Morgunblaðið - 21.04.2012, Síða 18

18 FRÉTTIRInnlent
MORGUNBLAÐIÐ LAUGARDAGUR 21. APRÍL 2012
Lionshreyfingin á Íslandi gaf Land-
spítalanum í gær 20 milljóna króna
ávísun sem ætluð er til kaupa á
augnlækningatæki sem bráðvantað
hefur á augndeild spítalans. Gjöfin
er að helmingi til fjármögnuð með
framlögum Lionsklúbba hér á landi
og helmingi með framlagi úr al-
þjóðahjálparsjóði Lions í tilefni 60
ára afmælis hreyfingarinnar á Ís-
landi.
Viðstaddur afhendinguna var al-
þjóðaforseti Lions, Wing-Kun Tam,
sem kom til landsins vegna afmæl-
isþings sem Lions heldur um
helgina. Með þinginu og athöfninni á
Landspítalanum lýkur formlega há-
tíðarhöldum vegna 60 ára afmæl-
isins en fyrsti klúbburinn; Lions-
klúbbur Reykjavíkur, var stofnaður
í ágúst árið 1951.
Í tilkynningu frá Lions kemur
m.a. fram að við sölu fyrstu Rauðu
fjaðrarinnar hér á landi hafi verið
gert stórátak í tækjavæðingu augn-
deilda íslenskra sjúkrahúsa, auk
þess sem heilsugæslustöðvar hafi
verið búnar tækjum, augnþrýsti-
mælum o.fl. Á síðustu árum hafi
augnlækningar hins vegar setið á
hakanum hvað tækjavæðingu varð-
ar. Þess vegna hafi Lionsfélagar
ákveðið að safna fyrir og kaupa bún-
að sem helst kæmi augnskurðdeild
Landspítalans að gagni. Tækið sem
Lions gefur er notað til aðgerða inn-
arlega í auga, s.s. í glerhlaupi og
sjónhimnu, t.d. vegna sjón-
himnuloss, við aðgerðir vegna syk-
ursýkiskemmda í augnbotni og einn-
ig vegna áverka eftir slys.
Gærdagurinn var annasamur hjá
alþjóðaforseta Lions. Auk afhend-
ingarinnar á spítalanum átti hann
fund með Ólafi Ragnari Grímssyni
forseta og setti síðan afmælisþing
Lions í Neskirkju eftir að hafa geng-
ið í fararbroddi skrúðgöngu um 300
Lionsfélaga frá Hótel Sögu að kirkj-
unni. Bæði Wing-Kun Tam og Ólaf-
ur Ragnar munu flytja ávörp á há-
tíðarkvöldverði Lions í kvöld.
Lions gaf Landspít-
ala 20 milljóna tæki
 Alþjóðaforseti Lions viðstaddur
Ljósmynd/Jóhann Guðni Reynisson
Gjöf Forsvarsmenn Lions á Íslandi og alþjóðaforsetinn Wing-Kun Tam af-
henda Birni Zoëga, forstjóra LSH, ávísun fyrir gjöfinni til augndeildar í gær.
Í því skyni að styrkja tengsl EFTA-ríkjanna við
styrkþegaríkin, verða í hverju hinna 15 ríkja,
starfræktir undirbúningssjóðir sem stuðla eiga
að auknu samstarfi. Styrki úr þessum sjóðum
má nýta til að sækja ráðstefnur, námskeið
og fundi og til annars sem auðveldað getur
fyrirtækjum og opinberum aðilum að koma
á samstarfsverkefnum tengdum áherslu-
sviðum sjóðsins. Nánar um sjóðinn á vefnum
www.eeagrants.org
Lífeyrissjóður starfsmanna
sveitarfélaga
Ársfundur 2012
Ársfundur Lífeyrissjóðs starfsmanna sveitarfélaga verður
haldinn þriðjudaginn 8. maí kl. 16.00, í húsakynnum
Sambands íslenskra sveitarfélaga að Borgartúni 30,
Reykjavík.
Dagskrá
1. Venjuleg ársfundarstörf samkvæmt samþykktum sjóðsins
2. Breyting á samþykktum
3. Önnur mál löglega upp borin
Allir sjóðfélagar sem og launagreiðendur og viðkomandi
stéttarfélög eiga rétt til fundarsetu með málfrelsi og tillögurétti
og eru þeir hvattir til að mæta.
Fundargögn verða afhent á fundarstað fyrir setningu fundarins.
