Morgunblaðið - 09.03.2012, Síða 16

V
el valdar gjafir eru lífstíð-
areign þeim sem þær
hljóta. Í seinni tíð hefur
það orðið æ algengara að
gefa gjafakort á einhvers
konar upplifun í stað hluta og víst er
um það að minningar geta enst æv-
ina á enda, ekki síður en áþreif-
anlegir hlutir. Hér eru nefndir til
sögunnar nokkrir valkostir fyrir þá
sem hafa hug á að gefa upplifun, og í
framhaldinu minningar, í ferming-
argjöf.
Um heilmargt að velja í Hörpu
Tónlistarhús Reykvíkinga, Harpa,
býður upp á gjafabréf sem má nota
til að njóta hinna fjölbreyttu við-
burða sem fram fara í húsinu. Af
nógu er líka að taka á árinu, eins og
Anna Margrét Björnsson, kynning-
arfulltrúi Hörpu, bendir á, en þar er
að finna jöfnum höndum popp, rokk
djass og klassík. Meðal þeirra við-
burða sem fermingarbörnin gætu
haft augastað má nefna franska tón-
listarmanninn Yann Tiersen sem
leikur á Listahátíð hinn 31. maí,
uppistandssýninguna „How to be-
come Icelandic in 60 minutes“ sem
sýnd verður fram til júníloka og svo
dægurtónlistargoðsagnir á borð við
Elvis Costello, Tony Bennett og
hljómsveitina Jethro Tull.
„En ég mæli líka sannarlega með
því að fermingarbörn kynni sér dag-
skrá Sinfóníunnar sem hefur verið
mjög framsækin og spennandi und-
anfarið ár,“ bætir Anna Margrét
við.
Skrín með skemmtilegri gjöf
Óskaskrín er nýjung á sviði gjafa-
vöru á Íslandi, byggð á hugmynd-
inni um að gefa upplifanir í stað
áþreifanlegra hluta. Með Óskaskríni
gefur gefandinn viðtakandanum
færi á að velja sér upplifun úr fjölda
mismunandi möguleika sem leynast
í hverju boxi. Þá velur gefandinn
ákveðið þema sem hann telur hæfa
viðtakanda og viðtakandinn velur
svo upplifun úr viðkomandi þema.
Óskaskrín er keypt á www.oska-
skrin.is eða á einhverjum sölustaða
um allt land.
„Þiggjandi gjafarinnar fær í
hendur fallega gjafaöskju ásamt
gjafakorti og handbók,“ útskýrir
Sigrún H. Einarsdóttir hjá Óska-
skríni ehf. „Með hjálp handbók-
arinnar velur viðkomandi síðan úr
fjölmörgum upplifunum innan þess
þema sem skrínið geymir.“ Þegar
ákvörðun hefur verið tekin er pant-
að beint hjá þjónustuaðila hverrar
upplifunar og gjafakortið notað sem
greiðsla þegar þjónustan er nýtt.
„Óskaskrínin átta eru á mismunandi
verði og höfða til fjölbreytilegs
smekks og ólíkra áhugasviða viðtak-
enda,“ bætir Sigrún við.
Meðal þeirra þema sem sögð eru
henta vel til fermingargjafa á
heimasíðu Óskaskríns eru Fjör,
Dekur, Kúltúr og Adrenalín. Innan
hvers þema eru svo ótal mismun-
andi upplifanir og líklegt að allir
finni eitthvað við sitt hæfi.
Flugferð í fermingargjöf
Fyrir þá sem hafa gaman af því
að lyfta sér upp, í bókstaflegri
merkingu, gæti gjafabréf í kynning-
arflug hjá flugskóla Keilis verið
rétta gjöfin. Gjafabréf í kynning-
arflug með flugvél frá Keili býður
upp á upplifun í háloftunum og ætti
að vera býsna eftirminnileg lífs-
reynsla. Um tvenns konar gjafabréf
er að ræða, annars vegar fyrir við-
takanda og svo fyrir viðtakanda
ásamt einum gesti. Í báðum til-
fellum er um eina klukkustund að
ræða og þar af tekur flugið sjálft 30
mínútur. Handbók fylgir fyrir flug-
vélina sem farið er í.
Vestfirsk upplifun í poka
Vesturferðir bjóða upp á
skemmtilega útfærslu gjafabréfa,
svokallaða Gjafapoka. Pokarnir eru
af öllum verðflokkum, stærðum og
gerðum og innihalda ferðir víða á
Vestfjörðum, en flestir eru þeir mið-
aðir við Ísafjörð.
Eins og segir á heimasíðu Vest-
urferða eru fjölmargir gerðir Gjafa-
poka í boði og eru útfærslurnar á
annan tug. Allar heita þær eftir inni-
haldinu og þeirri upplifun sem það
býður upp á og má á meðal mögu-
leika nefna Bakpoka, með dags-
göngu á Hornströndum, Svefnpoka
með sæluhelgi á Hótel Ísafirði,
Þvottapoka þar sem heimsóttar eru
fimm sundlaugar á þremur dögum,
Galdrapoka þar sem hinar dulúðugu
Strandir eru í aðalhlutverki og
Skíðapoka þar sem sjónum er beint
að skíðavikunni um páskana á Ísa-
firði. Ef gefandinn vill sérsníða inni-
haldið er Blandípoka ákjósanlegur
kostur en þá er lausnin alfarið sér-
sniðin.
jonagnar@mbl.is
Morgunblaðið/Halldór Sveinbjörnsson
Mýrarbolti Margt er í boði fyrir vestan og ferð þangað gæti verið skemmtileg gjöf. Hægt er að fara um galdra-
slóðir á Ströndum, í gönguferðir á Hornströndum og svo þykir Mýrarboltinn alveg mögnuð skemmtun.
Morgunblaðið/Golli
Útsýnisflug Fyrir þá sem hafa gaman af því að lyfta sér upp, í bókstaflegri merkingu, gæti gjafabréf í kynn-
ingarflug hjá flugskóla verið rétta gjöfin. Úr lofti fæst annað sjónarhorn á byggðir breiðar en af jörðu niðri.
Óskaskrín Nýjung byggð á hugmyndinni um upplifanir í stað áþreif-
anlegra hluta. Viðtakandanum hefur færi á að velja sér ólíka upplifun.
Upplifun í
fermingargjöf
Það færist sífellt í vöxt að gefa fermingarbörnum ein-
hvers konar upplifun eða reynslu, í stað áþreifanlegra
hluta. Þannig geta skapast góðar minningar sem ferm-
ingarbarnið tekur með sér inn í framtíðina.
’Víst er um það aðminningar geta enstævina á enda, ekki síðuren áþreifanlegir hlutir.Hér eru nefndir til sög-
unnar nokkrir valkostir
Harpa Gjafarkort í tónlistarhöllina virkar vel enda eru margir áhuga-
verðir tónlistarviðburðir á dagskrá þar á næstu vikum og mánuðum.
16 | MORGUNBLAÐIÐ