SunnudagsMogginn - 22.04.2012, Blaðsíða 21
22. apríl 2012 21
Tæplega 40 ára gamalt markameter nú í hættu. Lionel Messi,hinn knái leikmaður Barcelona,hefur nú skorað 63 mörk í öll-
um mótum á þessu keppnistímabili. Að
auki hefur hann gefið 25 stoðsendingar á
tímabilinu. Frammistaða Messis er með
ólíkindum, en hún er ekki einsdæmi.
Leiktímabilið 1972/73 skoraði Gerd Müll-
er 67 mörk í öllum mótum.
Müller hafði ótrúlegan hæfileika til að
skora mörk og höfðu varnarmenn ærna
ástæðu til að vara sig þegar hann birtist í
teignum.
Markamet og titlar á titla ofan
Müller setti ýmis met á ferlinum. Hann
skoraði 68 mörk í 62 landsleikjum, rúm-
lega mark í leik, 365 mörk í 427 leikjum í
þýsku deildinni og 66 mörk í 74 leikjum í
Evrópukeppni. Müller er áttundi á listan-
um yfir helstu markaskorara
heims, en lék færri leiki á ferl-
inum en hinir leikmennirnir,
sem ásamt honum skipa 15
efstu sætin á listanum.
Ferillinn hófst hjá 1861
Nördlingen þar sem Müller
fæddist 3. nóvember 1945. 18
ára gekk hann til liðs við FC
Bayern München árið 1964
þar sem fyrir voru Franz Bec-
kenbauer og Sepp Maier.
Saman áttu þeir eftir að setja
mark sitt á þýska knatt-
spyrnu, en á þessum tíma var
Bayern í suðursvæðisdeild-
inni, einni deild fyrir neðan
búndeslíguna. Liðið vann sig upp í
búndeslíguna á fyrsta tímabilinu, sem
Müller lék með því og á sjöunda og átt-
unda áratugnum átti það eftir að vinna
marga titla. Hann varð fjórum sinnum
þýskur meistari, fjórum sinnum bik-
armeistari, þrisvar sigurvegari í Evr-
ópukeppni meistaraliða, vann álfubik-
arinn einu sinni og varð einu sinni
Evrópumeistari bikarhafa.
Sjö sinnum var Müller markahæsti
leikmaður Þýskalands og tvisvar marka-
hæstur í Evrópu.
Müller lék sinn fyrsta landsleik 1966 og
tryggði sér strax fast sæti í liðinu. Hann
stóð sig frábærlega í heimsmeist-
arakeppninni í Mexíkó árið 1970 þegar
Vestur-Þýskaland náði þriðja sæti og
skoraði 10 mörk í sex leikjum, þar á með-
al þrennu gegn Búlgaríu og Perú. Þjóð-
verjar töpuðu hins vegar í undanúrslitum
fyrir Ítalíu í leik, sem var framlengdur og
fór 4-3. Müller skoraði tvisvar í þeim
leik. Það ár var hann kjörinn knatt-
spyrnumaður Evrópu.
Heims- og Evrópumeistari
Fjórum árum síðar varð hann heims-
meistari með Vestur-Þýskalandi. Þá var
hann ekki jafn iðinn við markaskor-
unina, en náði engu að síður að skora
fjögur mörk, þar á meðal úrslitamarkið í
2-1 sigri á frábæru liði Hollendinga í úr-
slitaleiknum. Í millitíðinni varð hann
Evrópumeistari með landsliðinu 1972. Í
úrslitaleiknum sigruðu Vestur-
Þjóðverjar Sovétmenn sannfærandi með
þremur mörkum gegn engu.
Müller skoraði því samtals 14 mörk í
úrslitakeppni HM. Það var met, sem stóð
í samtals 32 ár þar til Ronaldo tók það af
honum í leik með Brasilíu gegn Gana á
HM í Þýskalandi 2006. Ronaldo þurfti
hins vegar þrjú heimsmeistaramót til að
ná meti Müllers.
„Litli, feiti Müller“
Müller fékk viðurnefnin „Bomber der
Nation“ og „kleines, dickes Müller“ eða
„litli, feiti Müller“ eins og það er haft eft-
ir Cik Cajkovski, fyrsta þjálfara hans hjá
Bayern München. Cajkovski var Júgó-
slavi. Honum varð fótaskortur á mál-
fræðinni þegar hann var að lýsa leik-
manni sínum og lýsingin festist við hann.
Eftir HM 1974 hætti hann í landsliðinu í
fússi vegna þess að eiginkonum leik-
manna var ekki boðið til
sigurfagnaðarins. En
hann átti eftir að vinna
ýmsa sigra með Bayern
og lék með liðinu til 1979
eða í 15 ár. Eftir það tóku
við tvö leiktímabil með
Fort Lauderdale Strikers í
Flórída í Bandaríkjunum.
