Morgunblaðið - 19.01.2013, Side 4

4 FRÉTTIRInnlent
MORGUNBLAÐIÐ LAUGARDAGUR 19. JANÚAR 2013
Landsamtök iðnaðarmanna, bæði
Samiðn og Rafiðnaðarsambandið,
hafa samþykkt samkomulag Alþýðu-
sambandsins og Samtaka atvinnu-
lífsins um endurskoðun kjarasamn-
inga. Endurskoðun samninganna á
almenna vinnumarkaðinum skal
vera lokið fyrir kl. 16 næstkomandi
mánudag.
Gerð var skoðanakönnun meðal
félagsmanna aðildarfélaga Rafiðnað-
arsambandsins í lok desember vegna
endurskoðunar kjarasamninganna,
áður en ASÍ og SA náðu samkomu-
lagi um tillögu að endurskoðun
samninga. Í könnun RSÍ kom í ljós
að tæp 60% þeirra, sem tóku afstöðu
til spurningar um endurskoðun
kjarasamninganna, vildu leggja
áherslu á að sækja leiðréttingar á
kjarasamningunum og þar með
tryggja gildi þeirra. „Rúm 27% vildu
segja samningunum upp þrátt fyrir
að launahækkun myndi tapast. 13%
höfðu ekki skoðun á þessu. Ef við
horfum eingöngu til þeirra sem tóku
afstöðu til spurningarinnar þá vildu
um 69% félagsmanna tryggja gildi
kjarasamninganna en 31% vildu
segja þeim upp,“ segir í umfjöllun
RSÍ.
„Í ljósi þessa þá mun Rafiðnaðar-
sambandið leggja til að kjarasamn-
ingar haldi gildi sínu með breyting-
um sem sátt hefur náðst um á
vettvangi ASÍ […],“ segir í frétt um
niðurstöðu rafiðnaðarmanna
Á fundi samninganefndar Samiðn-
ar í gær var formanni veitt fullt um-
boð til að undirrita samkomulagið
milli SA og ASÍ eins og það var lagt
fram og kynnt á fundinum.
omfr@mbl.is
Iðnaðarmenn vilja fram-
lengja kjarasamninga
Morgunblaðið/Styrmir Kári
Iðnaðarmenn Félagar í Samiðn og
RSÍ vilja að samningar gildi áfram.
 31% félaga í
RSÍ vildi uppsögn
Þórunn Kristjánsdóttir
thorunn@mbl.is
„Við erum komin út á ystu nöf, ef það
kæmi upp t.d. bílslys og bráðamót-
takan þyrfti að taka á móti átta sjúk-
lingum þá veit ég ekki hvernig hægt
væri að leysa það. Það er ekki mikil
teygja eftir í spítalanum okkar hér í
Reykjavík,“ segir Már Kristjánsson,
sviðsstjóri lækninga á slysa- og
bráðamóttöku á LSH.
Óvissustigi var lýst yfir á Landspít-
alanum í gær þar sem álag á spít-
alanum hefur aukist mikið vegna
inflúensu, nóró- og RS-vírusfaraldra.
Spítalinn er yfirfullur, 39 sjúklingar
eru í einangrun og að auki bíða á
bráðamóttöku 15 sjúklingar sem
þurfa á innlögn að halda, þar af fimm
sem þurfa einangrun.
Í gær var þéttur straumur fólks á
bráðamóttökuna með flensu og
flensulík einkenni.
Ákveðið var að opna fleiri sólar-
hringsrúm í gær og næstu daga.
Viðbragðsstjórn spítalans kemur
saman í hádeginu á hverjum degi og
fylgist með stöðu mála.
Rekstarleg vá spítalans
„Ég myndi segja að við séum í
rauninni að tala um rekstrarlega vá
spítalans, miðað við umfang reksturs-
ins og þau verkefni sem okkur ber að
sinna þá erum við komin algjörlega út
fyrir öll velsæmismörk. Þú veist aldr-
ei hvenær slysið verður. Kerfin þurfa
að gera ráð fyrir því svigrúmi að taka
á móti slíkum slysum,“ segir Már.
Ástandið á eftir að versna
„Við vitum ekki annað en að flens-
an sé á leið upp. Hún hefur ekki náð
toppnum, samkvæmt tölum frá Sótt-
varnarlækni, reynslu fyrri ára og
ekki síst reynslu annarra þjóða í
kringum okkur af þessari flensu.
Ástandið á eftir að versna,“ segir
Björn Zoëga, forstjóri Landspítalans.
Hann segir að nágrannalöndin, t.d.
