Morgunblaðið - 19.01.2013, Qupperneq 16

16 FRÉTTIRInnlent
MORGUNBLAÐIÐ LAUGARDAGUR 19. JANÚAR 2013
Fáanlegur í
mörgum litum
Verð leður 439.000,-
Skeifunni 8 | sími 588 0640 | casa.is
Hægindastóll
Ewald Schillig Movie star
Guðni Einarsson
gudni@mbl.is
Fólki hefur fjölgað á Djúpavogi
undanfarin ár, bæði vegna fólks-
flutninga og eins vegna frjósemi
bæjarbúa sem ekkert lát er á. At-
vinnulífið er í blóma og framtíð-
arhorfur bjartar, að sögn Gauta
Jóhannessonar, sveitarstjóra
Djúpavogshrepps. Hinn 1. janúar
2012 bjó 461 í hreppnum. Íbúa-
fjöldinn um síðustu áramót liggur
ekki fyrir.
Gauti sagði að Djúpavogs-
hreppur væri eina sveitarfélagið
fyrir austan þar sem fólki fjölgaði
árin 2010 og 2011. Aldurssamsetn-
ing þar er einnig önnur en í mörg-
um öðrum sveitarfélögum. „Hjá
okkur eru 8,5% íbúanna fimm ára
og yngri á meðan landsmeðaltalið
rétt slefar yfir 7%. Hlutfall fimm
ára og yngri er 6,9% á Austurlandi
í heild,“ sagði Gauti. Nýjustu
fregnir herma að sjö konur í
hreppnum séu barnshafandi.
Uppgangur í atvinnulífinu
Sjávarútvegurinn er hryggj-
arstykkið í atvinnulífinu á Djúpa-
vogi að sögn Gauta. „Vísir hf. í
Grindavík rekur mjög öfluga fisk-
vinnslu hjá okkur. Línubátar Vísis
hafa landað á Djúpavogi auk ann-
arra báta. Landanir hjá okkur
voru 9.436 tonn í fyrra en 5.681
tonn árið 2011. Við teljum okkur
hafa ástæðu til að vera nokkuð
bjartsýn.“
Næsta sumar stendur til að fara
í hafnarframkvæmdir. Byggja á
nýja smábátabryggju og fer verkið
í útboð á næstu dögum. Stefnt er
að því að verkinu verði lokið um
mitt sumar. Umsvif í ferðaþjón-
ustu hafa farið stigvaxandi und-
anfarin ár og bjartar horfur eru
varðandi fiskeldi í Beru-firði, að
sögn Gauta.
Fiskeldi Austfjarða keypti fisk-
eldi HB Granda í firðinum. „Þeir
eru með leyfi fyrir 8.000 tonna eldi
á laxi og regnbogasilungi,“ sagði
Gauti. „Ef áætlanir ganga eftir
mun þurfa eitthvað á þriðja tug
starfsmanna innan fárra ára. Við
eigum von á að þessu fylgi einhver
uppbygging.“
Tvær götur voru malbikaðar í
fyrra og næsta sumar á að skipta
um jarðveg í einni götu til viðbótar
og verður hún malbikuð sumarið
2014. Það sumar verður og skipt
um jarðveg í annarri götu auk
þess að fara í framkvæmdir við
fráveitu. Nú er verið að innrétta
nýja félagsaðstöðu fyrir eldri borg-
ara. Áfram er unnið að viðhaldi
gamalla húsa á Djúpavogi. Verið
er að endurbyggja Faktorshúsið
og gömlu Djúpavogskirkju. End-
urbyggingin er gerð í nánu sam-
ráði við Minjastofnun Íslands og
með styrk frá henni, að sögn
Gauta.
Tvö fyrirtæki á Djúpavogi vinna
nú að nýsmíði. Annars vegar er
það bátasmiðjan Rán ehf. sem lauk
smíði á sjö metra löngum báti í
fyrra. Nýlega hófst smíði á öðrum
níu metra löngum báti hjá Rán.
Hins vegar er fyrirtækið Smástál
ehf. Það hefur hannað og smíðað
fiskvinnsluvélar sem sérstaklega
eru ætlaðar til að skera skötu.
Smástál hefur unnið að þessu m.a.
í samvinnu við Nýsköpunarmiðstöð
Íslands.
