SunnudagsMogginn - 03.06.2012, Blaðsíða 23
3. júní 2012 23
Sú lausn unga samfylkingarmannsins fólst í því
að Ísland gengi umsvifalaust í Evrópusambandið.
Þessi snilldarlausn og lystuga beita gagnvart ungu
fólki á Íslandi kom vissulega á óvart. Vitað var að
Samfylkingin telur að aðild að ESB tryggi gott
veður, sé góð gegn æðahnútum og hælsæri, auki
kyngetu eldriborgara, tryggi að menn eigi að
borga Icesave, komi í veg fyrir útrýmingu geir-
fuglsins og dragi úr mýi við Mývatn. En að sam-
bandið sé einnig sérlega atvinnuskapandi fyrir
æskufólk kom vissulega þægilega á óvart. Mjög
erfitt er fyrir úrtölumenn, andvíga upplýstri um-
ræðu, að draga neitt af hinu fyrr talda í efa. Það
eru allt alkunnar samfylkingarlegar staðreyndir.
En þessar nýju fréttir um að aðild að ESB svín-
virki gegn atvinnuleysi ungs fólks koma eins og
elding inn í umræðuna, þar til efasemdarmenn sjá
ljósið – af eldingunni. En fréttirnar eru óneit-
anlega mikið fagnaðarefni, ekki síst fyrir evru-
löndin Grikkland, Spán og Írland, en þau tvö
fyrrnefndu hafa þegar náð að koma atvinnuleysi
ungs fólks upp í 54,5 % og Írland er einnig að
sækja í sig veðrið í þessum efnum. Þá hefur sá
árangur náðst víðar en í þessum þremur löndum
ESB, að þrjár kynslóðir sömu fjölskyldna hafi all-
ar verið án atvinnu alla sína tíð. Ísland hefur verið
fjarri því að ná þessum árangri, enda staðið utan
ESB yfirgengilega lengi og hefur því ekki fengið
sama tækifæri og hin lönd álfunnar. En við þessi
góðu tíðindi hlýtur sú spurning að vakna hvort
hugsanlegt sé að aðild að ESB virki jafnvel með
enn kröftugri hætti til að skapa störf en hinar
mögnuðu innantómu yfirlýsingar þeirra Jóhönnu
og Steingríms, sem hafa þegar skapað 50 þúsund
störf á Íslandi, a.m.k. í þeirri möppu sem ræð-
urnar eru geymdar í. Allt bendir til að svarið við
þeirri spurningu sé jákvætt og um það geti vart
nokkur maður efast, nema þá fáeinir veiklaðir
vöntunarmenn, sem vilja ekki kíkja í pakkann, til
að sannreyna hvort ekki glitti í upplýsta umræðu
í botni hans.
Hvernig í ósköpunum stendur á því að Sam-
fylkingin, sem ein trúir á ESB-töfrabrögðin af
sömu einlægni og sumir aðrir á geimverur, er
samt komin niður í 13 prósenta fylgi? Væri ekki
miklu sanngjarnara að fylgi hennar væri því sem
næst 54,5 prósent, eins og atvinnuleysi ungs fólks
í löndunum sem hafa notið evrunnar í 11 ár?
Morgunblaðið/Ómar
persónulega?
Það er við hæfi á sjómannadaginnað birta viðtal við Óla Ólason út-gerðarmann frá Grímsey, sem varárum saman á meðal aflahæstu
smábátasjómanna landsins.
Þó að hann sé fluttur í land er hugurinn við
fiskimiðin. Þegar fundum okkar bar saman á
heilsustofnuninni í Hveragerði í ársbyrjun,
þar sem ég heimsótti foreldra mína, var hann
að fylgjast með loðnuvertíðinni og eftirvænt-
ingin leyndi sér ekki.
