Morgunblaðið - 14.03.2013, Blaðsíða 12

12 FRÉTTIRInnlent
MORGUNBLAÐIÐ FIMMTUDAGUR 14. MARS 2013
„Alþýðufylkingin mun berjast skil-
yrðislaust fyrir eflingu sjálfstæðis
þjóðarinnar með því að beita sér
gegn aðild að Evrópusambandinu og
gegn erlendri skuldasöfnun og fjár-
magnsinnflutningi. Fjármagnsinn-
flutningur í formi lána og erlendrar
fjárfestingar er aðeins ávísun á að
ræna íslenskt samfélag arðinum af
vinnu sinni.“
Þetta segir í kosningaáherslum
Alþýðufylkingarinnar, sem stefnir
að framboði í öllum kjördæmum í al-
þingiskosningunum í vor. Forsvars-
menn hennar kynntu undirbúning og
áherslur framboðsins í gær.
Alþýðufylkingin hefur fengið út-
hlutaðan listabókstafinn R og segja
forsvarsmenn hennar að söfnun
meðmælenda með framboðinu sé vel
á veg komin í Reykjavíkurkjördæm-
unum en styttra annars staðar.
Fyrir liggur ákvörðun um að for-
maður samtakanna, Þorvaldur Þor-
valdsson trésmiður, muni leiða
listann í Reykjavíkurkjördæmi norð-
ur og Vésteinn Valgarðsson, stuðn-
ingsfulltrúi og varaformaður sam-
takanna, mun leiða listann í
Reykjavíkurkjördæmi suður. Langt
er komið að manna listana í Reykja-
víkurkjördæmum en eftir er að raða
þeim innbyrðis.
„Almenningur hefur verið
miskunnarlaust féflettur“
Í kosningaáherslunum segir að
þörf sé á róttækum breytingum á ís-
lensku samfélagi. Undanfarna ára-
tugi hafi ójöfnuður verið aukinn
kerfisbundið með auknu fáveldi í ís-
lenskum fjármálaheimi. „Almenn-
ingur hefur verið miskunnarlaust fé-
flettur með verðbótum og vaxtaokri
á húsnæðislánum. Auðmenn koma
hundraða milljarða gróða í skjól
meðan yfir þúsund milljarða skuld-
um er velt yfir á almenning gegnum
ríkissjóð, lífeyrissjóði og húsnæðis-
skuldir,“ segir þar.
Í umfjöllun um aðgerðir vegna
skulda heimilanna segir m.a. að þó að
leiðrétting á lánunum aftur í tímann
sé mikilvæg þá sé ennþá mikilvæg-
ara að huga að nýju félagslegu kerfi
til fjármögnunar húsnæðis fyrir al-
menning.
„Með því að hætta að sækja fé að
láni á okurvöxtum á markaði til hús-
næðislána en safna þess í stað sam-
félagslegu eigin fé til að lána til hús-
næðiskaupa að vissu hámarki án
vaxta og verðbóta er hægt að létta
miklu oki af almenningi og spara
miklar greiðslur frá samfélaginu til
fárra auðmanna.“
Auðmenn sölsa undir sig gróða
Alþýðufylkingin leggur sérstaka
áherslu á að endurreisa velferðar-
kerfið og að niðurskurður verði
dreginn til baka. Þá leggur hún til al-
gera uppstokkun á lífeyriskerfinu.
„Greiðslur í lífeyrissjóði verði stöðv-
aðar og hætt að þvinga fólk til að
kaupa sér ótrygg lífeyrisréttindi
með greiðslum í fjárfestingasjóði.
Stefnt verði að því að einfalda lífeyr-
iskerfið og koma á samræmdri fram-
færslutryggingu fyrir alla sem ekki
geta unnið fyrir sér á vinnumarkaði,“
segir í kosningaáherslunum.
Alþýðufylkingin ætlar að beita sér
fyrir þjóðareign á auðlindum og er á
móti útflutningi raforku um sæ-
streng. Fyrirséð sé „að það spretta
fram auðmenn sem eru reiðubúnir að
sölsa undir sig gróða af framkvæmd-
unum og viðskiptum með orkuna en
kostnaði af fjárfestingunni verður
velt yfir á samfélagið“. omfr@mbl.is
Stefna á framboð um allt land
 Alþýðufylkingin berst gegn ESB-aðild og er á móti raforkusölu um sæstreng
Morgunblaðið/Ómar
Stefnan kynnt Alþýðufylkingin kynnti í gær kosningaáherslur í nýopnaðri kosningamiðstöð. Þorvaldur Þorvalds-
son, sem er fremstur á myndinni, er formaður samtakanna og mun leiða listann í Reykjavíkurkjördæmi norður.
Á meðan óveður var um allt í síð-
ustu viku og víða ófært, grisjuðu
starfsmenn Vesturlandsdeildar á
Stálpastöðum í Skorradal í ágætu
veðri.
