Morgunblaðið - 19.01.2013, Síða 27

FRÉTTIR 27Viðskipti | Atvinnulíf
MORGUNBLAÐIÐ LAUGARDAGUR 19. JANÚAR 2013
Viðræður um sölu á flugfélaginu
Bláfugli báru ekki árangur en hluta-
bréf félagsins voru sett í sölu fyrir
tæpu ári. Samkvæmt upplýsingum
frá PwC, sem annaðist söluferlið,
bárust nokkur tilboð í Bláfugl en
hæstbjóðanda tókst ekki að ljúka
fjármögnun kaupanna.
Í fréttatilkynningu kemur fram að
söluferli á hlutafé Bláfugls ehf., sem
er að fullu í eigu SPW ehf., dótt-
urfélags Miðengis, sem síðan er í
eigu Íslandsbanka, hófst hinn 22.
febrúar 2012. PwC var falið að ann-
ast söluferlið fyrir hönd SPW.
Nokkur tilboð bárust í félagið, inn-
lend og erlend. Stjórn SPW ehf. hóf í
framhaldinu viðræður við hæstbjóð-
anda um sölu á eignarhlutnum. Við-
ræðum er nú lokið án þess að til sölu
hafi komið á eignarhlutnum þar sem
tilboðsgjafa tókst ekki að ljúka fjár-
mögnun sinni. Formlegu söluferli á
hlutnum er því lokið.
Þó svo formlegu söluferli sé lokið
er það takmark SPW að selja eign-
arhlutinn m.a. með hliðsjón af skil-
yrðum sem SPW hefur verið sett af
Samkeppniseftirlitinu, segir enn-
fremur í tilkynningu. Bluebird
Cargo (Bláfugl) er íslenskt flugfélag
sem sérhæfir sig í flugfrakt.
Morgunblaðið/Jim Smart
Bláfugl Söluferlið hófst fyrir ári en hefur enn ekki skilað árangri.
Ekki hefur tekist
að selja Bláfugl
 Nokkur tilboð bárust í félagið
Ingvar H. Ragn-
arsson hefur
hafið störf sem
forstöðumaður
eignastýringar
Landsbankans.
Ingvar kemur
til Landsbank-
ans frá fjár-
málaráðuneytinu
þar sem hann
hefur undanfarin
ár leitt fjármögnun og skuldastýr-
ingu fyrir þess hönd á innlendum
og erlendum mörkuðum, m.a. við
undirbúning og framkvæmd á al-
þjóðlegum skuldabréfaútgáfum
ríkissjóðs árin 2011 og 2012, sem
miðaði að því að endurheimta að-
gengi ríkissjóðs að erlendum láns-
fjármörkuðum.
Ingvar var áður yfirmaður fjár-
stýringar Landsnets og þar áður
m.a. framkvæmdastjóri fjárstýr-
ingar Glitnis, en hann starfaði yfir
10 ár hjá Glitni og forverum þess
banka.
Ingvar er viðskiptafræðingur
frá HÍ og hefur lokið prófi í verð-
bréfaviðskiptum.
Forstöðumað-
ur hjá Lands-
bankanum
Ingvar H.
Ragnarsson
Greiningardeild Íslandsbanka gerir
ráð fyrir því að vísitala neysluverðs
haldist óbreytt í janúar frá fyrri
mánuði, en það leiðir til þess að 12
mánaða verðbólga lækkar úr 4,2%
niður í 3,9%. Á næstu misserum ger-
ir greiningin svo ráð fyrir 3 til 4%
verðbólgu.
„Að vanda munu togast á út-
söluáhrif annars vegar og hækkun
gjaldskráa og opinberra gjalda hins
vegar í janúar,“ segir í Morgunkorni
Greiningardeildar Íslandsbanka.
Greiningardeildin telur að opin-
berar hækkanir verði töluvert minni
en þær voru í janúar í fyrra. Þá er
gert ráð fyrir að húsaleiga muni
lækka í janúar frá fyrri mánuði og
þannig hafa lítilsháttar lækkunar-
áhrif á vísitöluna.
