SunnudagsMogginn - 22.04.2012, Blaðsíða 29

„Já. En ég er alin upp af róttæku fólki
og fékk ekki sérstakt trúarlegt uppeldi,
var til dæmis hvorki skírð né fermd en lét
skíra mig þegar ég var tvítug. Það var
meira rætt um stjórnmál en trúmál í
kringum mig. Sem dæmi má nefna að
þegar ég var lítil fannst mér stundum ansi
flókið að átta mig á hvaða flokki þetta
róttæka fólk sem ég sá í kringum mig til-
heyrði: Er þessi maóisti? Nei, hann er
trotskýisti. Er þessi ekki lenínisti? Æ, nei,
nú man ég, hann er í Kúbuvinafélaginu og
þessi þarna er í Fylkingunni. Mér finnst
skemmtilegt að rifja upp þessa tíma. En
ég sjálf passa ekki vel inn í fylkingar eða
flokka. Og hef verið leitandi andlega.
Fyrir einhverjum árum var ég í göngu-
túr og var að hugsa um bók sem Karl Sig-
urbjörnsson biskup tók saman og heitir
Orð í gleði. Upp í hugann kom setning úr
bókinni: Ef þú þráir að þekkja Guð þá áttu
þegar trú. Þá áttaði ég mig á því að ég var
trúuð. Trúin hafði verið innra með mér
allan tímann. Mikið leið mér vel við þessa
uppgötvun. Ég veit af eigin reynslu að lít-
ill kafli í bók, þess vegna ein setning, get-
ur breytt miklu fyrir mann. Mig langaði
til að skrifa bók sem tendrar neista. Ég
veit að ég hef gert það með þessari bók
því margir hafa keypt bókina fyrir sig og
kaupa svo annað eintak til að gefa ein-
hverjum sem þeim þykir vænt um.“
Þú minnist á depurð fyrr í viðtalinu,
margir sjá þig örugglega fyrir sér sem
konu sem sé alltaf glöð og ánægð.
„Ég held að margir, og ekki síst skap-
andi einstaklingar, finni stundum fyrir
ákveðinni depurð. Ef depurð býr í manni
þá getur maður valið að vera volæðisfíkill
og dvelja bara við vanlíðanina. Sumir eru
hreinlega í keppni um það hver á mest
bágt. En maður getur líka ákveðið að gera
eitthvað í málunum. Þegar ég uppgötvaði
að í mér býr ákveðin depurð, sem mun
kannski á vissan hátt alltaf vera þarna, þá
ákvað ég að vinna með hana. Hugmyndir
eða sköpun geta sprottið upp af depurð.
Ef maður er stundum hræddur og kvíð-
inn og hefur ekki trú á sjálfum sér þá nær
maður hugsanlega betri tengingu við aðra
og hefur meira að gefa vegna þess að
maður hefur skilning á því að fólki líður
ekki alltaf vel. En maður má ekki láta
depurð hefta sig eða draga sig niður. Á
tímabili sá ég um þáttinn Örlagadagurinn
á Stöð 2 þar sem ég tók viðtöl við fólk sem
hafði upplifað skelfilegar raunir, lifað af
hræðileg slys, misst heilsuna eða séð fólk
í kringum sig deyja. En allt þetta fólk átti
það sameiginlegt að það dvaldi ekki í
skelfingunni og taldi sig eiga skelfilega
bágt heldur vann í sínum málum, leitaði
sér hjálpar og hafði þegar upp var staðið
miklu að miðla.“
Þú hefur verið gift lengi Kristjáni
Franklín leikara, hver er lykillinn að
góðu hjónabandi?
„Ég trúi því að hver og einn hafi
ákveðið hlutverk á jörðinni og til að
blómstra þurfi maður að finna þetta hlut-
verk. Ég trúi því líka að það sé einhver
ætlaður manni en ég segi nú stundum í
gamni, þar sem ég er félagsfræðingur og
veit allt um skilnaðartíðni, að það hljóti
að vera fleiri en einn sálufélagi á hvern
einstakling. Það er mín stóra gæfa að hafa
hitt sálufélaga minn þegar ég var ung
stúlka, einstakling sem hæfir mér. Við er-
um búin að vera saman í 26 ár og giftum
okkur fyrir 22 árum. Við höfum ekki
fengið minni skammt af vonbrigðum en
hver annar, en við erum samstiga og ef
það koma upp vandamál þá leitum við
lausna. Við erum ekki sérlega veraldlega
þenkjandi og höfum ekki verið að flækja
líf okkar mjög mikið. Það er okkur mik-
ilvægast að eiga hvort annað og tala sam-
an. Í mínum huga er það lykillinn að góðu
hjónabandi.“
Ertu hamingjusöm manneskja?
„Mér finnst ég vera sólarmegin í lífinu,
en það gerist ekki af sjálfu sér heldur er
ákvörðun sem snýst um jákvætt hugarfar
og kostar vinnu. Ég er ekki alltaf ham-
ingjusöm, stundum er ég döpur og
stundum koma upp vandamál, en ég vinn
í því að láta mér líða vel. Ég leitast við að
senda frá mér eitthvað gott og laða þann-
ig til mín það góða.“
Sirrý: Maður finnur fyrir
miklu frelsi þegar mað-
ur sættir sig við að vera
manneskja en ekki vél-
menni. Því manneskjur
mega gera mistök.
Morgunblaðið/RAX
22. apríl 2012 29
V/Reykjalund - Mosfellsbæ - Sími 562 8500 - www.mulalundur.is
Múlalundur - fyrir betri framtíð
SÉRPRENTAÐAR MÖPPUR
hannaðar að utan sem innan eftir þínum þörfum
HRINGDU
OG FÁÐU
UPPLÝSINGAR
 562 8500
Fyrir fundi, ráðstefnur,
markaðssetningar
eða kynningar
’
Ég er ekki
alltaf
hamingju-
söm, stundum
er ég döpur og
stundum koma
upp vandamál,
en ég vinn
í því að láta
mér líða vel.