SunnudagsMogginn - 22.04.2012, Blaðsíða 32
32 22. apríl 2012
Liisa Jokinen er finnskur götu-tískuljósmyndari sem komhingað til lands í tilefni af Hönn-unarmars og Reykjavík Fashion
Festival. Hún er með síðuna HEL-
looks.com, sem nýtur mikilla vinsælda.
Hún vill alls ekki kalla síðuna tísku-
blogg þar sem það er ekki athugasemda-
kerfi eða samtal á síðunni en hún fellur
engu að síður í flokk áhrifamikilla tísku-
síðna á Norðurlöndum og fær reyndar fær
líka margar heimsóknir frá Bandaríkj-
unum.
Hún byrjaði með síðu sína árið 2005 og
var hún því snemma á ferðinni, þegar
tískubloggin voru á jöðrunum og tísku-
blöðin í meginstraumnum. Tískublogg-
ararnir hafa síðan þá fært sig yfir á fremsta
bekkinn á tískusýningunum við hlið
tískublaðaritstjóranna.
Hrifin af lopapeysum og skyri
Liisa er hrifinn af íslenskri tísku og nefnir
þar til dæmis Kron By Kronkron. „Ég fór í
heimsókn á vinnustofuna þeirra og fékk
innsýn í hvernig þau vinna. Þau eru in-
dælt par og búðin þeirra er frábær. Þar
fást merki sem eru hvergi til sölu í Hels-
inki,“ segir Liisa en parið sem hún ræðir
um eru Hugrún Árnadóttir og Magni Þor-
steinsson og verslunin heitir Kronkron.
Hún nefnir líka prjónavörurnar frá Vík
Prjónsdóttur og hönnun Munda sem
dæmi um skemmtilega íslenska hönnun.
„Besta hönnunin er líka þetta einfalda
eins og hefðbundnar íslenskar lopapeysur
og skyr.“
Liisa hefur komið hingað einu sinni áð-
ur, yfir helgi árið 2004. „Það er ótrúlegt
hvað borgin hefur breyst mikið á þessum
tíma. Það eru svo miklu fleiri kaffihús og
búðir en áður svo manni finnst borgin
vera miklu stærri núna,“ segir hún.
Liisa er með HEL Looks ásamt kærasta
sínum Sampo Karjalainen en hann sér um
hönnun síðunnar og tæknilegu hliðina.
„Við vorum með þeim fyrstu að stofna
götutískusíðu. Það hafa auðvitað verið til
götutískuljósmyndarar áður, en þetta var
nýr vettvangur,“ segir hún.
Ris tískublogganna
Hún hefur lengi unnið á þessum vettvangi
og vinnur líka sjálfstætt fyrir hin og þessi
blöð. „Þegar ég hef samband við skipu-
leggjendur tískuviðburðar og minnist á
HEL Looks þá fara hjólin að snúast. En ef
ég segist ætla að taka myndir af viðburð-
inum fyrir stærsta dagblaðið í Finnlandi
gerist kannski ekkert. Mér finnst það svo-
lítið skrýtið,“ segir hún en hún hefur
upplifað ris tískublogganna á eigin skinni.
„Síðustu tvö, þrjú árin hafa tískublogg-
arar sótt tískusýningarnar og setið á
fremsta bekk,“ segir Liisa sem myndaði
að sjálfsögu götutískuna í Reykjavík á
meðan á heimsókninni stóð en afrakst-
urinn er hægt að sjá á vefsíðu finnska
tískutímaritsins Lily (www.lily.fi/palsta/
liisa-looks-goes-reykjavik). HEL Looks
er aðeins fyrir götutískuna í höfuðborg
Finnlands.
Alltaf með myndavélina
Hvernig er dæmigerður dagur í lífi HEL
Looks, hvar finnurðu fólkið sem þú
myndar?
„Ég tek myndavélina mína alltaf með
mér og ef ég sé einhvern áhugaverðan á
leiðinni þá tek ég mynd,“ segir hún og út-
skýrir að margar myndirnar séu teknar
um helgar í miðbæ Helsinki.
Hana langar að geta ferðast meira um
borgina og leita að ennþá fjölbreytilegra
fólki til að mynda. „Draumur minn er að
fá Helsinki-borg til að styrkja mig um
laun eins eða tveggja daga í mánuði svo ég
geti eytt meiri tíma í að taka myndir og
farið víðar um borgina.“
Hverju ertu að leita að í fari fólks?
„Það verður að vera eitthvað við það
sem kemur mér á óvart, eitthvað sem ég
hef ekki séð áður eða óvenjuleg samsetn-
ing í fötunum. Ég leita ekki eftir því aug-
ljósa, einhverju sem er komið beint úr
Zöru eða H&M sem er auðvelt að þekkja.
Ég leita að því sem er ekki of fyrirsjáanlegt
og of augljóslega í tísku,“ segir hún.
„Ég reyni að taka myndir sem láta fólk
hugsa og spá í hlutina. Er hún í alvöru í
þessum jakka við þessar buxur? Mér
finnst það áhugaverðara. Ég vil finna fólk
sem er með sinn eigin stíl,“ segir hún.
Hver finnst þér vera þróunin í götu-
tískunni?
„Fólk virðist vera að verða þreytt á
fjöldaframleiddri tísku. Mér finnst ég hafa
séð það líka hér. Fólk er alltaf með eitt-
hvað sérstakt, eitthvað sem það hefur erft
frá ömmu sinni eða mömmu eða eitthvað
sem það hefur búið til sjálft,“ segir hún.
Hvað finnst þér um íslenska götutísku?
„Mér finnst hún mjög flott. Ég bjóst við
miklu og ég hef ekki orðið fyrir von-
brigðum.“
Eru Íslendingar með svipaðan stíl og
aðrar Norðurlandaþjóðir?
„Þeir eru sérstaklega líkir Finnum.
Kannski út af viðhorfinu, báðar þjóðir eru
frekar þrjóskar! Báðar þjóðir virðast
ófeimnar við að prófa sig áfram í tískunni
á óhefðbundinn hátt,“ segir hún en á
meðfylgjandi myndum má sjá hvernig
götutískan í Reykjavík kallast á við götu-
tískuna í Helsinki.
Leiðinlegir Svíar og rómantískir Danir
Fylgistu með tískuvikunum á hinum
Liisa Jokinen er finnskur götutískuljós-
myndari sem heldur úti vinsælli tískuvef-
síðu, HEL-Looks.com. Hún forðast hið
augljósa og fjöldaframleidda og heillast
af fólki sem kemur henni á óvart.
Inga Rún Sigurðardóttir ingarun@mbl.is
Vill fá fólk
til að hugsa
Katrín í Reykjavík.Sandra í Helsinki.Annica í Helsinki.Laufey í Reykjavík.