Morgunblaðið - 27.04.2012, Blaðsíða 14

14 FRÉTTIRInnlent
MORGUNBLAÐIÐ FÖSTUDAGUR 27. APRÍL 2012
Skúli Hansen
skulih@mbl.is
Hægri grænir - flokkur fólksins
kynnti stefnumál sín á fjölmennum
fundi á Múlakaffi í gær.
„Við stofnuðum Hægri græna,
nokkrir félagar, á Þingvöllum 17.
júní 2010,“ sagði Guðmundur
Franklín Jónsson, formaður flokks-
ins, í ræðu sinni á fundinum í gær.
Að sögn Guðmundar hefur flokk-
urinn óskað eftir listastöfunum X-G
en á fundinum í gær gengu undir-
skriftalistar þar sem óskað var eftir
meðmælendum fyrir framboð
flokksins.
„Við erum hægriflokkur, þá leggj-
um við áherslu á lága skatta og sem
minnst ríkisafskipti, þetta er svona
gegnumsneitt í gegnum stefnuna,“
sagði Guðmundur á fundinum í gær.
Hann benti einnig á að flokkurinn
legði áherslu á sparnað og að for-
svarsmenn flokksins hefðu fundið
sparnaðarholur í 200 ríkisfyrir-
tækjum sem ekkert hefur verið
sparað í. Í ræðu Guðmundar kom
fram að hann teldi skuldaleiðrétt-
ingu á verðtryggðum lánum heim-
ilanna vera langmikilvægasta bar-
áttumál flokksins en slík lán telur
flokkurinn að séu ólögleg sam-
kvæmt lögum og reglum sem sett
voru í samræmi við ESB-tilskipun
frá 1. nóvember 2007.
„Við viljum eindregið auðvitað
lækka matvöruverð í verslunum og
einhver segir að það sé nú ekki
hægt en við getum auðveldlega gert
fríverslunarsamning við Bandaríkin
sem og Kína, Indland og fleiri stór
ríki,“ sagði Guðmundur og bætti við
að ef Ísland væri með fríversl-
unarsamning við Bandaríkin þá
myndi kornverð hér á landi lækka
um 50% og verð á ýmsum öðrum
vörum myndi lækka um 30-40%.
Líkti Guðmundi við drottin
Eftir að Guðmundur lauk ræðu
sinni bauðst fundarmönnum að
spyrja spurninga. Það gerði einn
fundarmaður en sá tók sig til og
nýtti tækifærið til að líkja Guð-
mundi Franklín við kraftaverka-
manninn „þarna uppi“ eins og það
var orðað.
Segja verðtryggð lán ólögleg
 Hægri grænir kynntu stefnumál sín á Múlakaffi í gær  Guðmundur Franklín
Jónsson segir flokkinn leggja áherslu á lága skatta og sem minnst ríkisafskipti
Morgunblaðið/Árni Sæberg
Kynningarfundur Fjöldi fólks var mættur til að fylgjast með kynningarfundi Hægri grænna sem fram fór á Múlakaffi í gær. Guðmundur Franklín Jónsson,
formaður Hægri grænna, kynnti stefnu flokksins í ræðu sinni. Hann sagði skuldaleiðréttingu verðtryggðra lána heimilanna helsta baráttumál flokksins.
Bandaríska flug-
félagið Delta mun
fljúga fimm sinn-
um í viku milli
Keflavíkur og
New York í sum-
ar í samvinnu við
flugfélagið KLM.
Delta hóf á síð-
asta ári áætl-
unarflug á milli
New York og
Keflavíkur og flutti þá yfir 20.000
farþega til Íslands.
Í tilefni af því að félagið mun senn
hefja áætlunarflug milli landanna á
ný, býður Delta upp á ferðir frá
Keflavík til New York á sérstöku
kynningarverði, 63.000 krónur fyrir
miða á almennu farrými að sköttum
og gjöldum meðtöldum.
Tilboðið gildir fyrir allt flug á
tímabilinu frá 2. júní til 3. sept-
ember, sem bókað er í fyrir 3. maí
næstkomandi. Gert er ráð fyrir því
að dvalið sé í Bandaríkjunum aðfara-
nótt sunnudags.
Delta flýgur
til Íslands í
sumar
Flugvél Delta
í Keflavík.
Fimm flugferðir í viku
milli Keflavíkur og NY
Hæstiréttur hefur staðfest tíu til
fimmtán mánaða fangelsi yfir þrem-
ur karlmönnum fyrir vörslu kókaíns
í sumarhúsi í Ölfusborgum. Sá sem
fékk þyngsta dóminn var einnig
dæmdur fyrir innflutning á efninu.
