogi, fyrr-
greindum Ómari Stefánsyni og
Gunnar I. Birgissyni, er ekki starf-
hæfur að mínu mati.
Í fyrsta og öðru lagi er ekki
hægt að mynda starfhæfan meiri-
hluta með Gunnari Birgissyni
nema hann sjálfur leiði þann hóp
og stjórni honum, einn. Gunnar er
einfaldlega svo vanur því að
stjórna einn að hann hefur glatað
þeim hæfileika að starfa með öðr-
um, það er að segja ef hann hefur
einhverntíma búið yfir þeirri
hæfni. Honum gengur einstaklega
illa að starfa með flokkssystkinum
sínum í Sjálfstæðisflokknum eins
og hundrað dæmi sanna og er til
mikils vansa fyrir starfið í bæj-
arstjórninni. Þá virðist hann hafa
ímigust á hverskyns samvinnu
milli sveitarfélaganna á höfuðborg-
arsvæðinu og finnur öllum samein-
ingar- eða samstarfshugmyndum
allt til foráttu. Samskipti hans við
stofnanir ríkisins eru á sömu lund
og þegar Gunnar reyndi að vera í
þingflokki og meirihlutasamstarfi á
Alþingi gat hann ekki einu sinni
fundið sig í samstarfi við sam-
flokksmenn sína og lagði m.a. fram
sína eigin vegaáætlun, sem frægt
varð. Hann bætti um betur þegar
hann kom, á eigin vegum, inn í
bæjarstjórn Kópavogs 2010 og
lagði fram sína eigin prívat fjár-
hagsáætlun þrátt fyrir að sam-
flokksmenn hans þrír hefðu unnið
með hinum 7 bæjarfulltrúunum
ásamt varafulltrúum hörðum hönd-
um að gerð sameiginlegrar fjár-
hagsáætlunar sem var síðan sam-
þykkt með 10 atkvæðum gegn
einu. Gunnar Birgisson er því ein-
faldlega ekki samstarfshæfur. Í
þriðja lagi er það dómsmálið varð-
andi LSK.
Möguleikarnir, kostirnir í stöð-
unni sem fulltrúarnir 5 frá Sjálf-
stæðisflokki, Framsóknarflokki og
Y-lista Kópavogsbúa hafa, eru í
rauninni engir. Eða kannski einn.
Sá að Gunnar Birgisson taki að sér
að stjórna bænum, einn. Þá vaknar
spurningin hvort sé meira virði,
samstarf allra flokka án meiri/
minnihluta eða vondur óstarfhæfur
meirihluti sem hefur hvorki for-
ystu né trausta ásýnd.
Ég hef lagt það til að við breyt-
um vinnubrögðunum í bæjarstjórn
og hættum þessu meiri- og minni-
hlutakjaftæði. Hugmynd mín geng-
ur út á breyttar áherslur í verka-
skiptingu og að fela þeim flokkum
sem hafa eða kunna að sitja í
minnihluta meiri ábyrgð í nefndar-
störfum. Þá legg ég til að teknir
verði upp vinnufundir með odd-
vitum framboðanna og hinir svo-
kölluðu meirihlutafundir verðir
lagðir niður. Kostir þessa eru fleiri
en gallarnir samanborið við meiri-
hlutaræðið og kjaftæðið og mun
minni líkur á því að gerð séu al-
varleg mistök við stjórnun bæj-
arins. Enn og aftur vil ég hvetja
bæjarfulltrúa og fjölmiðla og alla
þá sem hafa áhuga á að kynna sér
þessar hugmyndir, sem eru langt
því frá að vera byltingarkenndar,
til hlítar. Tillagan var lögð fram í
bæjarráði sl. fimmtudag og verður
tekin til umfjöllunar á næsta bæj-
arstjórnarfundi ef bæjarstjórnin
leyfir.
Óstarfhæfur meirihluti
Eftir Hjálmar
Hjálmarsson » Í fyrsta og öðru lagi
er ekki hægt að
mynda starfhæfan
meirihluta með Gunnari
Birgissyni nema hann
sjálfur leiði þann hóp og
stjórni honum, einn.
Hjálmar
Hjálmarsson
Höfundur er fulltrúi Næstbesta
flokksins og forseti bæjarstjórnar
Kópavogs.