Spáir 3,9%
verðbólgu
Álagningarseðlar fasteignagjalda í Reykjavík
2013 verða sendir til íbúa á næstu dögum.
Fasteignagjöldin verða innheimt í gegnum
heimabanka þar sem jafnframt er hægt að
prenta út greiðsluseðil. Greiðsluseðlar verða
ekki sendir út en hægt er að óska eftir heim-
sendum greiðsluseðlum í gegnum þjónustu-
ver Reykjavíkurborgar í síma 411 11 11.
Fjármálaskrifstofa Reykjavíkurborgar annast álagningu og innheimtu á
fasteignaskatti, lóðaleigu og sorphirðugjaldi.
Þeir sem fengu lækkun á fasteignaskatti og fráveitugjaldi á liðnu ári, fá
einnig lækkun á árinu 2013. Við álagningu fasteignagjalda nú í janúar
verður afsláttur elli- og örorkulífeyrisþega til bráðabirgða miðaður við
tekjur ársins 2011. Þegar álagning vegna tekna ársins 2012 liggur fyrir
næsta haust, verður afslátturinn endanlega ákvarðaður og verða þá
allar breytingar tilkynntar bréflega.
Fjármálaskrifstofa Reykjavíkurborgar framkvæmir breytingar á fast-
eignaskatti og fráveitugjaldi elli- og örorkulífeyrisþega og þarf því ekki
að sækja sérstaklega um lækkun eða niðurfellingu þessara gjalda.
Skilyrði lækkunar eru að viðkomandi elli- eða örorkulífeyrisþegi eigi lögheimili
í Reykjavík og sé þinglýstur eigandi viðkomandi fasteignar og/eða geti átt rétt
á vaxtabótum vegna hennar skv. B-lið 68. gr. laga nr. 90/2003 um tekjuskatt
og eignaskatt.
Einungis er veitt lækkun vegna íbúðarhúsnæðis til eigin nota.
Borgarráð hefur ákveðið að tekjumörk elli- og örorkulífeyrisþega vegna
niðurfellingar/lækkunar fasteignaskatts á árinu 2013 verði eftirfarandi:
100% lækkun: Einstaklingar með tekjur allt að 2.550.000 kr.
Hjón með tekjur allt að kr. 3.560.000.
80% lækkun: Einstaklingar með tekjur á bilinu 2.550.000 til 2.930.000 kr.
Hjón með tekjur á bilinu 3.560.000 til 3.970.000 kr.
50% lækkun: Einstaklingar með tekjur á bilinu 2.930.000 til 3.410.000 kr.
Hjón með tekjur á bilinu 3.970.000 til 4.740.000 kr.
Umhverfis og skipulagssvið Reykjavíkurborgar, Borgartúni 12-14, veitir allar
upplýsingar varðandi álagningu og breytingar á sorphirðugjaldi í síma 411-
1111. Einnig má leita upplýsinga með tölvupósti á netfangið sorphirda@
reykjavik.is.
Orkuveita Reykjavíkur, Bæjarhálsi 1, annast álagningu og innheimtu vatns-
gjalds og fráveitugjalds og veitir upplýsingar í síma 516 6000. Einnig má leita
upplýsinga með tölvupósti á netfangið or@or.is.
Fjármálaskrifstofa Reykjavíkurborgar, Höfðatorg, Borgartúni 12-14, veitir
upplýsingar varðandi álagningu fasteignaskatts og lóðarleigu og breytingar á
þeim í síma 411 1111. Einnig má leita upplýsinga með tölvupósti á netfangið
fasteignagjold@reykjavik.is.
Hægt er að leita upplýsinga um ofangreind atriði á heimasíðu Reykjavíkurborgar: www.reykjavik.is
Fasteignagjöld 2013
Borgarstjórinn í Reykjavík, 19. janúar 2013.
www.reykjavik.is