Morgunblaðið - 19.01.2013, Side 28

28 FRÉTTIRErlent
MORGUNBLAÐIÐ LAUGARDAGUR 19. JANÚAR 2013
Bogi Þór Arason
bogi@mbl.is
Fjölmiðlar í Alsír sögðu í gær að
sérsveitir hersins hefðu bjargað
hundruðum starfsmanna gas-
vinnslustöðvar þar sem íslamskir
öfgamenn höfðu tekið þá í gíslingu.
Fjölmiðlarnir skýrðu frá því að
um hundrað erlendum ríkisborg-
urum hefði verið bjargað en ekki
væri vitað um afdrif 30 erlendra
gísla. Áður hafði alsírska frétta-
stofan APS skýrt frá því að sér-
sveitirnar hefðu bjargað 573 Als-
íringum sem störfuðu í
gasvinnslustöðinni.
Herinn kvaðst vera að reyna að
bjarga þeim sem væru enn í haldi
íslömsku öfgamannanna.
Festu sprengjur um
háls gíslanna
Margir þeirra sem komust lífs af
sögðu mannræningjana hafa fest
sprengjur um hálsinn á þeim eftir
að þeir voru teknir í gíslingu. Aðrir
földu sig, skelfingu lostnir, undir
rúmum eða í afkimum undir lofti
gasvinnslustöðvarinnar í tæpa tvo
sólarhringa.
„Þeir hrópuðu að þeir vildu bara
ná útlendingunum,“ sagði einn
Alsíringanna sem sluppu úr gas-
vinnslustöðinni. „Þeir söfnuðu út-
lendingunum saman, bundu þá og
fóru með þá í burtu.“
Hafði rænt 20
Vesturlandabúum
Mannræningjarnir eru í hreyf-
ingu illræmds íslamista og hryðju-
verkamanns, Mokhtars Belmok-
htars. Talið er að fyrir gíslatökuna
hafi Belmokhtar og menn hans
rænt a.m.k. tuttugu vestrænum
stjórnarerindrekum, starfs-
mönnum hjálparstofnana og ferða-
mönnum til að krefjast lausnar-
gjalds á síðustu fimm árum, að
sögn fréttavefjar norska rík-
isútvarpsins. Belmokhtar er einnig
talinn hafa skipulagt stórfellt tób-
akssmygl til að fjármagna hryðju-
verkastarfsemi sína.
Máritaníska fréttastofan ANI
sagði að mannræningjarnir hefðu
krafist þess að Frakkar hættu
hernaði sínum gegn íslamistum í
Malí og að íslömskum öfgamönnum
í bandarískum fangelsum yrði
sleppt. Stjórnvöld í Malí hafa sagt
að ekki komi til greina að semja við
hryðjuverkamenn.
Mikil óvissa var í gær um hversu
margir gíslar biðu bana í árás sér-
sveitanna. Mannræningjarnir
sögðu í fyrradag að 34 gíslar hefðu
legið í valnum, en stjórnvöld í Alsír
sögðu þá tölu vera „hugarburð“. Að
sögn breska ríkisútvarpsins er vit-
að með vissu um fjóra erlenda gísla
sem létu lífið í árás sérsveitanna í
fyrradag, tvo Breta og tvo Filipps-
eyinga. Áður höfðu tveir menn,
Breti og Alsíringur, beðið bana
þegar mannræningjarnir réðust á
rútu starfsmanna gasvinnslustöðv-
arinnar skömmu fyrir gíslatökuna.
Ekki var vitað um afdrif tíu
Breta í gasvinnslustöðinni í gær-
kvöldi, að sögn BBC. Breska fyr-
irtækið BP sagðist hafa flutt
hundruð starfsmanna sinna frá Als-
ír, þeirra á meðal marga sem störf-
uðu í gasvinnslustöðinni.
Einum Norðmanni var bjargað í
gær en ekki var vitað um afdrif átta
Norðmanna, að sögn norskra fjöl-
miðla í gærkvöldi.
Ekki var vitað hversu margir
Bandaríkjamenn voru enn í gas-
vinnslustöðinni. Japanskt verk-
takafyrirtæki sagði að ekki væri
vitað um örlög um 60 Japana sem
störfuðu á gasvinnslusvæðinu.
