Morgunblaðið - 18.05.2012, Blaðsíða 6

6 FRÉTTIRInnlent
MORGUNBLAÐIÐ FÖSTUDAGUR 18. MAÍ 2012
Blómstraðu með L’Occitane
Kringlan - Sími: 577 7040 | www.loccitane.com
T
ilb
o
ð
ið
gi
ld
ir
á
K
ri
n
gl
u
k
as
ti
1
7
.-
2
1
.m
aí
2
0
1
2
e
ð
a
m
e
ð
an
b
ir
gð
ir
e
n
d
as
t.
BÓNDARÓSAR GJAFAKASSI
Petal Soap 125 g, Shower Gel 250 ml,
Beauty Milk 250 ml og Hand Cream 30 ml.
Einnig til í Cherry Blossom, Fleur Chérie ogVerbena.
TILBOÐSVERÐ:
6.190 KR.
Verð áður: 8.270 kr.
Áslaug Arna Sigurbjörnsdóttir
aslaug@mbl.is
,,Ég byrjaði á þessu um aldamótin,
en síðan þá hefur margt breyst,“
segir Guðjón D. Gunnarsson sem
býr á Reykhólum. Guðjón býr til
áburðinn Glæði sem er lífrænn
áburður úr íslensku þangi og eru
nú liðin 14 ár síðan hann hóf til-
raunir með þangvökva til áburðar.
,,Ég geri áburðinn í bílskúrskjall-
aranum sem hentar ágætlega í
þetta,“ segir Guðjón en áburðurinn
er aðallega notaður á inniblóm og-
heimilisgarða. Guðjón segir að í
Evrópu þyki þangáburður nauðsyn-
legur á golfvelli. ,,Það var minn
upphaflegi markhópur, en þar er
hörð samkeppni og það þarf sterk-
ari bein heldur en mig í slíka sam-
keppni.“
Salan á Glæði hefur stóraukist
og er salan það sem af er þessu ári
að nálgast alla árssöluna í fyrra.
„Þetta lítur mjög vel út núna og
maður vonar bara að það verði
framhald á því. Ég hef aldrei verið
búinn að selja svona mikið á þess-
um tíma árs,“ segir Guðjón um söl-
una.
Árið 1985 hóf hann störf í þör-
ungaverksmiðju og vann þar í 19
ár. ,,Þáverandi framkvæmdastjóri
kenndi mér hvernig margfalda
mætti verðmæti þangsins og þar
fékk ég fyrst hugmyndina. Ég
lærði af mistökum annarra með
þangið og þá aðallega að mala það
ekki áður en það er síað. Það er
engin ástæða til að þurrka þangið
áður, ég nota það hrátt og þannig
er það best í meðhöndlun. Nú er
ekkert mál að sía þangið,“ segir
Guðjón þegar hann er spurður um
hugmyndina að áburðinum og verk-
lagið við áburðinn.
Það eru hæg heimatökin í Reyk-
hólum, en stutt er að sækja þangið
í næstu fjöru. Guðjón segist keyra
niður í fjöru þar sem þægilegast er
að komast á bíl og sækir þar þang.
,,Þetta er bara heilsubót fyrir mig.“
Hugsjónaglópur mikill
Guðjón hefur alla tíð búið í
Reykhólshreppi en hann verður 68
ára í júlí. Hann er bóndasonur
og fór síðan að búa. Hann segir
að á þeim tíma hafi bændur
fengið mikla reynslu þar sem
þeir þurftu að gera allt sjálf-
ir. Eftir að hafa unnið í þör-
ungaverksmiðjunni vann
Guðjón sjálfstætt við þau
verk sem hann fékk, allt frá
byggingarvinnu til sauð-
burðar. ,,Ég er nú bara af
gamla skólanum, en ég er
hugsjónaglópur mikill og á
ekkert að standa í við-
skiptum,“ segir Guðjón en
Dagur eldri borgara var í gær, uppstigningardag. Hátíðarguðsþjónusta
var í Grafarvogskirkju þar sem herra Karl Sigurbjörnsson, biskup Íslands,
prédikaði. Guðsþjónustan var mjög vel sótt en kór kirkjunnar söng ásamt
Karlakór Grafarvogs. Að messu lokinni var boðið upp á kaffi og veitingar í
safnaðarheimilinu. Einnig var opnuð handavinnusýning á listmunum sem
eldri borgarar hafa föndrað í vetur.
