Morgunblaðið - 01.03.2013, Blaðsíða 2

Útskrift Nemendur munu hafa mikinn hag af
að ljúka námi á tilsettum tíma. Mynd úr safni.
Guðni Einarsson
gudni@mbl.is
Fjárlagaskrifstofa fjármála- og efnahagsráðu-
neytisins telur að styrkur frá Lánasjóði ís-
lenskra námsmanna (LÍN) til árlegs útskrift-
arhóps nemenda geti numið allt að þremur
milljörðum króna vorið 2017, nái tillögur í nýju
stjórnarfrumvarpi um LÍN fram að ganga.
Frumvarpinu var dreift á Alþingi í gær.
„Nái frumvarpið þeim tilgangi sínum að
námsmenn fari að
haga náms-
framvindu sinni í
samræmi við
skipulag náms
þannig að það eigi
við þá alla má
áætla með sama
hætti að árlegur
kostnaður við það
næmi 4,7 mia.kr
[milljörðum
króna, innsk.
blm],“ segir í um-
sögn fjár-
lagaskrifstof-
unnar.
Katrín Jak-
obsdóttir,
mennta- og
menningar-
málaráðherra, sagði nýlega að kostnaður rík-
isins vegna námsstyrkjanna yrði um tveir
milljarðar króna á ári.
Elías Jón Guðjónsson, aðstoðarmaður Katr-
ínar, sagði að hún hefði byggt orð sín á út-
reikningum fjármálasviðs mennta- og menn-
ingarmálaráðuneytisins. Það hefði komist að
þeirri niðurstöðu að kostnaðurinn yrði um
tveir milljarðar á ári. Umsögn fjármálaráðu-
neytisins hefði ekki legið fyrir þá en það telji
að kostnaðurinn verði meiri, eins og komi fram
í umsögn þess.
„Ráðuneytin hafa ekki notað sömu aðferð
við útreikningana. Þau munu fara yfir þá í
sameiningu,“ sagði Elías Jón.
Milljarða
munur á
kostnaði
 Kostnaður af LÍN
frumvarpi 3-4,7 mia.kr
Breytt námslán
» Lagt er til í frum-
varpinu að náms-
menn sem ljúka
grunnháskólanámi á
þeim tíma sem skipu-
lag náms gerir ráð
fyrir fái námsstyrk.
» Höfuðstóll náms-
lánsins verður færð-
ur niður um fjórðung
m.v. grunnfram-
færslu LÍN á Íslandi á
hverjum tíma.
2 FRÉTTIRInnlent
MORGUNBLAÐIÐ FÖSTUDAGUR 1. MARS 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Pétur Sigurðsson, fasteignamiðlari í Mið-
Flórída og eigandi fasteignasölunnar The Vik-
ing Team Realty, segir að Íslendingar séu á ný
farnir að sýna áhuga á húsnæðiskaupum á
Flórída eftir að hafa haldið að sér höndum eins
og aðrir frá kreppu. „Salan er aftur að fara í
gang en Íslendingar eiga yfir 1.500 eignir á
Flórída,“ segir hann.
Pétur bauð til opins fundar á Grand Hótel
Reykjavík í liðinni viku þar sem hann fjallaði
um fasteignamarkaðinn á Flórída. Auk þess
hélt hann lokaðan fund með Félagi fast-
eignasala um sama mál.
Að sögn Péturs hækkaði fasteignaverð á
Flórída töluvert eftir 2000 og náði hámarki
2006. Síðan lækkaði það aftur og 2010 var það
svipað og áratug fyrr en með aukinni eftir-
spurn er það byrjað að hækka á ný, þó að verð-
ið teljist enn vera lágt. „Verðhækkunin var
14,1% á liðnu ári,“ segir hann og bætir við að
nú sé góður tími til fasteignakaupa í ríkinu.
