SunnudagsMogginn - 22.04.2012, Blaðsíða 24

24 22. apríl 2012
Sól skín á él
Mynd: Árni Sæberg
Texti: Trausti Jónsson veðurfræðingur
Þetta er falleg mynd. Hún sýnir sól skína
gegnum rof í skýjaþekjunni á þétt él sem fell-
ur niður úr éljaklakki. Klakkurinn sjálfur sést
þó ekki á myndinni, aðeins botninn á honum.
Stöku sinnum gerist það að lítill klakkur
breytist nær allur í úrkomu á svipstundu og
fellur til jarðar. Mér finnst það þó ólíklegt í
þessu tilviki. Hluti úrkomunnar gufar upp á
leið til jarðar og getur síðan myndað lítil tætt
þokuský til hliðar við klakkinn og úrkomuna.
Þau nefnast hrafnar og eru mest áberandi í
forgrunni hægra megin á myndinni. Hér sjást
slík ský meira að segja í úrkomunni niður und-
ir sjó á miðri mynd. Sennilega er klakkurinn
hér á leið til hægri á myndinni. Vindhraði
minnkar þegar nær dregur jörðu og þess
vegna kemur sveigja á úrkomuböndin þegar
þau nálgast yfirborð sjávar og úrkoman dettur
niður í minni vindhraða. Úrkomubönd sem
þessi eru mjög algeng. Oft sjást þau hanga
niður úr skýjum en ná ekki til jarðar. Böndin
sjást betur ef úrkoman er snjór heldur en rign-
ing. Þá getur verið að ekki sjáist til bandsins
alls – það virðist hverfa þar sem snjórinn er
allur bráðnaður. Birtuaðstæður valda því að
þetta er allt meira áberandi hér heldur en
venjulegast er.