Morgunblaðið - 19.10.2012, Side 17

FRÉTTIR 17Innlent
MORGUNBLAÐIÐ FÖSTUDAGUR 19. OKTÓBER 2012
Bjarni Benediktsson, formaður Sjálfstæðisflokksins, og
Jóhanna Sigurðardóttir forsætisráðherra tókust á um
fyrirhugaða lögfestingu orkuskattsins á Alþingi í gær.
Bjarni sagði atvinnulífið hætt að treysta orðum stjórn-
valda í óundirbúnum fyrirspurnatíma og nefndi orku-
skattinn sem dæmi.
„Þegar skrifað var undir það í desember 2009, milli
Samtaka atvinnulífsins og Samtaka álframleiðenda ann-
ars vegar og fjármálaráðuneytisins og
iðnaðarráðuneytisins hins vegar, að
stóriðjufyrirtækin í landinu myndu
greiða tiltekna fyrirframgreiðslu á
tekjuskatti annars vegar og hins vegar
tiltekinn skatt á hverja kílówattstund,
sérstakan orkuskatt, þá var gengið út
frá því að með þessu væri náð ramma-
samkomulagi sem ætti að gilda til
2018,“ sagði Bjarni.
Hann sagði að þar sem fyrirtækin
treystu ekki stjórnvöldum, þrátt fyrir
samkomulagið, hefðu stjórnendur Ísal
farið fram á fund með fjármála-
ráðherra og beðið um skriflega stað-
festingu á því að ekki stæði til að
leggja frekari skatta á stóriðjufyr-
irtækin, áður en fyrirtækið ákvað að
leggja í 60 milljarða króna fjárfest-
ingu árið 2010.
Steingrímur J. Sigfússon, þáverandi
fjármálaráðherra, hefði svarað með
bréfi þar sem tekið hefði verið fram að
engin áform væru uppi um frekari
skattlagningu á fyrirtækin en það
væri engu að síður það sem menn stæðu frammi fyrir
núna.
Forsætisráðherra svaraði þingmanninum þannig að
það hefði legið fyrir að stjórnvöld teldu sig ekki bundin af
yfirlýsingunni frá 2009, um hvernig tekjuöflun yrði hátt-
að, að loknum gildistíma hennar. „Það var fyrst og fremst
verið að tala um þetta tímabil sem þarna var undir og þar
hefur skatturinn haldist eins og um var samið. Nú er því
tímabili lokið, þannig að það er ekki verið að brjóta neitt
samkomulag sem var gert,“ sagði Jóhanna. Þá sagðist
hún telja að starfsskilyrði atvinnulífsins væru ekki lakari
hér en annars staðar í Evrópu og að það skipti höfuðmáli.
Bjarni sagði hins vegar að um tímabundinn skatt hefði
verið að ræða og Ísal hefði ráðist í fjárfestinguna á
grundvelli m.a. orða fjármálaráðherra um að ekki stæði
til að framlengja skattinn. Það sem væri alvarlegt í mál-
inu væri að ekki væri staðið við nokkurn hlut og at-
vinnulífið væri almennt hætt að treysta stjórnvöldum.
„Og það er þess vegna sem Ísland er að verða sí-
fellt verra land þegar kemur að pólitískri
áhættu,“ sagði Bjarni. holmfridur@mbl.is
Segir stjórnvöld ekki
standa við nokkurn hlut
 Staðið við yfirlýsinguna á gildistíma, segir Jóhanna
Í bréfi fjármálaráðherra til stjórnarformanns Ísal,
frá því í ágúst 2010, segir hann engin áform uppi
um annað en að virða ákvæði samkomulagsins
frá 2009. Þá séu ekki uppi önnur áform um sér-
tækar skattabreytingar sem tengjast myndu
stóriðjufyrirtækjunum einum, þannig að
raskað gæti forsendum fjárfestinga
þeirra.
Við skoðun á skattkerfinu hafi
verið lagt til grundvallar að
skattalegt umhverfi atvinnulífs
á Íslandi verði traust og vel
samkeppnishæft við ná-
grannalöndin.
Engir frekari skattar
BRÉF FJÁRMÁLARÁÐHERRA
Steingrímur J.
Sigfússon
Bjarni
Benediktsson
Jóhanna
Sigurðardóttir
Egill Ólafsson
egol@mbl.is
Jóhanna Sigurðardóttir forsætisráð-
herra segir að þó að kjósendur hafni
því að leggja tillögur stjórnalagaráðs
til grundvallar endurskoðun stjórn-
arskrárinnar útiloki það ekki að
gerðar verði afmarkaðar breytingar
á stjórnarskránni fyrir næstu þing-
kosningar. Krossi fólk við já sé einn-
ig hugsanlegt að efnislegar breyting-
ar verði gerðar á tillögunum.