Björguðu
hundruðum
gísla í Alsír
Íslömsk hreyfing hryðjuverkamannsins Mokhtar Belmokhtar hefur lýst gíslatökunni á hendur sér
Hundruð manna tekin í gíslingu
Tigantourine-gasvinnslustöðin
* Skv. fréttum
fjölmiðla
Gasvinnslustöðin er
rekin af BP (Bretlandi),
Statoil (Noregi)
og Sonatrach (Alsír)
Mannfall Tveir hópar gísla
• Alsírskir starfsmenn
(Hundruð sluppu*)
• Hópur erlendra starfs-
manna frá 12 löndum
(Margir sluppu*)
• Mikil óvissa
var í gær um
mannfallið í árás
alsírska hersins
á stöðina
Noregur, Bandaríkin,
Bretland, Filippseyjar, Írland, Japan,
Frakkland, Malasía*
Austurríki, Rúmenía*, Kólumbía*
Taíland*
In Amenas
Flugvöllur
Gasvinnslustöðin
N3
5 km
Algeirsborg
ALSÍR
LÍBÍA
In Amenas
 Ekki vitað um afdrif þrjátíu
erlendra gísla í gasvinnslustöðinni
AFP
Illræmdur Belmokhtar hefur staðið
fyrir mörgum hryðjuverkum.
Prestur rétttrúnaðarkirkjunnar í
Hvíta-Rússlandi blessar mann sem
stekkur í ískalt vatn í þorpinu Pil-
nitsa, um 30 kílómetra frá Minsk,
höfuðborg landsins. Þrátt fyrir
mikið vetrarfrost á þessum slóðum
stukku þúsundir manna í göt, sem
gerð voru í ís á vatni í þorpinu, til
að baða sig í gær. Margir Hvít-
Rússar hafa fyrir venju að fara í
slíkt bað í tilefni af þrettándanum,
hátíðisdegi til minningar um komu
vitringanna þriggja að jötunni í
Betlehem, en hann er haldinn í
Hvíta-Rússlandi í dag.
AFP
Ískalt bað á þrettándanum
Talið er að með því að fyrirskipa
hernum að gera árás á gas-
vinnslustöðina í Alsír hafi stjórn
landsins viljað senda íslamistum
skýr skilaboð um að ekki kæmi
til greina að semja við hryðju-
verkamenn. Meginmarkmiðið
með árásinni var að brjóta
mannræningjana á bak aftur,
frekar en að bjarga öllum gísl-
unum, að sögn Frederics Gallois, fyrrverandi yfirmanns sérsveita frönsku
lögreglunnar í baráttunni gegn hryðjuverkum. „Annað markmið þeirra var
að koma í veg fyrir að íslamistar gætu notað gíslatökuna í áróðursskyni.
Þeir vildu ekki að þetta drægist á langinn,“ hefur AFP eftir Gallois.
Stjórnvöld og herinn í Alsír hafa háð harða baráttu við íslamska öfga-
menn áratugum saman. Stríðið við íslamista í Alsír kostaði yfir 100.000
manns lífið á síðasta áratug aldarinnar sem leið. Sérfræðingar í mál-
efnum landsins segja þetta skýra hvers vegna alsírsk stjórnvöld hafi lagt
meiri áherslu á að brjóta mannræningjana á bak aftur en að bjarga öllum
gíslunum. Íslamistum hafi aldrei áður tekist að ráðast á mikilvæga olíu-
eða gasvinnslustöð í Alsír og gíslatakan hafi því verið mikið áfall fyrir
herinn og stjórnina.
Íslamistum send skýr skilaboð
MEGINMARKMIÐIÐ AÐ BRJÓTA MANNRÆNINGJA Á BAK AFTUR
Alsírskir hermenn.
–– Meira fyrir lesendur
Þorrinn
SÉRBLAÐ
:
Katrín Theódórsdóttir
Sími 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 12, mánudaginn 21. janúar.
Þetta sérblað verður með
ýmislegt sem tengist
þorranum s.s:
Matur, menning,
hefðir, söngur,
bjór, sögur
og viðtöl.
Þann 25. janúar gefur Morgunblaðið
út sérblað tileinkað Þorranum