Morgunblaðið - 18.05.2012, Blaðsíða 18

18 FRÉTTIRViðskipti | Atvinnulíf
MORGUNBLAÐIÐ FÖSTUDAGUR 18. MAÍ 2012
F A G M E N N S K A A L L A L E I Ð
Skeifan 3 E-F • 108 Reykjavík • Sími 581 2333 • rafver.is
LÉTTIR ÞÉR VINNUNA
Hver hlutur á
sínum stað
Innréttingar, hillu- og
skúffukerfi fyrir allar gerðir bíla
Öryggisprófað
Tryggðu þig fyrir tjóni
•
•
Ásgeir Ingvarsson
ai@mbl.is
„Við höfum notið mikillar heppni í
rekstrinum, en líka gætt þess vand-
lega að vera ekki með öll eggin í
sömu körfunni,“ segir Grettir Sig-
urðarson, annar eigenda Fossberg.
Fyrirtækið fagnar 85 ára afmæli
um þessar mundir og verður hátíð-
leg stemning í versluninni næstu
dagana. Grettir keypti reksturinn
árið 2006 í félagi við Benedikt Emil
Jóhannsson, framkvæmdastjóra fyr-
irtækisins. Hefur starfsemin gengið
svo vel að það tókst að greiða upp
skuldir vegna kaupanna á fjórum ár-
um.
„Fyrirtækið var stofnað af Gunn-
laugi. J. Jónssyni Fossberg véla-
stjóra, sem opnaði verslun í Hafn-
arstræti 18, 19. maí 1927. Alla tíð
hefur starfsemin snúist um að þjón-
usta fagmanninn og rík áhersla á
þarfir sjávarútvegsins og málm-
smiða,“ segir Grettir. „Fyrirtækið óx
og dafnaði, og fluttist milli staða, en
var alla tíð í eigu sömu fjölskyldunn-
ar allt þar til við Benedikt keyptum
reksturinn, en ég hafði komið til
starfa hjá Fossberg í janúar árið
2003 og hann árið 2002 í nóvember,
og Benedikt tók við framkvæmda-
stjórastöðunni 2005.“
Grettir man vel daginn þegar eig-
endaskiptin voru gerð. „Það var 24.
febrúar 2006 og ég man að Benedikt
þurfti að tala mig ofan af því að fara
með félögum mínum upp á Hvanna-
dalshnjúk þennan dag. „Þú ert að
fara að taka stóra ákvörðun í lífi
þínu, Grettir, og verður að vera við-
staddur þó að það sé gaman að
flakka á fjöll,“ útskýrir Grettir og
hlær.
Allt lagt í sölurnar
Grettir segir kaupin hafa verið
góð. „Við höfðum lært vel á allan
reksturinn og vissum að hverju við
gengum. Að veði settum við húsin
okkar, allt sem við áttum til, og
gengum svo á milli bankanna til að
fjármagna það sem upp á vantaði.
Varð úr að við fengum lán hjá Spari-
sjóði vélstjóra sem seinna varð Byr
og enn seinna Íslandsbanki. Sá sem
afgreiddi lánið er nú orðinn stjóri í
stóru útibúi og sagði mér ekki alls
fyrir löngu að þetta hefði sennilega
verið ein best heppnaða fjármögnun
bankans.“
Eins og fyrr segir tók það ekki
nema fjögur ár að gera upp skuld-
irnar vegna kaupanna, og það í miðju
bankahruni. Grettir segir Fossberg
bæði hafa notið góðs af uppgangs-
tímanum á hátindi góðærisins og svo
af vel stæðum sjávarútvegi eftir fall
krónunnar í kjölfar bankahruns.
„Þegar verst lét í dýpstu lægðum
kreppunnar misstum við kannski 8-
10% af sölu, en ekki 30, 40 og jafnvel
50 eða 60% eins og aðrir horfðu upp
á. Fyrir okkur var bankahrunið því
meira eins og klapp á kinnina en
kjaftshögg,“ segir Grettir. „Málm-
iðnaðurinn hefur verið mjög virkur í
kreppunni og sjávarútvegurinn stað-
ið vel að vígi í krafti hás afurðaverðs.
