Morgunblaðið - 16.02.2013, Blaðsíða 20

Helgi Bjarnason
helgi@mbl.is
Ákveðið hefur verið að stækka höfn-
ina á Norðfirði og endurbæta aðstöð-
una. Unnið er að breytingu á aðal-
skipulagi og deiliskipulagi og stefna
Fjarðabyggðarhafnir að því að hefj-
ast handa á vormánuðum.
Mikil umsvif eru í höfninni á Norð-
firði, einkum vegna starfsemi Síld-
arvinnslunnar hf., og segir Páll
Björgvin Guðmundsson, bæjarstjóri
Fjarðabyggðar, að höfnin sé of
þröng fyrir þau stóru skip sem nú
nota höfnina og viðlegukantur of
stuttur. „Við erum að þjóna við-
skiptavinum hafnarinnar. Þeir þurfa
á þessari aðstöðu að halda vegna
aukinna umsvifa.“
Áætlaður kostnaður er rúmur
hálfur milljarður króna. Verkið á að
vinna á tveimur árum og reiknað er
með að fyrsti áfangi verði tekinn fyr-
ir í vor. Með breytingum á höfninni
er ætlunin að bæta aðstöðu við fiski-
höfnina þannig að stærri fiskiskip og
flutningaskip geti athafnað sig með
góðu móti. Legupláss verður aukið
og aðstaða fyrir smábáta bætt.
Hafnargarðurinn verður færður
út um 50 metra og verður til 70
metra vítt hafnarmynni með tunnu-
enda á móti garði út frá fiskimjöls-
verksmiðjunni. Tunnuendi þýðir að
grjótinu er hlaðið í tunnulaga grind
þannig að fullt dýpi er við enda
garðsins. Með færslu garðsins og
dýpkun skapast 210 metra snúnings-
rými og aukið pláss innan hafnar.
Togarabryggjan verður lengd um 60
metra. Ný smábátahöfn verður gerð
með rými fyrir tvær flotbryggjur, 50
og 60 metra langar.
Tillögur um breytingar á skipulagi
eru til sýnis, meðal annars á bæj-
arskrifstofunum, og er frestur til að
gera athugasemdir til 7. mars.
Framkvæmdin þarf ekki að fara í
mat á umhverfisáhrifum.
 Norðfjarðarhöfn verður stækkuð og aðstaðan endurbætt  Viðskiptavinir hafnarinnar þurfa á þessu
að halda, segir bæjarstjórinn  Unnið að skipulagsbreytingum og framkvæmdir hefjast í vor
Stærri skipin geti athafnað sig
Norðfjarðarhöfn
» 519 skipakomur voru til
Norðfjarðarhafnar í fyrra.
» Um höfnina fóru 140 þús-
und tonn af vörum.
» Landað var 223 þúsund
tonnum af fiski, þar af var upp-
sjávarafli 212 þúsund tonn.
0
2
20
30
10
A1
H1
Stækkun Norðfjarðarhafnar
Tog
ara
bry
ggj
a
Frystihús
Síldarvinnslunnar
Fiskimjölsverksmiðja
Síldarvinnslunnar
Væntanleg
smábátahöfn
Núverandi skipulag
Hafnargarður
eftir stækkun
Heimild: Fjarðarbyggð • Uppdráttur: Alta ehf.
20 FRÉTTIRInnlent
MORGUNBLAÐIÐ LAUGARDAGUR 16. FEBRÚAR 2013
Helgi Bjarnason
helgi@mbl.is
Þótt sala á nautgripakjöti fari vax-
andi virðist áhugi bænda á fram-
leiðslu fara minnkandi. Tölur um
ásetning kálfa benda til að fram-
leiðslan muni minnka í fyllingu tím-
ans. Afar erfiður rekstur er hjá þeim
bændum sem sérhæfa sig í ræktun
holdanauta, meðal annars vegna
þess að verð til þeirra er heldur lágt.
Framleiðsla á nautakjöti með
holdanautum er komin í öngstræti.
Það má lesa út úr skýrslu starfshóps
sem fékk það hlutverk að gera til-
lögur um endurnýjun og styrkingu
holdanautastofnsins.
Fram kemur að vegna þess hversu
fá holdanaut eru hér á landi og
skyldleiki þeirra mikill verði sjálf-
bær ræktun til lengri tíma ómögu-
leg. Þurfi nýtt erfðaefni úr holda-
kynjum að koma til. Það fæst ekki
öðruvísi en með innflutningi fóstur-
vísa eða sæðis.
Í skýrslunni er fjallað um mismun-
andi leiðir en þar er ekki að finna til-
lögur um hvernig að innflutningi
skuli staðið.