Um var að ræða 374 grömm af kók-
aíni ætlað til söludreifingar hér á
landi. Fíkniefnin fundust í sum-
arhúsinu þar sem þeir voru að
þurrka þau en þau voru blaut eftir
að hafa legið í um eitt ár í jörðu.
Alls er þeim gert að greiða rúmar
þrjár milljónir króna í sakarkostnað.
Sá sem fékk þyngsta dóminn er
fæddur árið 1968. Samkvæmt upp-
lýsingum Interpol í Litháen hafði
hann m.a. verið sakfelldur þar sex
sinnum fyrir þjófnað.
Staðfesting á
kókaíndómi
Kjartan Kjartansson
kjartan@mbl.is
Það ætti að vera í verkahring for-
eldra barns að ákveða hvaða trú- eða
lífsskoðunarfélagi það eigi að til-
heyra og því eiga þeir að sjá um þá
skráningu sjálfir en ekki ríkið eins
og nú er. Þetta kemur fram í umsögn
Mannréttindaskrifstofu Íslands um
frumvarp innanríkisráðherra um
breytingu á lögum um skráð trú-
félög.
Í frumvarpinu er lögð til breyting
á lögum um skráningu barna í trú-
félög en þau hafa hingað til verið
skráð í trúfélag móður við fæðingu.
Sú breyting sem lögð er til í frum-
varpinu er að ef foreldar barns til-
heyra ekki sama trúfélaginu þurfi
þau að koma sér saman um hvort og
þá hvaða trú- eða lífsskoðunarfélagi
barnið tilheyri. Þangað til verði
staða barnsins ótilgreind.
Foreldrar skrái barn sitt
Í umsögn sinni um frumvarpið
segist Mannréttindaskrifstofa fagna
þessari breytingu enda samræmist
hún betur jafnréttislögum en ákvæði
núverandi laga.
Hún gerir hins vegar þá athuga-
semd við frumvarpið að það eigi að
vera í verkahring foreldra að skrá
börn sín í trúfélög en ekki ríkisins.
Vísar Mannréttindaskrifstofa í
samning Sameinuðu þjóðanna um
réttindi barnsins þar sem segir að
aðildarríki skuli virða rétt og skyld-
ur foreldra og lögráðamanna til að
veita barni leiðsögn við að beita rétti
sínum til frjálsrar hugsunar, sann-
færinga og trúar. Samkvæmt samn-
ingnum hafi foreldrar skyldu til þess
að aðstoða barn við ákvörðun um
skráningu í trú- eða lífsskoðunar-
félag og taka afstöðu til þess hafi
barn ekki þroska til þess að taka
ákvörðun um það sjálft.
Því leggur Mannréttindaskrif-
stofa til að ákvæðið kveði á um að
foreldrar í hjúskap eða skráðri sam-
búð taki sameiginlega ákvörðun um
skráningu barns í trú- eða lífsskoð-
unarfélag og fram til þess tíma verði
staða þess ótilgreind.
Fagna jafnrétti félaga
Mannréttindaskrifstofan fagnar
hins vegar þeim breytingum sem
kveðið er á um í frumvarpinu sem
jafna eiga stöðu lífsskoðunarfélaga á
við skráð trúfélög og segir í umsögn
sinni að með frumvarpinu náist það
markmið. Þá fagnar hún því sérstak-
lega að gert sé ráð fyrir að lífsskoð-
unarfélög öðlist rétt til sóknargjalda
fyrir skráða meðlimi þeirra.
Foreldrar skrái
börn sín í trúfélög
en ekki ríkið
Hægri grænir munu bjóða fram í
öllum kjördæmum í næstu alþing-
iskosningum að sögn Guðmundar
Franklíns Jónssonar, formanns
flokksins. „Við erum ekki búin að
stilla upp á lista,“ segir Guð-
mundur og bætir við að vel og
vandlega verði valið á framboðs-
lista. Spurður út í fjölda flokks-
manna segir Guðmundur: „Það eru
um 1.100 skráðir í flokkinn.“ Hann
bendir þó á að nokkur þúsund
manns séu skráðir á Fésbókar-
síðum flokksins. „Ég held að Sjálf-
stæðisflokkurinn sé ekki hægri-
flokkur,“ segir hann aðspurður
hvaða munur sé á Hægri grænum
og Sjálfstæðisflokknum.
Auk Guðmundar fluttu þrír af
forsvarsmönnum flokksins, þau
Sigríður Pétursdóttir, kosn-
ingastjóri flokksins, Pétur Fjeld-
sted Einarsson og Guðrún Bryndís
Karlsdóttir ræðu á fundinum.
Framboð í öllum kjördæmum
SEGIR SKRÁÐA FLOKKSMENN VERA UM 1.100 TALSINS