Reykjavík, 20. apríl 2012
Stjórn Lífeyrissjóðs stafsmanna sveitarfélaga
Björn Jóhann Björnsson
bjb@mbl.is
Íbúðalánasjóður (ÍLS) undirbýr nú
upptöku óverðtryggðra lána og að
sögn Sigurðar Erlingssonar, fram-
kvæmdastjóra sjóðsins, er stefnt að
því að geta boðið upp á slík lán í lok
sumars. ÍLS hefur aðallega boðið
verðtryggð lán til þessa en heildar-
staðan á þeim var 626 milljarðar
króna til einstaklinga í árslok 2011,
borið saman við rúma 606 milljarða
króna árið áður.
Þær upplýsingar sem fram komu í
Morgunblaðinu í gær, upp úr svari
efnahags- og viðskiptaráðherra við
fyrirspurn á Alþingi, benda til að
fasteignaskuldir landsmanna hafi
aukist á síðasta ári, sér í lagi óverð-
tryggð lán. Á sama tíma hafa verð-
tryggð lán einnig aukist, sem og
verðbætur. Í svari ráðherra voru ein-
göngu tölur frá bönkum og lífeyris-
sjóðum en Íbúðalánasjóð og LÍN
vantaði þar inn í.
„Heilt á litið hafa skuldirnar lækk-
að um 200 milljarða króna síðan þær
náðu hámarki. Að miklu leyti má
skýra það með þeim endurútreikn-
ingi sem hefur átt sér stað. Önnur
endurskipulagning, eins og 110%
leiðin, hefur einnig haft einhver
áhrif,“ segir Þorvarður Tjörvi Ólafs-
son, hagfræðingur á hagfræði- og
peningasviði Seðlabankans, um þær
upplýsingar sem fram koma í svari
efnahags- og viðskiptaráðherra.
Hann segir skýringuna á þessari
þróun einnig geta verið þá að margir
hafi verið að fara úr gengistryggðum
lánum yfir í óverðtryggð.
Sambland af tvennu
Þorvarður Tjörvi tók nýverið sam-
an skýrslu, ásamt Karen Á. Vignis-
dóttur hagfræðingi, um skuldastöðu
heimilanna fyrir og eftir hrun. Hún
sýndi m.a. að í lok árs 2010 voru um
37% skuldsettra húseigenda í
skuldavanda og tíundi hver var bæði
í greiðslu- og skuldavanda. Í skýrsl-
unni var tímabilið 2007-2010 tekið
fyrir og á þeim tíma hækkuðu fast-
eignaskuldir landsmanna um 75%.
Þorvarður Tjörvi segir skulda-
vandann vera sambland af tvennu. Í
fyrsta lagi hafi orðið gríðarleg skuld-
setning á árinu 2007 og fyrstu mán-
uðum 2008, sérstaklega í gengis-
bundnum lánum, sem hafi reynst
heimilunum ansi dýrkeypt. Í öðru
lagi megi skýra þróunina með þeim
áföllum sem dundu yfir í kjölfarið,
þ.e. bankahruninu, aukinni verð-
bólgu og veikingu krónunnar.
„Heimilin eru að glíma við tvenns
konar vanda. Annars vegar er það
greiðsluvandi, þar sem fólk hefur
ekki tekjur til að standa bæði undir
greiðslubyrði og lágmarksfram-
færslu. Hins vegar er það skulda-
vandi, þar sem fólk skuldar meira en
það á. Að okkar mati er greiðslu-
vandinn meira aðkallandi, hann er
líklegri til að koma fólki í þrot. Verst
staddir eru þeir sem bæði eru í
greiðslu- og skuldavanda. Við höfum
bent á að tveir hópar virðast standa
uppúr hvað þetta varðar, annars veg-
ar barnafjölskyldur með millitekjur
og hins vegar tekjulágir einhleyping-
ar. Ein leið til að koma til móts við að
minnsta kosti fyrri hópinn er að beita
barnabótum, sem gæti reynst barna-
fjölskyldum mikil aðstoð. Þessi hóp-
ur fær nær engar barnabætur í dag.“
Hann segir skuldavandann í flest-
um tilvikum vera tímabundinn, þar
sem fólk geti staðið undir greiðslu-
byrði og beðið eftir því að húsnæð-
isverð hækki og skuldir lækki. „Það
er ekkert nýtt fyrir Íslendinga að
vera um tíma í neikvæðri eiginfjár-
stöðu,“ segir hann og bendir á að ým-
islegt hafi verið gert til að koma til
móts við fólk í skuldavanda, eins og
með 110% leiðinni og endurreikningi
lána. Þetta hafi hins vegar komið
tekjuhærra fólki meira til góða en
hinum tekjulægri.
Óverðtryggð lán í boði
hjá ÍLS í lok sumars
Morgunblaðið/Ómar
Fasteignir Milljarðatuga skuldir.
 Hagfræðingur
SÍ segir skuldir
hafa lækkað
- nýr auglýsingamiðill
 569-1100finnur@mbl.is
...þú leitar og finnur