Þetta kom fram í sérstakri um-
ræðu um stjórnarskrármálið sem fór
fram á Alþingi í gær. Málshefjandi
var Bjarni Benediktsson, formaður
Sjálfstæðisflokksins, og Jóhanna var
til andsvara. Þjóðaratkvæðagreiðsl-
an fer fram um næstu helgi.
Heildarendurskoðun óþörf
Bjarni sagði að í gegnum árin
hefðu breytingar á stjórnskipunar-
lögum verið gerðar í sátt. Þegar ekki
hefði náðst sátt hefðu verið stigin
smærri skref af yfirvegun. Nú væri
lagt upp með tillögur stjórnlagaráðs
á þann hátt að annað hvort tækju
þær gildi eða að það yrðu engar
breytingar gerðar. Bjarni sagði að
það væri óþarfi að taka stjórnskrána
til heildarendurskoðunar enda hefði
hún reynst vel.
Bjarni sagði að aðalatriði málsins
væri að tillögur stjórnlagaráðs væru
ekki tækur grunnur að nýrri stjórn-
arskrá Íslendinga. Hann sagði að
það væri handarbakavinnubrögð og
fúsk af hálfu þingsins að leggja málið
fyrir þjóðina á þessu stigi. Þessi
vinnubrögð væru á ábyrgð stjórnar-
flokkanna. Bjarni benti á að Salvör
Nordal, formaður stjórnlagaráðs,
hefði gagnrýnt málsmeðferðina.
Hún hefði sagt að þingið hefði átt að
fjalla um það efnislega áður en málið
væri lagt fyrir þjóðina.
Bjarni hvatti kjósendur til að
mæta á kjörstað og hafna tillögunni.
Einstakt tækifæri
Jóhanna sagði þjóðaratkvæða-
greiðsluna vera mikilvægt tækifæri
fyrir þjóðina og ekki væri víst að
annað eins tækifæri gæfist í náinni
framtíð.
Hún sagði að stjórnarskráin hefði
árið 1944 verið sett til bráðabirgða.
Það nægði að lesa ummæli Sveins
Björnssonar, fyrrverandi forseta Ís-
lands, til að sannfærast um það.
Jóhanna sagði að tillögur stjórn-
lagaráðs vektu vonir um að til yrði
nýtt lýðveldi á Íslandi.
Hún sagði að menn yrðu að una
við þá ákvörðun sem kæmi út úr
þjóðaratkvæðagreiðslunni. Neikvæð
niðurstaða myndi ekki breyta því að
þörf væri á heildarendurskoðun
stjórnarskrárinnar.
Jóhanna skoraði á kjósendur að
mæta á kjörstað og segja já við til-
lögunum.
Útilokar ekki breyting-
ar þótt tillögurnar falli
 Sérstök umræða um stjórnarskrármálið á Alþingi í gær
 Forsætisráðherra og formaður Sjálfstæðisflokks tókust á
Morgunblaðið/Golli
Alþingi Tillögur stjórnlagaráðs að
stjórnarskrá voru til umræðu.
Verði tillögur Stjórnlagaráðs um
breytta kjördæmaskipan og kosn-
ingafyrirkomulag samþykktar
verða aðeins 11 þingmenn á Al-
þingi af landsbyggðinni. Þetta kom
fram í umræðum á Alþingi í gær
hjá Einari K. Guðfinnssyni, þing-
manni Sjálfstæðisflokksins.
Einar segir í pistli á vef sínum að
þetta ójafnræði hafi ekki sést fyrr
á lýðveldistímanum. Ef jafna ætti
vægi atkvæða þyrfti að færa sex
þingmenn sem nú eru kjörnir úr
landsbyggðarkjördæmum á höfuð-
borgarsvæðið. „Tillögur Stjórnlag-
aráðs fela það
ekki í sér. Þær til-
lögur gera ráð
fyrir að þing-
menn verði 63,
en að einvörð-
ungu 11 þeirra
kæmu úr lands-
byggðarkjör-
dæmunum.“
Hann segir
brýnt að fólk geri sér grein fyrir
þessu. Spurningin um jöfnun at-
kvæða í þjóðaratkvæðagreiðslunni
sé villandi.
Aðeins 11 af landsbyggðinni?
EINAR K. GUÐFINNSSON UM BREYTTA KJÖRDÆMASKIPAN
Einar K.
Guðfinnsson