SunnudagsMogginn - 03.06.2012, Blaðsíða 40

40 3. júní 2012
Lífsstíll
Framundan er tveggja vikna sum-arfrí sem verður að mestu variðutandyra í einstaklega góðu ís-lensku vor/sumarveðri. En að
hluta til á erlendri strönd. Því hef ég að-
allega eitt markmið fyrir þessar tvær vik-
ur (fyrir utan það að skemmta mér) og
það er að sólbrenna ekki. En fyrir ljós-
hærða, norræna mær eins og mig er þetta
vandaverk og nokkuð sem þarf að huga
að. Hvort heldur sem maður situr úti á
palli í klukkutíma í vesturbænum eða
flatmagar einhvers staðar í útlöndum. Það
er ekki gott að brenna heilsufarslega. Svo
ekki sé talað um óþægindin og svo er nú
ekkert sérlega fallegt að vera hum-
arrauður á litinn. Einhvers staðar slæddist
inn Miðjarðarhafsblóð í móðurfjölskyldu
mína. Móðir mín ber þess merki og verður
sólbrún og sælleg af litlu sem engu. Á
meðan ég ligg og svitna. Reyni að verða
brún en um leið samt alls ekki að brenna.
Þetta þýðir að bera á sig sterka sólarvörn,
snúa sér reglulega við og vera alls ekki úti
á heitasta tímanum. Sem er svo sem sjálf-
sögð skynsemi ef út í það er farið. Hæðina
fékk ég þó úr föðurfjölskyldu minni og er
þakklát fyrir það. Skítt með einhverja
brúnku þegar maður er á hæð við súper-
módel... Eftir nokkrar misheppnaðar til-
raunir skil ég nú að íslensk sól er ekkert
öðruvísi en önnur. Og sólin nú er mjög
sterk svo það er um að gera að passa sig.
Maður má ekki láta blekkjast og sitja í
lengri tíma úti án þess að láta á sig sólar-
vörn. Það bara gengur ekki og fyrir mig
dugir ekkert nema 20 og upp úr. Ann-
ars á ég fyrir höndum gott humar-
sumar þar sem fólk horfir á mig í sundi
með þjáningarsvip í augum.
Svo að næst þegar ég skrifa til ykkar
lesendur góðir verð ég vonandi kaffibrún
og frískleg eftir gott frí. Þangað til bið ég
ykkur vel að lifa og muna að hafa sól-
arvörnina og góða skapið ætíð við hönd-
ina. Gleðilegt sumar, gleðjist gumar og
borðum humar (en verum ekki eins og
hann á litinn).
Þegar veðrið er gott breytist lífið og margir njóta þess að vera úti við og hafa það notalegt með vinum og ættingjum.
Morgunblaðið/Ómar
’
Maður má ekki láta
blekkjast og sitja í
lengri tíma úti án
þess að láta á sig sólarvörnSól, sumar og humar
Lífið og
tilveran
María Ólafsdóttir
maria@mbl.is
Norræna mærin ég, á
hæð við súpermódel,
fékk engin brúnkugen í
vöggugjöf. Ég mæli með
að þið farið varlega í
sólinni lömbin mín.
Þessi árstími er tilvalinn til gönguferða og það
jafnvel langt fram á kvöld enda orðið bjart og veðr-
ið hefur leikið við landsmenn síðustu daga. Ef þú
ert á ferðinni einhvers staðar á landinu þá er um
að gera að skella sér út úr bílnum. Stoppa við
vatn, læk, fjall eða annað kennileiti og teygja úr
sér. Ganga spölkorn niður í fjöruna og gleyma ekki
að þú þarft ekki að fara svo mikið lengra til að
komast út í fallega náttúru. Eftir vinnu er tilvalið
að skella sér í gönguferð eða upp á eins og eitt
fjall. Dagurinn verður jú svo miklu lengri á sumrin
og orkan eykst líka.
Morgunblaðið/Brynjar Gauti
Áð við læk eða vatn og náttúrunnar notið
Ég sá fyrsta þáttinn af grínþætti
bandarísku leikkonunnar Betty
White á dögunum. Hann kallast
Whités Off Their Rockers og
sýnir eldra fólk í alls konar
stuði, flippi og sprelli. Þátturinn
gengur í raun út á það að eldra
fólkið geri ýmislegt fyndið, sumt
hálfbrjálað, til að sjá hvernig
fólk bregst við. Svo virðist sem
fólk kunni síður við að segja
eitthvað við eldra fólk. Til að
mynda við manninn sem tekur
melónu úti í búð og rúllar henni
eins og keilukúlu á borð með
blómum þannig að það dettur.
Konan sem samþykkir í sakleysi
sínu að mynda eldri mann í
verslunarmiðstöð veit heldur
ekki hvaðan á sig stendur veðrið
og verður bæði undrandi og fer
að hlæja þegar maðurinn hleyp-
ur fram hjá henni allsnakinn.
Hér er á ferðinni falin mynda-
vél af bestu gerð og gaman að
sjá hvernig við mannfólkið
bregðumst við slíkri hegðun. Inn
á milli eru stutt innslög með
Betty þar sem hún grínast og
kynnir við og við næstu atriði.
Fyndinn þáttur sem hefur að
leiðarljósi að: „Jafnvel þó að
unga fólkið beri virðingu fyrir
okkur þurfum við ekki að bera
virðingu fyrir því á móti.“
Sprell og flipp