Þó að óvissa um fyrirkomulag fisk-
veiða hafi hægt á stórum fjárfesting-
um í sjávarútvegi á hefur á móti
komið að viðhaldi hefur verið sinnt
vel og eftirspurnin eftir vörum og
þjónustu Fossberg verið með besta
móti.“
Kreppan bara
klapp á kinnina
 Fossberg hristi af sér samdrátt í efnahagslífinu og
reksturinn nú í miklum blóma  Fyrirtækið fagnar 85
ára afmæli  Nýir eigendur keyptu rótgróinn reksturinn
árið 2006 og greiddu upp skuldir á fjórum árum
Ungi auðmaðurinn Eduardo Saverin
komst í fréttirnar fyrr í mánuðinum
fyrir að hafa afsalað bandarískum
ríkisborgararétti sínum. Saverin var
einn af meðstofnendum Facebook og
var stormasamt viðskiptasamband
hans og Marks Zuckerberg m.a. eitt
aðalumfjöllunarefni verðlaunamynd-
arinnar The Social Network.
Saverin auðgaðist mikið af sam-
skiptavefnum vinsæla, en hann hefur
haldið til í Singapúr síðustu misserin.
Með því að afsala bandarískum rík-
isborgararétti er búist við að Saverin
geti sparað sér allt að 100 milljónir
dala í skattgreiðslur.
Facebook fer bráðlega á markað
og má reikna með að um 4% hlutur
Saverins muni rjúka upp í verði og
verði allt að 3 til 4 milljarða dala virði,
að því er Huffington Post reiknast til.
Bandarísk skattalöggjöf er þannig
gerð að Bandaríkjamenn eiga erfitt
með að komast undan löngum armi
skattayfirvalda, og missa t.d. ekki
skattskyldu þó þeir flytji frá heima-
landinu. Singapúr er hins vegar lág-
skattasvæði og leggur m.a. ekki skatt
á fjármagnstekjur.
Nú hafa þingmennirnir Robert
Casey og Charles Schumer, sem báð-
ir tilheyra Demókrataflokkinum,
lagt fram frumvarp sem sett er til
höfuðs landflótta auðmönnum eins
og Saverin. Frumvarpið kalla þeir
Ex-Patriot Act, sem lauslega mætti
þýða sem Föðurlandssvikarafrum-
varpið.
Er þingmönnunum mikið niðri fyr-
ir, ef marka má ummæli þeirra við
fjölmiðla, og þykir Saverin hafa „snú-
ið baki við landinu.“
Frumvarpið leggur til að þeir sem
ætla má að hafi skipt um ríkisfang til
að spara sér skattgreiðslur þurfi að
greiða 30% fjarmagnstekjuskatt af
bandarískum fjárfestingum eftirleið-
is, og verði neitað um landvistarleyfi
hyggist þeir heimsækja Bandaríkin.
Nú þegar þurfa bandarískir auð-
menn sem afsala sér ríkisborgara-
rétti að borga n.k. útgönguskatt.
Sjálfur sagði Saverin í viðtali við
New York Times að ríkisfangsbreyt-
ingin hefði ekkert haft með skatta-
mál að gera.
Menn þurfa ekki að vera stórkost-
lega ríkir til að falla undir frumvarp
þeirra Schumers og Caseys. Gert er
ráð fyrir að lögin muni ná yfir alla þá
sem á undangengnum fimm árum
hafa verið með árlega skattbyrði yfir
148.000 dölum, tæpum 19 milljónum
króna, eða eiga eignir fyrir meira en
tvær milljónir dala, um 250 milljónir
króna. ai@mbl.is
AFP
Hagnaður Auðþekkjanlegt skilti varðar leiðina að höfuðstöðvum Facebook.
Þingmenn hjóla í
Facebook-stofnanda
 Vilja leggja á
refsiskatt og meina
um landvistarleyfi
- nýr auglýsingamiðill
569-1100
finnur@mbl.is