Handavinnusýning
Morgunblaðið/Ómar
Edda Heiðrún Backman mun taka
þátt í viðamikilli, alþjóðlegri sýningu
í Winchester á Englandi í byrjun
ágúst þar sem sýnd verða verk eftir
hreyfihamlaða listamenn sem mála
verk sín með því að halda pensli í
munni eða milli táa. Edda hlaut í
fyrradag 250.000 kr. ferðastyrk úr
Listasjóði Ólafar en leiðbeinandi
hennar, Derek K. Mundell, 500.000
krónur „til að kanna nýjar leiðir í
tækni og aðferðum hreyfihamlaðra
við listmálun, kynna þær upprenn-
andi listamönnum og til að vinna með
öðrum hætti að framgangi þessa
þarfa málefnis“, eins og það er orðað
í tilkynningu.
Listasjóður Ólafar var stofnaður
til minningar um Ólöfu Pétursdóttur
dómstjóra sem lést árið 2008. Ólöf
lamaðist frá hálsi árið 2006 en list-
málun var eitt helsta áhugamál
hennar og hóf hún að mála með
munninum nokkru eftir slysið og
hélt því áfram til dánardags. Til-
gangur sjóðsins er að styðja við
hvers konar listsköpun hreyfihaml-
aðra einstaklinga. Edda mun sýna
þrjú verk í Winchester en hún er eini
hreyfihamlaði Íslendingurinn sem
málar með því að halda pensli í
munninum. Hún hefur málað olíu-
málverk, vatnslitaverk og á gler og
keramik, bæði afstrakt og hlutbund-
ið. Derek segir að Edda hafi ekki
málað áður en hún greindist með
MND-sjúkdóminn sem leggst á
taugar líkamans og veldur lömun.
„Ég hef séð það bæði hjá Ólöfu og
Eddu hvað þetta hjálpar óendanlega
mikið, að geta stundað myndlist,“
segir Derek. helgisnaer@mbl.is
Sýnir í Winchester
 Edda Heiðrún Backman sýnir verk sín á stórri sýningu í
Winchester sem helguð er verkum hreyfihamlaðra
Styrkur Frá afhendingu styrksins úr Listasjóði Ólafar í fyrradag. Frá
vinstri: Derek K. Mundell, Marta María Friðriksdóttir, Guðrún Pétursdóttir,
Edda Heiðrún Backman, Ingibjörg Guðný Friðriksdóttir og Friðrik Páls-
son. Marta María, Guðrún og Ingibjörg eru í stjórn sjóðsins.
Guðjón segir þangið og steinefnin í áburðinum henta ekki síður fólki
heldur en gróðri. ,,Ég myndi helst vilja koma þessu ofan í fólk,
þetta er mjög hollt og það eru góð efni í þessu. En einnig er þetta
gríðarlega gott fyrir húðina, bæði í baðið og sem sjampó,“ segir
Guðjón. Honum finnst þetta mun meira spennandi en að nota
áburðinn eingöngu á grasið og strangt til tekið má bæði drekka
Glæði og nota hann í bað. ,,En ég er alveg viss um að fólki mun
ekki líka við lyktina.“
Passa þarf að áburðurinn sé ekki óblandaður því þá er hann
basískur. Guðjón sagði við einn kunningja sinn á dögunum að hann
hefði gott af því að fá smáslettu af Glæði ofan í bjórinn sinn, það
gerði bjórinn heilsusamlegri. Það má því segja að Glæðir sé til
margs nýtur.
Glæði má drekka og nota í bað
GLÆÐIR HENTAR EKKI SÍÐUR FÓLKI EN GRÓÐRI
salan á Glæði er að hans sögn bara
áhugamál sem hann hefur gaman
af. Vegna sölunnar hefur hann
ferðast vítt og breitt um landið.
„Mér hefur fundist gaman að
ferðast og selja áburðinn, þar sem
salan borgar bensínið og má því
segja að áburðurinn borgi fyrir mig
ferðirnar um landið,“ segir Guðjón
glaður í bragði og bætir síðan við;
„Þetta er heldur ekkert mikil
vinna, mesta vinnan fer kannski í
að hella í brúsana, en það geri ég
bara í eldhúsinu heima. Nú er ég
komin á ellilaun og hef nógan tíma
til að dunda mér við þetta.“
Glæðir Guðjón D. Gunnarsson á Reykhólum dundar sér við að gera áburð úr
þangi. Hann byrjaði á því fyrir 14 árum.
Býr til áburð úr þangi
í bílskúrskjallaranum
 Af gamla skólanum og fer í fjöruna til að sækja þang