„Þetta er stærri og betri loðna en þeir fá
fyrir austan og komin nær hrygningu,“ sagði
hann. „Nú streyma skip þangað. Og Gríms-
eyjarbátar mokveiða þorsk og ufsa líka – fiska
á færi sem er óvenjulegt á þessum tíma.“
Hugurinn í Grímsey. Og Óli er síungur, að
minnsta kosti er tæknin ekkert að þvælast
fyrir honum. Allt sem máli skiptir í tilverunni
streymdi um tölvuskjáinn í Hveragerði. „Ég
get séð hvar bátarnir eru,“ sagði hann. „Ég á
son í Norður-Noregi og fylgist með þegar
hann er á sjó.“
Sjálfur var Óli einu sinni í Noregi á síld-
veiðum. Hann hefur komið víða við, enda
verið sjötíu ár til sjós, byrjaði níu ára gamall,
eins og fram kemur í viðtalinu sem ég átti við
hann fyrir Sunnudagsmoggann. Auðvitað á
sjávarútvegurinn hér á landi að byggjast á frumkvæði slíkra manna, þekkingu og reynslu. Stjórn-
völd eiga ekki að tala í sífellu niður þeirra starf.
Auðvitað.
Mér þótti gaman að heyra Óla rifja upp er hann fann þúfutittlinga við Kolbeinsey. „Þeir voru að
villast greyin í þoku,“ sagði hann. „Við vorum tveir, sonur minn á öðrum bát, og náðum í fjóra eða
fimm. Þeir voru uppgefnir og hafa rekist af tilviljun á bátinn. Við vorum með lítinn pappakassa og
settum þá í hann, fórum heim og slepptum þeim þar. Þessi litlu kríli, að villast alla þessa leið. Þeir
hafa bara villst í þokunni.“
Pétur Blöndal pebl@mbl.is
Rabb
Óli á bátnum Óla Bjarnasyni við Grímsey.
Morgunblaðið /Helga Mattína
Hugurinn í Grímsey
„Ég lét þær aðeins heyra það í hálfleik.“
Ágúst Jóhannsson, þjálfari kvennalandsliðsins í hand-
bolta, eftir frábæran sigur á Spáni, bronsliðinu frá
síðasta heimsmeistaramóti.
„Jörðin bara hvarf undan okkur“
Irmgard Fraune frá Hollandi. Fraune og maður hennar,
Jeroen De Graf, slösuðust töluvert er þau féllu 40 metra
í skriðu við Dyrhólaey.
„Ég hef verið sakaður um margt á
langri leið en aldrei fyrir að gera
lítið úr konum.“
Ólafur Ragnar Grímsson. Rósa Guðrún
Erlingsdóttir sakaði hann um að beina
spjótum sínum að frambjóðandanum
Þóru Arnórsdóttur, vegna þess að
hún væri kona.
„[Forsetinn] á að
standa vörð um hið
lýðræðislega ferli en
ekki taka virkan þátt í
baráttunni. Þannig
forseti er ekki puntu-
dúkka.“
Þóra Arnórsdóttir forseta-
frambjóðandi.
„Valkostirnir eru tveir. Sú sem hér
stendur og að veita núverandi forseta
áframhaldandi umboð til þess að sitja í 20
ár. 20 ár.“
Þóra Arnórsdóttir.
„Þessi tegund af lýðræði sem við búum
við, þetta fulltrúalýðræði, hefur mistek-
ist, einfaldlega vegna þess að fólk er hætt
að skipta sér af okkur.“
Birgitta Jónsdóttir alþingismaður.
„Svona er ekki hægt að byrja leiki gegn
sterkum mótherjum.“
Lars Lagerbäck landsliðsþjálfari í knattspyrnu. Ís-
land var komið 2:0 undir gegn Svíum eftir 14
mín.
„[Hellirinn Leiðarandi] var
rosalega flottur þegar hann
fannst en síðustu fimmtán
árin er búið að hreinsa nær
allt innan úr honum.“
Guðni Gunnarsson, formaður
Hellarannsóknafélagsins, ræðir
slæma umgengni í hellum
landsins.
Ummæli vikunnar
Útgáfufélag: Árvakur hf., Reykjavík.
Stofnað 1913
Útgefandi: Óskar Magnússon
Ritstjórar: Davíð Oddsson Haraldur Johannessen
Aðstoðarritstjóri: Karl Blöndal