„Skorradalurinn liggur þannig
við norðanáttum að hér er alltaf
gott veður þegar norðanáhlaupin
eru,“ segir Valdimar Reynisson,
skógarvörður á Vesturlandi, á
heimasíðu Skógræktarinnar. Ver-
ið er að grisja efni sem á að af-
hendast Elkem, en áætlað er að
afhenda 250 rúmmetra af timbri
af Vesturlandi á Grundartanga í
vor.
Grisjað í Skorradal
fyrir vinnslu Elkem
Hagstofan hefur á heimasíðu
sinni birt leiðréttingu á áætlun
um útgjöld hins opinbera til heil-
brigðismála, sem birt var á
þriðjudag. „Inn í útgjaldatöluna
vantaði útgjöld vegna sjúkra-
húslyfja, 5,7 milljarða, svo og
vegna byggingar hátæknisjúkra-
húss, 1,3 milljarða.
Í leiðréttum tölum er gert ráð
fyrir að útgjöld til heilbrigð-
ismála hafi aukist um 3,4% (dreg-
ist saman um 2,6% á föstu verði).
Þar af jukust útgjöld til sjúkra-
húsa um 3,2 milljarða eða um 4%.
Samkvæmt uppfærðum nið-
urstöðum námu heilbrigðisútgjöld
8,9% af vergri landsframleiðslu
árið 2012.
Hagstofan biðst velvirðingar á
þessum mistökum en vill árétta
að um bráðabirgðaniðurstöður er
að ræða,“ segir á heimasíðunni.
Hagstofan leiðréttir
áætlun um útgjöld
Ný lög um Ríkisútvarpið voru sam-
þykkt á Alþingi í gær með 35 at-
kvæðum. Fjórir þingmenn Sjálf-
stæðisflokksins greiddu atkvæði á
móti, átta greiddu ekki atkvæði og
16 voru fjarstaddir.
Ein af meginbreytingunum sem
nýju lögin hafa í för með sér er tak-
mörkun á umsvifum Ríkisútvarpsins
á auglýsingamarkaði. Lagt er bann
við að Ríkisútvarpið afli sér tekna
með kostun dagskrárliða, nema í
ákveðnum undantekningartilvikum,
þ.e. við útsendingu íburðarmikilla
dagskrárliða til að mæta útgjöldum
við framleiðslu eða kaup á sýning-
arrétti og við útsendingu innlendra
íþróttaviðburða og umfjöllun um þá.
Bann er lagt við því að einstakir
dagskrárliðir séu brotnir upp með
auglýsingum nema að uppfylltum
tilteknum skilyrðum. Þá eru sett
takmörk á hámarksauglýsingatíma,
sem mest má nema 8 mínútum á
klukkustund í stað 12 mínútna há-
marks í gildandi lögum. Að mati
Ríkisútvarpsins má ætla að árleg
tekjurýrnun vegna þessara breyt-
inga verði 395 milljónir kr.
Í nýju lögunum er aukin áhersla
lögð á almannaþjónustuhlutverk
Ríkisútvarpsins. Skilið er á milli svo-
nefndrar fjölmiðlaþjónustu í al-
mannaþágu og annarrar starfsemi
Ríkisútvarpsins, sem fara muni fram
í dótturfélögum þess.
Við atkvæðagreiðsluna í gær var
felld breytingartillaga Sivjar Frið-
leifsdóttur um að Ríkisútvarpið skuli
veita öllum gildum framboðum til
Alþingis jafnan útsendingartíma til
að kynna stefnumál sín. Þá var einn-
ig felld breytingartillaga Þorgerðar
K. Gunnarsdóttur og Guðlaugs Þórs
Þórðarsonar um að minnst 20% af
fjárveitingum til dagskrárgerðar
Ríkisútvarpsins skuli varið til kaupa
á innlendu efni af sjálfstæðum fram-
leiðendum.
Illugi Gunnarsson og Birgitta
Jónsdóttir lýstu bæði áhyggjum við
umræðurnar í gær af því að þessi
löggjöf yrði brátt úrelt vegna örra
tæknibreytinga. Sagði Illugi að í lög-
unum væri hlutverk Ríkisútvarpsins
skilgreint of vítt. Sat Illugi hjá við
atkvæðagreiðsluna. Katrín Jak-
obsdóttir menntamálaráðherra
sagði brýna þörf í samfélaginu fyrir
öflugan almannaþjónustumiðil.
Ný lög Skilið er á milli fjölmiðlaþjónustu í almannaþágu og annarrar starf-
semi Ríkisútvarpsins, einkum á sviði samkeppnisreksturs, í nýju lögunum.
Þrengt að auglýs-
ingaumsvifunum
 Ný lög um Ríkisútvarpið samþykkt
www.snakk.is Fitness popp er á
HEILBRIGÐI
ER LÍFSTÍLL
Hreyfing - Næring - Jákvæðni
Létt og trefjaríkt