Morgunblaðið - 01.03.2013, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 1. MARS 2013
Ágúst Ingi Jónsson
aij@mbl.is
„Veturinn hjá okkur var á milli jóla
og nýárs, ég held í þrjá daga sam-
fellt,“ sagði Garðar Ólason, útgerð-
armaður í Grímsey í gær. „Jú takk,
það er allt gott að frétta af fólki og
fiskiríi hér við heimskautsbaug og
það hefur bara verið líflegt hér síð-
ustu vikurnar.“
Enn loðnudreifar
allt í kringum eyjuna
Garðar segir að tíðarfar hafi ver-
ið einstakt frá áramótum og hita-
stig iðulega farið í 7-8 stig, en það
sé nokkuð sem fólk á þessum slóð-
um eigi ekki að venjast á þorra og
góu. „Túnblettir við hús eru farnir
að grænka og það styttist í að við
förum að smyrja sláttuvélar og
brýna hnífana,“ segir Garðar hlæj-
andi.
Sjö bátar hafa undanfarið landað
í Grímsey og er aflinn ýmist salt-
aður hjá Sigurbirni ehf., sem gerir
út þrjá báta, eða landað hjá Fisk-
markaði Grímseyjar. Sigurbjörn
gerir m.a. út Þorleif EA, 75 tonna
bát, sem verið hefur á netum í vet-
ur, en Grímseyjarbátar eru ýmist á
netum, línu eða handfærum og hef-
ur afli verið jafn og góður. Eftir að
loðnan flæddi yfir jókst veiði á fær-
in og segir Garðar að enn sé tals-
vert af loðnudreifum allt í kringum
eyjuna.
„Það hefur verið hægt að róa
nánast alla daga frá því um ára-
mót,“ segir Garðar. „Þorleifur EA
lagði netin 4. janúar og síðan var
róið samfleytt í 20 daga, en þá var
gefið frí í nokkra daga. Síðan var
róið nánast upp á hvern dag í febr-
úar. Þorleifur hefur mest komið
með 24-5 tonn eftir daginn og í hús-
inu höfum við oft tekið á móti hátt í
30 tonnum á dag. Núna er hins veg-
ar allt að fyllast og undanfarið höf-
um við orðið að takmarka það sem
berst að landi. Í staðinn fyrir sjö
trossur höfum við fækkað þeim nið-
ur í fimm á Þorleifi.“
Verðlækkun á saltfiski
Hann segir að langmest hafi
fengist af þorski, sem fari í salt eins
og ufsinn. Það sem berist á land hjá
þeim af ýsu, karfa og fleiri tegund-
um fari á fiskmarkaðinn. Aðspurð-
ur segir hann að til þessa hafi geng-
ið vel að losna við saltfiskinn, en
verðið hafi lækkað mikið. „Ef mað-
ur losnar ekki við saltfiskinn á föst-
unni fram að páskum þá losnar
maður aldrei við hann,“ segir Garð-
ar Ólason í Grímsey.
Veturinn var á milli jóla og nýárs
 „Allt gott að frétta af fólki og fiskiríi
við heimskautsbaug“  Einstök blíða
Morgunblaðið/ÞÖK
Sjaldgæft Garðar Ólason segir að veðrið hafi leikið við Grímseyinga.
Heimir Snær Guðmundsson
heimirs@mbl.is
Margir Íslendingar hugsa sér gott
til glóðarinnar um páskana og fara í
frí til útlanda. Bæði er boðið upp á
3-4 nátta borgarferðir sem og lengri
sólarferðir um páskana. Hjá ferða-
skrifstofunum sem Morgunblaðið
hafði samband við virðast sólarferð-
ir njóta mikilla vinsælda en uppselt
er í margar þeirra.
Tómas J. Gestsson hjá Heims-
ferðum segir að páskaferðirnar séu
að seljast heldur betur en í fyrra.