Pétur bendir á að þó að verðið sé hagstætt
sé töluverður kostnaður við að eiga fasteign á
Flórída, rétt eins og annars staðar. Hann nefn-
ir í því sambandi að kostnaður vegna fast-
eignagjalda, trygginga, umsjónar, umhirðu
lóðar, viðhalds og rekstrar geti numið frá 500
til 1.000 dollurum á mánuði eða um 65.000 til
130.000 kr., en hafa megi upp í þennan kostnað
með því að leigja fasteignina til lengri eða
skemmri tíma. steinthor@mbl.is
Íslendingar eiga 1.500
húseignir á Flórída
 Aukin eftirspurn og verðið hagstætt
AFP
Flórída Hægt er að fá húseignir á góðu verði.
Viðar Guðjónsson
vidar@mbl.is
Í tillögu frá stjórn hjúkrunarheim-
ilisins Eirar vegna skuldavanda þess
sem lagðar voru fram í gær, er lagt
til að gefið verði út skuldabréf til að
standa við skuldbindingar gagnvart
þeim sem keypt hafa búseturétt í ör-
yggisíbúðum sem Eir á. Skuldbind-
ingarnar vegna þeirra nema tveimur
milljörðum króna. Samtals skuldar
heimilið átta milljarða króna. „Með
þessu móti halda allir sínu. Þjónusta
og búseta helst óbreytt, en síðan
verður breytt tilhögun uppgjörs
þegar íbúð er skilað. Þá verður greitt
í formi skuldabréfs í stað beinnar
peningagreiðslu,“ segir Jón Sigurðs-
son, stjórnarformaður Eirar. Að
sögn Jóns hefur fólk þrjár vikur til
þess að fara yfir tillögurnar. Fái til-
lögurnar ekki samþykki blasi við
gjaldþrot heimilisins.
Samkvæmt núgildandi samning-
um skuldbindur Eir sig til að end-
urgreiða íbúðaréttinn verðtryggt
með 2% afskriftum á ári. Greiðslan
fer til þeirra sem yfirgefa íbúðirnar
eða erfingja þeirra.
Á Eir eru í dag 155 hjúkrunar-
heimilisrými, 12 endurhæfingarrými
og sex skammtímarými. Þessi rekst-
ur gengur vel og rekstrarniðurstað-
an er jákvæð.
Árið 2001 tók Eir í notkun örygg-
isíbúðir sem kallaðar eru Eirarhús
og eru þær 111 talsins en um 30 íbúð-
ir standa auðar. Þær eru reknar und-
ir Húsrekstrarsjóði Eirar og það er
sá sjóður sem er í miklum fjárhags-
vanda. Vandi sjóðsins tengist hjúkr-
unarheimilinu vegna þess að örygg-
isíbúðirnar og hjúkrunarheimilið eru
rekin á sömu kennitölunni. Ef Hús-
rekstrarsjóður getur ekki staðið við
skuldbindingar sínar bitnar það því á
allri starfseminni.
Leggja til útgáfu skuldabréfs
 Stjórn Eirar lagði fram tillögur um skuldavanda hjúkrunarheimilisins Eirar  „Með þessu
móti halda allir sínu,“ segir stjórnarformaður  Gjaldþrot blasir við fái tillögurnar ekki samþykki
Morgunblaðið/Ómar Óskarsson
Fróðengi 111 öryggisíbúðir eru í
eigu hjúkrunarheimilisins Eirar.
Tillaga stjórnar Eirar
» Lagt er til að gefið verði út
skuldabréf í stað eingreiðslu.
» Skuldir vegna öryggisíbúða
nema um tveimur milljörðum
króna.
» Fái tillögurnar ekki sam-
þykki blasir við gjaldþrot, að
sögn Jóns Sigurðssonar,
stjórnarformanns Eirar.
Guðni Einarsson
gudni@mbl.is
„Mér hefur liðið mjög vel á Morgunblaðinu og
ég hef eignast þar mjög góða vini í gegnum ár-
in. Ég hætti algjörlega sátt og á eftir að sakna
margs. Það er á hreinu,“ sagði Brynja Jó-
hannsdóttir, sem vann sinn síðasta vinnudag á
Morgunblaðinu í gær. Þá var starfsævi hennar
á Morgunblaðinu orðin rúmlega 43 ár.