Heilsársveg þarf yfir Öxi
„Það er gott mannlíf á Djúpa-
vogi. Sá góði andi og hugur sem
ríkir í sveitarfélaginu er að hluta
til kominn af því að við höfum
aldrei beðið eftir einhverju til að
bjarga okkur. Fólk býr á Djúpa-
vogi af því að það vill búa þar. Það
gerir sér grein fyrir því að það
þarf að hafa í sig og á og eiga
frumkvæði að því að láta hlutina
ganga upp. Ég held að við séum að
uppskera þess vegna,“ sagði Gauti.
Hann sagði að fáir frá Djúpavogi
vinni í álverinu á Reyðarfirði, enda
langt að sækja þangað vinnu.
Gauti sagði að eitt stærsta hags-
munamál íbúa á Djúpavogi væri að
fá góðan veg yfir Öxi sem yrði op-
inn allt árið. Það mundi stytta leið-
ina frá Djúpavogi til Egilsstaða
um rúma 70 km miðað við leiðina
um firðina.
„Sú framkvæmd er ekki einka-
mál Djúpavogsbúa. Hún kæmi öll-
um Austlendingum vel. Þetta er
mesta stytting sem er í boði á
hringveginum,“ sagði Gauti. Hann
sagði styttinguna skipta máli í ljósi
sífellt hærra eldsneytisverðs, ekki
síst vegna flutningskostnaðar og
vöruverðs. Það sýni sig enda á
sumrin þegar vegurinn er opinn að
þá fari flestir um Öxi. Eins sýni
útreikningar samkvæmt reiknilík-
ani Vegagerðarinnar að fram-
kvæmdin muni borga sig upp á
þremur árum.
Frjósemi og framkvæmdafjör
Morgunblaðið/Andrés Skúlason
Djúpivogur Umsvif í ferðaþjónustu hafa farið stigvaxandi enda hefur fjöldi ferðamanna margfaldast.
 Djúpavogshreppur eina sveitar-
félagið á Austurlandi þar sem fólki
fjölgaði árin 2010 og 2011  Sjö konur
í hreppnum eru nú barnshafandi
Gauti Jóhannesson „Það er gott
mannlíf á Djúpavogi.“
Djúpivogur
» Djúpivogur stendur á Bú-
landsnesi, milli Berufjarðar og
Hamarsfjarðar.
» Hinn formfagri Búlands-
tindur er þekktasta kennileitið
í Djúpavogshreppi.
» Safna- og menningarhúsið
Langabúð, byggt árið 1790,
setur einnig mikinn svip á bæj-
armynd Djúpavogs.
Í Löngubúð er meðal annars
safn Ríkarðs Jónssonar mynd-
höggvara.
» Hinn 1. janúar síðastliðinn
voru 461 íbúar í hreppnum.
Samstarfssamningur milli Land-
spítala og Heilsumálaráðs Færeyja
um kaup Færeyinga á heilbrigð-
isþjónustu sem veitt er á Landspít-
ala var endurnýjaður 17. janúar sl.
Jóanis Erik Kötlum, ráðuneyt-
isstjóri færeyska heilbrigðisráðu-
neytisins, og Björn Zoëga forstjóri
undirrituðu samninginn á Landspít-
ala.
Upphaflegur samningur var und-
irritaður í Færeyjum árið 2010 og
hófst þá formlegt samstarf. Síðan
hafa 87 færeyskir sjúklingar fengið
meðferð á Landspítala samkvæmt
samningnum og er eftirspurnin
vaxandi, að því er fram kemur í
frétt frá LSH.
Tekjur Landspítala vegna samn-
ingsins eru um 125 milljónir króna á
síðastliðnum þremur árum. Á tíma-
bilinu hefur sérstaklega verið unnið
í því að efla tengsl milli heilbrigð-
isstarfsfólks og straumlínulaga
ferla og verklag er tengist komu
sjúklinga og almennum samskiptum
milli stofnana og sjúkrahúsanna
sem um ræðir. Samvinnan hefur
gengið einkar vel og mun hinn nýi
samningur gefa enn frekari mögu-
leika á þróun þessa samstarfs.
Anna Lilja Gunnarsdóttir, ráðu-
neytisstjóri velferðarráðuneytisins,
og Karsten Hansen, heilbrigð-
isráðherra Færeyja, voru viðstödd
undirritunina.
Samið Samningurinn var undirritaður á Landspítalanum.
Samningur við Fær-
eyinga endurnýjaður