Umfjöllun og við-
tal viðskiptablaðs
Morgunblaðsins 2.
feb. sl. undir yf-
irskriftinni „Verður
prótein ein mik-
ilvægasta útflutn-
ingsvara Íslands“
veitti landsmönnum
fróðlega innsýn í
störf og stefnu líf-
tæknifyrirtækisins
ORF. Ekki verður
annað greint en að blaðamaður
hafi við gerð umræddrar greinar
tekið að sér starf kynningarfull-
trúa ORF Líftækni.
Hvort starfsemi ORF Líftækni
muni stuðla að breytingum sem
við þurfum til þess að reka hér
heilbrigt, sjálfbært og þokkalega
siðað samfélag í sátt við íslenska
náttúru og umheiminn verður
ekki lagt á vogarskálar í þessari
grein. Þó vekur furðu að vöxtur
líftæknifyrirtækis hér á landi
skuli helgast af regluverki sem er
mun slakara en almennt gerist í
öðrum Evrópulöndum. Þá er
einnig athyglivert að þótt við-
urkennd sé áhætta af völdum
erfðabreytts lyfjabyggs skuli um-
fjöllun blaðsins gagnrýnislaust
beitt til að gera lítið úr þeirri
áhættu án þess að styðja það vís-
indalegum rökum.
Hverjum þeim sem er þokka-
lega upplýstur má vera fullljóst
að hvar sem ræktun erfða-
breyttra lífvera fer fram utan-
húss veldur hún mengun á ann-
arri ræktun og ómældu tjóni fyrir
umhverfi, lífríki og þá bændur
sem þjóna vaxandi markaði sem
kallar eftir ó-erfðabreyttum mat-
vælum og fóðri. Það er miður að
blaðamaður Morgunblaðsins skuli
hliðra sér hjá umfjöllun um svo
þekktar staðreyndir en end-
urvarpa þess í stað fullyrðingum
hagsmunaaðila um að hvergi stafi
hætta af erfðabreyttum lífverum.
Og hvað veldur þeirri þröngsýni
blaðamanns að draga einn ís-
lenskan erfðavísindamann til
vitnis um að aðrir vísindamenn –
jafnvel heimsþekktir sameinda-
líffræðingar – sem
benda á gríðarlega
áhættu af völdum
erfðabreyttra lífvera
séu allir óalandi og
óferjandi fáráðlingar
sem jafnan hafi rangt
fyrir sér?
Það varpar einnig
skugga á umfjöllun
blaðsins um ORF að
hún skuli fléttuð nið-
urlægjandi og meið-
andi umfjöllun um
önnur fyrirtæki og
einstaklinga sem unnið hafa hörð-
um höndum að sjálfbærri þróun á
Íslandi, vegna þess eins að til-
greindir einstaklingar hafa sett
fram rökstudda og málefnalega
gagnrýni á hina áhættusömu
erfðatækni sem ORF notar og af-
leiðingar hennar fyrir hagsmuni
þjóðarinnar og það dýrmæta um-
hverfi sem okkur er skylt að
varðveita komandi kynslóðum til
heilsu og heilla.
Að gefnu tilefni skal tekið fram
að Gunnar Á. Gunnarsson er
framkvæmdastjóri Vottunarstof-
unnar Túns, starfar þar í umboði
stjórnar félagsins og nýtur til
þess óskoraðs trausts. Þá skal
einnig áréttað að Sandra B. Jóns-
dóttir kemur hvergi nálægt
stjórnun Túns, hefur aldrei verið
starfsmaður félagsins, en stundar
sjálfstæð rannsóknar- og ráðgjaf-
arstörf á eigin vegum.
Áhættusöm meðferð erfða-
breyttra lífvera verður ekki rétt-
lætt með meiðyrðum, dylgjum og
rógburði um bændur, almanna-
samtök, nýsköpunarfyrirtæki og
starfsmenn þeirra, sem leggja
nótt við dag að varðveita hrein-
leika og orðspor íslenskrar mat-
vælaframleiðslu.
Erfðabreytt –
að gefnu tilefni
Eftir Bjarna Óskar
Halldórsson
Bjarni Óskar
Halldórsson
» Áhættusöm meðferð
erfðabreyttra lífvera
verður ekki réttlætt
með meiðyrðum og róg-
burði.
Höfundur er formaður stjórnar
Vottunarstofunnar Túns.