„Ég byrjaði að vinna á Morgunblaðinu 19.
janúar 1970. Þá var ég nýkomin frá Danmörku
og fékk tímabundið starf við afgreiðslu blaðs-
ins,“ sagði Brynja. Hún var ráðin til að leysa af
konu sem var að fara í fæðingarorlof í þrjá
mánuði. Þegar tímabundnu ráðningunni lauk
bauð Örn Jóhannsson, sem þá var skrif-
stofustjóri, henni starf við áskriftarþjónustu.
Þegar Brynja hóf störf var Morgunblaðið
til húsa í Aðalstræti 6. Eftir nokkur ár var
áskriftardeildin flutt í Skeifuna 19, þar sem
prentsmiðja Árvakurs var einnig til húsa á
þeim árum. Síðan flutti vinnustaðurinn í
Kringluna 1 og loks í Hádegismóa 2 þar sem
Morgunblaðið er nú til húsa. Brynja vann
lengst í áskriftarþjónustunni en síðustu þrjú ár
hefur hún starfað við móttöku- og skiptiborð.
„Mér líkaði mjög vel að vinna hjá Morgun-
blaðinu. Stundum finnst mér eins og ég hafi
unnið hjá tíu fyrirtækjum á þessum tíma því
við höfum gengið í gegnum svo miklar breyt-
ingar,“ sagði Brynja. Hún sagði að mikil breyt-
ing hefði orðið með tölvuvæðingunni um 1980
og þá hafist nýr kafli þegar læra þurfti allt upp
á nýtt. Vinnustaðurinn stækkaði og starfsfólki
fjölgaði og samskiptin breyttust með því.
Brynja sagði að í Aðalstrætinu hefði verið líkt
og fjölskyldustemning og allir þekkst. En
hvers vegna hættir hún nú?
„Ég er að komast á aldur og ég ákvað að
njóta efri áranna á meðan ég er hress og frísk.
Mér mun ekkert leiðast,“ sagði Brynja.
Morgunblaðið þakkar Brynju fyrir
ánægjulegt og farsælt samstarf og óskar henni
velfarnaðar í framtíðinni.
„Mér mun ekkert leiðast“
Brynja Jóhannsdóttir lét af störfum í gær eftir rúmlega 43 ár á Morgunblaðinu
Morgunblaðið/Sigurður Bogi
Brynja Jóhannsdóttir Hún var ráðin tímabundið til starfa á Morgunblaðinu í janúar 1970.
Nýliðinn febrúar fer í annála sem einn hlýj-
asti febrúarmánuður frá upphafi veðurmæl-
inga á Íslandi.
Samkvæmt upplýsingum frá Trausta Jóns-
syni veðurfræðingi var meðalhitinn í Reykja-
vík 3,8 gráður og er mánuðurinn því þriðji
hlýjasti febrúar frá upphafi mælinga 1871,
eða í 142 ár. Náði hann bronssætinu af árinu
1964, þegar meðalhitinn var 3,5 gráður. Efsta
sætinu heldur sem fyrr árið 1932 (5,0 gráður)
og 1965 (4,0 gráður) heldur öðru sætinu.
Febrúar náði einnig þriðja sætinu í
Stykkishólmi með 3,1 gráðu meðalhita, en
þar hefur verið mælt síðan 1846. Á Stórhöfða
í Vestmannaeyjum komst nýliðinn febrúar í
2. sætið með 4,8 gráða meðalhita, en þar hef-
ur verið mælt síðan 1878. Á Akureyri var
meðalhitinn 2,5 gráður og dugir það í 4. sætið
frá upphafi mælinga árið 1882. sisi@mbl.is
Morgunblaðið/Styrmir Kári
Milt Meðalhiti í borginni í febrúar var 3,8°C.
Febrúar náði
bronsinu