SunnudagsMogginn - 03.06.2012, Blaðsíða 38

38 3. júní 2012
Ekki tekst alltaf að koma háleitum hugmyndum í fram-kvæmd, þó markmiðin séu góð og líti vel út á blaði. Mikillspámaður steig fram á sviðið í nálægð aldamóta og kynntiþjóðinni hugmyndir um stofnun fyrirtækis á sviði erfða-
rannsókna og myndi starf þess – ef vel tækist til – marka kaflaskil í
læknavísindunum. Raunar væru allar forsendur til þess; Íslendingar
væru flestir tengdir sterkum blóðböndum sem gæfi tækifæri til
margþætts vísindastarfs og þróunar, til dæmis á sviði lyfjafram-
leiðslu.
Kári Stefánsson er maður sem markaði skil. Alþingi samþykkti lög
um sérstakan gagnagrunn á heilbrigðissviði, enda þótt málið væri í
meira lagi umdeilt til dæmis á meðal lækna, sem voru ósáttir við að
nýta skyldi upplýsingar úr sjúkraskýrslum til að fóðra hinn mikla
upplýsingabanka. Reyndar varð þessi mikila gagnalind aldrei að
veruleika, en til varð þó upplýsingabanki með ættfræðiupplýsingum
þar sem hver sem er getur séð hvernig skyldleika sínum við næstaÍslendingabók er merkilegt gagn, sem Tómas Ingi Olrich og Kári Stefánsson opnuðu. Þjóðin elskar ættfræði.
Morgunblaðið/Kristinn
Myndasafnið Janúar 2003
Íslendinga-
bókin opnuð
Danir hafa verið áberandi í sjónvarps- og kvikmyndaheiminum und-anfarin ár og enn ein sögulega stundin rann upp í Cannes á frönsku Rí-víerunni um síðustu helgi. Mads Mikkelsen hlaut þá Gullpálmann sembesti leikari í aðahlutverki, fyrir frammistöðuna í myndinni
Jagten í leikstjórn landa síns, Thomas Vinterberg.
Mikkelsen, sem er 46 ára og margir muna örugglega eftir í hlut-
verki hins geðþekka, eða hitt þó heldur, Le Chiffre úr James Bond
myndinni Casino Royal, varð þar með fyrsti Daninn sem hlotnast
þessi mikli heiður á Cannes-hátíðinni, sem þykir sú merkilegasta í
veröldinni. Hann birtist líka reglulega á sjónvarpsskjáum Íslend-
inga í fyrra þegar RÚV endursýndi sakamálaþættina Rejseholdet
(Liðsaukinn) þar sem hann var í hlutverki lögreglumannsins
Allans Fischers.
Ýmsir kvikmyndaspekingar höfðu spáð því að Mikkelsen
hlyti Gullpálmann en sjálfur vissi hann ekkert þegar hann
gekk eftir rauða dreglinum inn á hátíðina ásamt fjölskyldu
sinni. „Við höfðum á tilfinningunni að ég gæti fengið verð-
launin, en við vissum ekkert fyrir víst fyrr en á sunnudags-
kvöldið,“ sagði Mikkelsen við danska blaðamenn í kjölfar
hátíðarinnar.
Vinterberg leikstjóri var heima í Danmörku þar sem
kona hans átti von á barni og þeim félögum kom því
saman að Mikkelsen kæmi fram fyrir þeirra hönd í Can-
nes, hlyti myndin einhver verðlaun. Og þrátt fyrir að
leikarinn væri auðvitað þakklátur fyrir verðlaun sín
lagði hann ríka áherslu á þátt leikstjórans. Sagði hann
eiga 82% hlut í þeim, og glotti... Hann benti á, án
þess að vilja vera of pólitískur, að verðlaunin hefðu
dreifst mjög á myndirnar og „þannig vildi til“ að
hann væri fulltrúi Jagten á þeim vettvangi. Hlé-
drægur náungi.
Mikkelsen upplýsti landa sína í blaðamannastétt
um eigin Cannes-hjátrú; að klæðast einverju því sama
og síðast þegar hann mætti á rauða dregilinn. „Ég var í
þessum skóm þegar við komum síðast með Coco Chanel
& Igor Stravinsky [þar sem hann lék Stravinsky]; var reyndar
að hugsa um að taka handboltamenn mér til fyrirmyndar og
mæta í sömu, óhreinu sokkunum og þá, en lét skóna duga!“
Mikkelsen fæddist á Austurbrú í Kaupmannahöfn, sonur Bente Christian-
sen og Hennings Mikkelsens, sem var leigubílstjóri. Fyrsta myndin sem hann
lék í, eftir leiklistarnám í Árósum, var Pusher en sú mynd náði miklum vin-
sældum bæði heima fyrir og í öðrum löndum og kom leikstjóranum Nicolas
Winding Refn á kortið.
Leikarinn Mads Mikkelsen stóð með
Gullpálmann í höndunum sem sá besti
í aðalhlutverki á kvikmyndahátíðinni
í Cannes um síðustu helgi.
Skapti Hallgrímsson skapti@mbl.is
AFP
’
Var að hugsa
um að koma í
sömu, óhreinu
sokkunum, en lét
skóna duga
Magnaður
Mikkelsen
Frægð og furður
Mads Mikkelsen með
Gullpálmann í Cannes
um síðustu helgi.