Danmörk og Svíðþjóð, hafi þurft að
grípa til viðlíka aðgerða og hér á
landi.
„Meðan á þessu stendur verðum
við að opna önnur rúm sem eru ann-
ars ekki opin allan sólarhringinn.
Þegar helginni lýkur þá metum við
stöðuna, hvort við tökum yfirhöfuð
einhverja sjúklinga inn til val-að-
gerða eða val-rannsókna. Það er um
helmingur af okkar starfsemi. Það
getur verið að við sleppum því alveg í
einhvern tíma á meðan þetta er að
ganga yfir,“ segir Björn og ítrekar að
staðan verði metin á hverjum degi á
næstunni.
„Erum komin út á ystu nöf“
 Óvissustigi lýst yfir á Landspítala í gær  Spítalinn yfirfullur vegna inflúensu,
nóró- og RS-vírusfaraldra  Erfitt að taka á móti sjúklingum ef stórt slys yrði
Morgunblaðið/Golli
Viðvörun Við flestar deildir Landspítalans hefur verið sett viðvörunarblað fyrir gesti sem ætla að koma í heimsókn.
Kjartan Kjartansson
kjartan@mbl.is
Hvítur refur hefur vanið komur sín-
ar á hlaðið á Efri-Brunnastöðum
nærri Vogum á Vatnsleysuströnd
síðustu daga að sögn Virgils Schev-
ing Einarssonar, bónda á bænum.
Hann hafði hellt úr poka af brauði á
blettinum fyrir fugla fyrr í vikunni
en síðar sama kvöld varð hann var
við rebba.
„Þetta var mjallahvítt dýr og fal-
legt. Hann gúffaði í sig brauði og
var sallarólegur. Hann er farinn að
vera svo kræfur. Það var svo stutt í
hann að ég hefði náð honum ef ég
hefði verið með byssu við höndina,“
segir Virgill.
Refurinn hefur síðan snúið aftur
að bænum síðustu kvöld. „Hann er
orðinn svo spakur. Það er svo ró-
legt hér, ég bý einn hérna og svo
eru bæir í eyði í kring. Það er ekk-
ert verið að skjóta á hann eða gera
honum neitt,“ segir hann.
Haldi vargnum í skefjum
Virgill segir að bæði refi og mink
hafi fjölgað mikið á Reykjanesi
undanfarið og það sé rosalegur
vargur í fuglavarpi þar á sumrin.
„Mér er sagt að ástæðan sé sú að
það séu engir fjármunir settir í
refaveiðar lengur þannig að refn-
um hefur fjölgað gífurlega. Ég held
að menn þurfi að halda þessum dýr-
um í skefjum. Það fer að verða svo
að refurinn labbi um götur hér í
Vogum,“ segir Virgill.
Spakur refur
í kvöldheimsókn
 Bóndi segir ref og mink fjölga mikið
„Við sem þjóð ættum að sam-
einast í því að hafa góða og
örugga heilbrigðisþjónustu því
öll þurfum við á þessari þjón-
ustu að halda á einhverjum
tímapunkti lífs okkar,“ stendur í
bréfi hjúkrunardeildarstjóra á
bráðalyflækningadeildum Land-
spítalans við Hringbraut þar
sem skorað er á velferðar- og
fjármálaráðherra að bregðast
sem fyrst við uppsögnum hjúkr-
unarfræðinga með viðunandi
hætti.
Fimmtungur hjúkrunarfræð-
inga við LSH mun láta af störf-
um 1. mars nk. Ennfremur
stendur: Hjúkrunarfræðingar
útskrifast eftir fjögurra ára há-
skólanám og við tekur afar
krefjandi starf. Eftir því sem
starfsreynsla þeirra eykst verð-
ur sérhæfingin oft meiri, sem er
einn af lykilþáttum hvað varðar
öryggi í meðferð og umönnun.
Skora á
ráðherra
DEILDARSTJÓRAR
Uppsagnir Fimmtungur hjúkr-
unarfræðinga hættir 1. mars.
Morgunblaðið/Golli
Tökur fóru fram í gær á Austurvelli vegna kvikmyndar
um vefsíðuna Wikileaks og stofnanda hennar, Julian
Assange. Settur var á svið blaðamannafundur vegna
mótmæla á Austurvelli en á annað hundrað manns tók
þátt í tökunum. Fyrirtækið Dreamworks framleiðir
myndina og fara tökur næst fram í Belgíu.
Ljósmynd/Mario Skorzeny
Tökur á Austurvelli fyrir Wikileaks-mynd