Vantar tillögur
Meginhluti nautgripakjötsfram-
leiðslunnar er hliðarframleiðsla hjá
mjólkurbændum og eru því flestir
framleiðendur innan Landssam-
bands kúabænda (LK). Félag nauta-
kjötsframleiðenda er einnig til en
það er áhugamannafélag og flestir
félagsmenn rækta Galloway holda-
gripi eða blendinga með Aberdeen
Angus og Limousine.
LK fagnaði útkomu skýrslu
starfshópsins en gagnrýndi hversu
langan tíma starfið tók og lýsti yfir
vonbrigðum með að ekki skyldu
koma fram tillögur um endurnýjun
og styrkingu holdanautastofna. Nið-
urstaða LK er að starf nefndarinnar
hafi misheppnast. Forysta LK hefur
þegar farið á fund atvinnuvegaráð-
herra til að lýsa afstöðu sinni og til-
lögum um næstu skref.
Þau eru að endurnýja erfðaefni
holdanautastofnanna nú þegar með
skilvirkum, hagkvæmum og örugg-
um hætti, að koma á EUROP kjöt-
mati fyrir nautakjöt svo fljótt sem
verða megi, sem er í samræmi við
niðurstöður starfshópsins. Þá telja
kúabændur að bæta þurfi afkomu í
greininni, meðal annars með því að
auka fagþekkingu.
Ekki er sama hvernig að innflutn-
ingi erfðaefnis er staðið. Sú leið sem
farin var þegar Aberdeen Angus og
Limousine erfiðaefnið var flutt inn í
gegn um einangrunarstöðina í Hrís-
ey er bæði fokdýr og seinleg. Ef hún
væri notuð myndi taka fimm ár að
framleiða fyrsta kjötkílóið með
hreinni grip sem þó yrði alltaf blend-
ingur.
Snorri Örn Hilmarsson, sem
ræktar holdanaut á Sogni í Kjós, átti
sæti í nefndinni. Hann er sammála
því að nauðsynlegt sé að flytja inn
nýtt erfðaefni. Hann telur skynsam-
legast að gera það með því að flytja
fósturvísa beint inn á eitthvert bú og
dreifa afkvæmunum síðan á önnur
býli gegn kröfum um strangt eftirlit.
Hann vísar til þess sem fram kemur í
skýrslu nefndarinnar að sæðingar
holdanauta hafi ekki gengið nógu
vel. Þessi leið er ekki fær að óbreytt-
um lögum.
Meta þarf mismunandi leiðir
Baldur Helgi Benjamínsson,
framkvæmdastjóri LK, segir að gera
þurfi áhættumat á mismunandi leið-
um, áður en ákvörðun er tekin og
lagðar til lagabreytingar. Auk þeirra
tveggja leiða sem um er getið hér að
framan nefnir hann möguleika á að
flytja inn sæði úr reyndum nautum
þar sem heilbrigði er gott og kröfur
stífar og sæða holdakýr beint á bú-
unum. Segir hann að þessi aðferð sé
notuð í svínaræktinni.
Þarf að bæta
holdanautin
 LK telur að nefndastarf hafi mislukkast
Morgunblaðið/Árni Sæberg
Nautgripir Íslensku holdagripirnir
eru allt of skyldir innbyrðis.
Framtíðarþing um farsæla öldrun
Óskað er eftir þátttakendum
úr eftirfarandi hópum:
» 75 ára og eldri
» 55-75 ára
» 55 ára og yngri
» Starfsfólk sem tengist öldrunarmálum
Tilkynnið þátttöku:
Áhugasamir vinsamlegast tilkynnið þátttöku
á netfangið framtidarthing@gmail.com eða
í síma 693 9508 eigi síðar en 25. febrúar nk.
Taka þarf fram nafn, kennitölu og síma.
Þátttaka er öllum heimil og án endurgjalds.*
Boðið verður upp á veitingar.
RÁÐHÚS REYKJAVÍKUR
Tjarnarsalur
7. mars 2013 kl. 16:30-20:30
*Allir þátttakendur eru sjálfboðaliðar og þurfa sjálfir að standa straum af eigin ferðakostnaði.
MARKMIÐ ÞINGSINS:
» Skapa umræðu meðal áhugasamra
um öldrunarmál, væntingar og
viðhorf til efri áranna.
» Vekja jákvæða athygli á eldri
borgurum, stöðu þeirra og hvernig
þeir líta á mál sín til framtíðar.
FARSÆL ÖLDRUN
Þátttakendur óskast
– viltu vera með?