SunnudagsMogginn - 22.04.2012, Blaðsíða 10
10 22. apríl 2012
Skar og skarkali | 32
Sigríður Stefánsdóttir er fyrrverandi bæj-
arfulltrúi Alþýðubandalagsins og gegndi á
sínum tíma bæði embætti forseta bæj-
arstjórnar og formanns bæjarráðs. Hún er
nú verkefnisstjóri samskipta hjá Akureyr-
arbæ og framkvæmdastjóri afmælisárs
bæjarins, 150 ára kaupstaðarafmæli bæj-
arins er fagnað í ár.
7.00 Vakna við Rás 1, ligg áfram í
nokkrar mínútur. Fyrsti morgunn eftir
páskafrí svolítið erfiður. Svo er það sturtan
og snöggur morgunmatur.
8.03 Stimpla mig inn í Ráðhúsinu. Byrja
á að skrifa minnispunkta fyrir daginn og
kíkja á tölvupóst. Hitti og býð velkominn
nýjan starfsmann, sem kominn er til að
vinna tímabundið að nokkrum afmæl-
isverkefnum.
9.00 Stutt morgunleikfimi á 2. hæðinni
og svo morgunkaffi með samstarfsfólki.
Fer í kynningarferð um húsið með nýja
starfsmanninn, Gest Einar, sem þekkir
marga og margir þekkja. Svara í leiðinni
spurningum og gef upplýsingar og frétti
líka af gangi nokkurra verkefna. T.d. er
verið að vinna að undirbúningi þess að
koma upp upplýsingaskiltum og sögu-
vörðum í tilefni afmælisins.
10.30 Fer yfir og vinn að nokkrum
verkefnum tengdum afmælisárinu t.d.
dönsku sunnudagskaffi í innbænum, sem
stefnt er að 1. júlí og gönguferðum um bæ-
inn sem boðið verður upp á öll fimmtu-
dagskvöld í sumar
12.00 Nota hluta af matartímanum til
að heyra í stjórnarkonum í Parkinsons-
félagi Akureyrar og fara yfir bréf sem við
erum að senda út vegna aðalfundar. Næ,
sem betur fer líka að skjótast í mat hjá
Tony í mötuneytinu okkar. Gott eins og
alltaf.
13.45 Uppgötva að ég á að vera mætt á
fund. Fannst vera mánudagur en ekki
þriðjudagur. Tek sprettinn og hleyp út í
Hof, þar sem ég hitti gott samstarfsfólk á
Akureyrarstofu og Gunnu Þórs, verk-
efnastjóra Akureyrarvöku. Förum saman
yfir kynningaráætlun ársins og aðal-
hátíðarhaldanna í lok ágúst, bæði aðferðir
og kostnað, sem verður að rúmast innan
fjárhagsáætlunar.
15.30 Sinni málum vegna ýmissa er-
lendra samskipta bæjarins. Að þessu sinni
eru erindi frá Västerås í Svíþjóð, aðal-
skrifstofu Northern Forum í Alaska, um
væntanlega heimsókn kínverskra vísinda-
manna til Akureyrar, heimsókn frá Denver
og fleira.
16.45 Komin heim og hitti eiginmann
og hund. Við Erlingur skoðum saman ár-
angur hans af að skanna inn nokkrar
myndskyggnur frá ferðalagi Blásarasveitar
Tónlistarskólans árið 1989. Vorum beðin að
skrifa smágrein um sveitina, sem þarf að
myndskreyta. Skoðuðum fyrir vikið fullt af
gömlum myndum í páskafríinu t.d. af
krökkunum okkar og ferðalögum.
17.30 Erlingur og Lappi fara í hesthús,
en ég skelli í þvottavél, vökva blóm og
kryddjurtir í ræktun og undirbý kvöldmat-
inn, sem verður einfaldur í þetta sinn. Fínt
að nota fiskbollur sem ég keypti af ungum
handboltakonum. Bjallan hringir tvisvar, í
bæði skiptin íþróttafólk að safna drykkjar-
umbúðum.
18.30 Góð vinkona hringir. Förum oft
saman í gönguferðir, en ég ákveð nú að taka
tillit til hráslagans úti og kvefsins í mér.
Berum okkur saman um fréttir og forseta-
kosningar. Ætlum báðar að styðja Þóru.
19.30 Þeir félagar komnir úr hesthúsi.
Við Erlingur höldum þeim sið, sem alltaf
hefur verið á heimilinu, að setjast saman
niður við kvöldmatarborðið. Hand-
boltabollurnar bragðast ágætlega.
20.30 Tek rúnt á fréttamiðlum og fas-
bók. Set frétt inn á afmælissíðu Akureyrar
www.facebook.com/Akureyri150 um
skemmtilega síðu „Þorparanna“. Fleiri
hverfi hafa fylgt í kjölfarið og setja inn
myndir, fróðleik og skemmtileg samskipti.
22.45 Tekst að standa við fyrirheit frá
morgni um að fara ekki mjög seint í rúmið.
Get því með góðri samvisku lesið um stund.
Fer með Sigurði Pálssyni austur í Axarfjörð í
Bernskubók hans. Góð og róandi lesning
eftir erilsaman dag.
Morgunblaðið/Skapti Hallgrímsson
Tek sprettinn!
Sigríður Stefánsdóttir, framkvæmdastjóri afmælisárs Akureyrarbæjar, við málverk Frey-
móðs Jóhannssonar (12. september) af Akureyri frá 1929. Þetta mun vera fyrsta listaverkið
sem Akureyrarbær keypti.
Dagur í lífi Sigríðar Stefánsdóttur, fram-
kvæmdastjóra afmælisárs Akureyrar
Þorgrímur Kári Snævarr