Uppselt er í tvær ferðir til Tenerife
og uppselt er í aðra ferðina af tveim-
ur til Kanaríeyja. Sömuleiðis eru fá
sæti eftir í ferð til Alicante. Ferð á
vegum Heimsferða til Costa Del Sol
er næstum uppseld en þangað eru
margir golfarar að fara um páskana.
Eftir páska, í apríl og maí, bjóða
Heimsferðir upp á 3-4 nátta borg-
arferðir eins og undanfarin ár. Sala í
þær gengur vel að sögn Tómasar og
á heildina litið aðeins betur en í
fyrra. Áfangastöðum hefur fjölgað
undanfarin ár en í ár er boðið upp á
ferð til Bratislava í fyrsta skipti og
er sú ferð uppseld. Nokkrar ferðir
til annarra borga eru þegar uppseld-
ar en þó eru enn laus sæti í ferðir til
hinna ýmsu borga í Evrópu.
Gengur hraðar að selja í sólina
Hjá ferðaskrifstofunni Vita er allt
að því uppselt í páskaferðir í sólina,
en boðið er upp á fjórar ferðir til Te-
nerife og Kanaríeyja um páskana.
Um er að ræða svipað framboð af
ferðum og undanfarin ár. Einnig er
boðið upp á fjögurra nátta borgar-
ferðir um páskana til Dublin, Ed-
inborgar og Bilbao sem er nýr
áfangastaður. Sala í borgarferðirnar
gengur aðeins hægar en síðustu ár
að sögn Björns Guðmundssonar,
markaðsstjóra Vita. Hann segir það
þó þekkt að kaupákvörðun um
styttri borgarferð sé tekin seinna en
þegar um er að ræða lengri sólar-
ferð. Sala í borgarferðirnar taki
jafnan við sér þegar nær dregur.
Einnig er boðið upp á borgarferðir
til Madrid og Rómar í vor.
Ásókn í golfferðir hjá Vita hefur
hefur aukist að sögn Björns. „En
það er býsna lokað mengi engu að
síður, þ.e. þessi golfhópar sem eru
að fara, þó alltaf sé einhver nýliðun.
Ásóknin hjá okkur er heldur að
aukast.“
Hjá Úrvali-Útsýn er að seljast
upp í páskaferðirnar. Örfá sæti eru
laus í tvær ferðir til Alicante og
Kanaríeyja en uppselt er til Te-
nerife. Þá eru örfá sæti laus í borg-
arferð til Dublin. Steinunn Tryggva-
dóttir, sölustjóri hjá Úrvali-Útsýn,
segir að framboð á páskaferðum sé
mjög svipað og í fyrra. Hún segir að
hraðar seljist upp í ár en í fyrra.
Vel bókast í vorferðir
Steinunn segir að bókanir í vor-
ferðirnar gangi vel. „Við erum með
svipað framboð og í fyrra. Í sam-
anburði við sama tíma í fyrra þá er-
um við að bóka meira fram í sum-
arið. Við finnum fyrir aukningu í
bókunum á sumarferðum,“ segir
Steinunn.
Spurð um golfferðir þá segir
Steinunn að það sé stækkandi mark-
aður. Úrval-Útsýn selji meira af
slíkum ferðum og hafi aukið fram-
boð á þeim síðan í fyrra.
Grimmt er sótt í
sólina um páska
 Einnig töluverð ásókn í borgarferðir
 Heilt yfir gengur sala betur en í fyrra
Morgunblaðið/Brynjar Gauti
Sól Margir Íslendingar ætla að
liggja á sólarströnd um páskana.
Páskaferðir
» Algengt er að ferðaskrif-
stofur bjóði upp á 10-12 nátta
ferðir í sólina um páskana.
» Helstu áfangastaðir eru Te-
nerife, Kanaríeyjar og Alicante.
Einnig er boðið upp á 3-4 nátta
borgarferðir í kringum páska.
» Töluvert framboð er á ferð-
um til borga sem eru Íslend-
ingum að einhverju leyti fram-
andi, s.s. Ljubljana, Bratislava
og Bilbao svo einhverjar séu
nefndar.