Þótt Müller virtist ekki
geta misstigið sig á vell-
inum gegndi öðru máli
um einkalífið. Hann
stríddi við þunglyndi og
alkóhólisma. Hann
keypti sér bar í Fort Lau-
derdale og virðist hafa
verið einn helsti viðskiptavinurinn.
Hann var óánægður með sjálfan sig, var
niðurbrotinn og nánast eignalaus. Þegar
virtist fokið í flest skjól komu gamlir vin-
ir til bjargar, Franz Beckenbauer fremst-
ur í flokki. Þeir komu honum í meðferð
og Uli Hoeness, forseti Bayern, gerði
hann að þjálfara hjá varaliðinu, Bayern
München II, 1991. Þar er Müller enn við
störf.
Müller hafði óvenjulegt vaxtarlag,
stutta fætur og þyngdarpunktinn neð-
arlega. Í bók Davids Winners um hol-
lenska landsliðið er að finna lýsingu á
Müller og er tilvitnunin tekin úr Wikipe-
diu: „Müller var stuttur, samanrekinn,
ankannalegur í útliti og ekki sérlega fljót-
ur; hann passaði aldrei inn í viðteknu
myndina af hinum frábæra fótbolta-
manni, en hröðun hans á stuttum vega-
lengdum var banvæn, hann hafði óvið-
jafnanlegar staðsetningar í vítateig og
óhugnanlega tilfinningu fyrir að skora
mörk. Stuttir fæturnir veittu honum
undarlega lágan þyngdarpunkt þannig að
hann gat snúið sér snöggt og í fullkomnu
jafnvægi í plássi og á hraða þegar aðrir
leikmenn hefðu fallið um koll. Hann
hafði einnig lag á að skora við ólíklegustu
kringumstæður.“
Lærði á götunni með plastbolta
Þegar Brasilíumaðurinn Ronaldo var við
það að ná af honum markametinu á HM
sagði Müller í viðtali að til væru fáir
markaskorarar á borð við hann og Ro-
naldo og kvaðst telja að ástæðan væri
augljós. „Nú eru færri mörk skoruð
vegna þess að leikmenn bregðast ekki
við,“ sagði hann í samtali við Mail on
Sunday fyrir sex árum. „Þeir fylgjast ekki
nógu vel með leiknum og mistekst allt of
oft að nýta sér þau færi, sem þeir fá. Of
fáir markaskorarar eru nógu kaldir – það
skilur þá bestu frá restinni.“
Müller segir að hann hafi öðlast tilfinn-
ingu fyrir að skora mörk þegar hann var
táningur, áður en hann varð atvinnu-
maður. „Ég er að tala um nokkuð, sem er
ekki hægt að læra – annaðhvort ertu með
það eða ekki. Ég var einfaldlega fljótari að
bregðast við en andstæðingurinn. Meira
að segja þegar ég var krakki vildu eldri
strákarnir alltaf hafa mig með vegna þess
að þeir vissu að ég myndi skora. Þannig
lærði ég mitt fag, af að spila á götunni
með plastbolta. Á þeim tímum voru eng-
ar æfingar fyrir ungt fólk og leðurboltar
voru ekki inni í myndinni – aðeins ríku
krakkarnir höfðu efni á þeim. En þótt ég
hefði alla þessa hæfileika hvarfaði aldrei
að mér að að verða atvinnumaður í fót-
bolta fyrr en ég var valinn til að spila í
svæðisdeildinni í Bæjaralandi 16 ára.“
Fellur met þýska
þrumufleygsins?
Hann var kallaður „stutti, feiti Müller“ og var
markaskorari af guðs náð. Nú er tæplega 40 ára
markamet Gerds Müllers í hættu.
Karl Blöndal kbl@mbl.is
Gerd Müller við að skora eitt af 499 mörkum, sem hann gerði í 563 leikjum á ferlinum.
Gerd Müller fagnað eftir að hann skoraði sigurmarkið á HM gegn Hollendingum 1974.
’
Müller var
stuttur,
samanrek-
inn, ankanna-
legur í útliti og
ekki sérlega fljót-
ur; hann passaði
aldrei inn í við-
teknu myndina af
hinum frábæra
fótboltamanni.
Gerd Müller klæddi sig eins og kóngur
á umslagi lítillar plötu, sem hann gaf
út með slagaranum Dann macht es
Bumm (Svo heyrist búmm) 1969 –
liðsfélagi hans Beckenbauer var keis-
arinn. Lagið er dæmigerður bæverskur
slagari með harmónikkum og trumb-
um og söngur Müllers tilþrifalítill.
Gagnrýnendur fögnuðu því að ekki
skyldi verða framhald á tónlistarferli
markaskorarans.
Svo heyrist búmm