Ágúst Ingi Jónsson
aij@mbl.is
„Í þessum hlýindum á góu hefur
grááninn aðeins ruglast í ríminu og
hætti sér upp úr sverðinum, trúlega
allt of snemma,“ segir Erling Ólafs-
son, skordýrafræðingur hjá Nátt-
úrufræðistofnun Íslands. „Þessi teg-
und ánamaðka er greinilega að
vakna af dvalanum og þar sem ég fór
um í Hafnarfirði á sunnudaginn, eft-
ir úrkomusama og hlýja nótt, var
augljóst að gráánarnir höfðu látið
ginnast úr vetrarsvefninum og voru
skríðandi til allra átta á blautum
stéttum.“
Erling segir það sennilega ekki
sérlega sniðugt hjá gráána að vera
kominn á stjá efst í klakalausum
sverðinum, ólíklegt sé annað en að
frjósi það sem eftir lifir vetrar. Al-
gengara sé að ánamaðkar birtist á
yfirborðinu í byrjun apríl og þá sé
eins og þeir láti allir til skarar skríða
á sama degi. „Allt í einu birtist hers-
ing af þeim á yfirborðinu eins og
smellt sé fingrum. Það hafa margir
talað um það við mig að á þessum
degi sé moldarlykt í lofti í mildu og
röku veðri. Þeir sjást þá víða á stétt-
Grááni ruglast í ríminu
 Ein tegund ánamaðka lætur ginnast úr vetrarsvefninum
 Algengt að hersing þeirra birtist á yfirborði í aprílbyrjun
Ljósmynd/Erling Ólafsson
Grááni Sennilega hefði verið betra að þreyja þorra og góu í moldinni.
um og fólk gengur og hjólar yfir þá í
hrönnum,“ segir Erling.
Einkar algengur í görðum
Í pistli á heimasíðu Náttúru-
fræðistofnunar kemur fram að hér á
landi eru tíu tegundir ánamaðka.
Grááni er einkar algengur í görðum
og hefur jafnan þann háttinn á að
skríða upp úr moldinni í miklum
fjölda einn úrkomusaman og hlýjan
vordaginn þegar útmánuðir hafa
runnið sitt skeið.
Þá koma herskarar þeirra upp úr
blómabeðum og grasflötum og
skríða út á blautar stéttir til að
stefna marklaust hver í sína áttina,
segir m.a. á ni.is
Morgunblaðið/Sigurður Ægisson
Berjaætur leggjast í flakk
Silkitoppur eru glæsilegir fuglar. Þær verpa í norð-
anverðri Skandinavíu og fylgja þaðan barr-
skógabeltinu austur um Rússland og í Norður-
Ameríku. Þær eru miklar berjaætur. Þegar fæðu-
framboðið minnkar leggjast þær í flakk og sjást þá í
vestanverðri Evrópu, m.a. hér á landi. Þær koma yf-
irleitt í byrjun vetrar en hverfa svo á brott þegar
líða tekur á, vanalega í apríl.Árið 2011 ílentist eitt
parið og verpti og kom upp ungum í Mývatnssveit.
Þessi fugl sem myndin er af var ásamt nokkrum
öðrum í tré á Siglufirði. Og spurst hefur af þeim
fleiri víða um land.
Erling Ólafsson segir gráána tví-
mælalaust einn af vorboðunum,
en þeir séu af ýmsu tagi. Eflaust
sýnist sitt hverjum um hver er
hinn eiginlegi vorboði. Nátt-
úrufræðistofnun hefur lýst eftir
hugmyndum fólks um það hver
sé helsti vorboðinn í hugum
þess. Á heimasíðu NÍ eru myndir
sem minna á vorið, nefna má
hóffífil, túnfífil, sílamáf, spóa,
hrossagauk og heiðlóu.
Margir vorboðar
SITT SÝNIST HVERJUM