Morgunblaðið - 14.03.2013, Blaðsíða 48

48 DÆGRADVÖL
MORGUNBLAÐIÐ FIMMTUDAGUR 14. MARS 2013
Stjörnuspá
21. mars - 19. apríl 
Hrútur Farðu í gegnum þá hluti í fórum þín-
um sem tilheyra öðrum. Þú hefur ákveðið að
hreinsa upp vitleysuna eftir einhvern annan.
Haltu þínu striki og þá mun allt fara vel.
20. apríl - 20. maí 
Naut Þú gefur mikið af sjálfri/um þér og læt-
ur skoðanir þínar sterklega í ljós. Samskipti
við stórar stofnanir og stjórnvöld munu
ganga vel og bæta hag þinn.
21. maí - 20. júní 
Tvíburar Þú munt njóta góðs af einhverju og
skalt ekki gleyma þeim sem minna mega sín.
Njóttu athyglinnar sem þú átt skilið.
21. júní - 22. júlí 
Krabbi Notaðu tímann til samstarfs við aðra
og farðu jafnvel í ferðalag með einhverjum.
Það er ástæðulaust að þú látir skoðanir þínar
liggja í láginni.
23. júlí - 22. ágúst 
Ljón Mundu að virða skoðanir annarra þótt
þær komi ekki alveg heim og saman við það
sem þér finnst. Látið það ekki fara í taug-
arnar á ykkur, takið því sem sjálfsögðum hlut.
23. ágúst - 22. sept. 
Meyja Neitaðu þér ekki um ánægjuna af góð-
um félagsskap. Kaupirðu þér föt skaltu klæð-
ast þeim oftar en einu sinni eða tvisvar og
ekki fleygja þeim inn í skáp og aldrei fara í
þau aftur.
23. sept. - 22. okt. 
Vog Þótt það freisti að láta berast með
straumnum skaltu íhuga hvað er í húfi hverju
sinni. Líklega hefur þér tekist að framkvæma
eitthvað sem aðrir töldu óhugsandi.
23. okt. - 21. nóv.
Sporðdreki Þú færð endalaust nýjar hug-
myndir, eiginlega svo margar að þú verður að
reyna að setja þér mörk. Sýndu meiri auð-
mýkt gagnvart öðrum og umhverfi þínu.
22. nóv. - 21. des.

Bogmaður Vertu vakandi fyrir tækifærum
sem kunna að bjóðast í fjármálum. Talarðu
kannski fyrir daufum eyrum? Það skyldi þó
aldrei vera.
22. des. - 19. janúar 
Steingeit Vinalegt eðli þitt kemur að góðum
notum í dag. Forðastu ákvarðanir í stórum
málum og umfram allt reyndu að ná jarð-
sambandi aftur.
20. jan. - 18. febr. 
Vatnsberi Þótt það sé freistandi að leggja
ýmislegt á sig til þess að komast hjá rifrildi
eru takmörk fyrir því sem öðru. Gagnrýni,
þótt hún sé uppbyggjandi, hjálpar ekkert.
19. feb. - 20. mars

Fiskar Þótt þér leiðist að fara ofan í saumana
á málum aftur og aftur er það nauðsynlegt ef
þú vilt hafa allt á hreinu. Greindu möguleika
þína og einbeittu þér að þeim.
Guðmundur Ó. Guðmundssonbenti á innsláttarvillu umsjón-
armanns í vísu eftir Guðmund Jóns-
son í Vísnahorni á dögunum, en hún
er rétt svona:
Hér á að vera, hér á að bera niður,
hér á að laga handfærin,
hér á að draga þyrsklinginn.
Vísan var sótt í öndvegisritið
Skagfirðingabók og þar er einnig
að finna skemmtilega frásögn úr
skúffuhorni Hannesar Péturssonar
af séra Bjarna í Felli:
„Dálítið hefur geymzt af kveð-
skap eftir Bjarna prest, þar á meðal
er staka ein. Henni fylgir sú sögn
að prestur hafi gist á bæ einum í
Fellssókn og væri mikil óværð í
rúminu, þar sem honum var vísað
til svefns. Þá kvað hann:
Flærnar setjast fljótt til borðs,
flá og naga gestinn.
Það mun þykja illt til orðs,
ef þær drepa prestinn!
Bjarni prestur slapp lifandi úr
þessari sæng og dó seinna á öðrum
bæ í sókn sinni.“
Sá mæti hagyrðingur og góðvin-
ur Vísnahornsins Jón Ingvar Jóns-
son hefur farið öfugum megin fram
úr þegar hann orti:
Mér er sæmst að hengja haus
og horfa niður,
enda hæfileikalaus
ljóðasmiður.
Ekki stóð á viðbrögðum. Davíð
Hjálmar Haraldsson kastaði fram:
Auðvitað kannt’að yrkja brag
en ekkert mun ganga hjá þér
glápir þú nótt sem nýtan dag
niður á punginn á þér.
Pétur Stefánsson kastaði fram:
Vísnasmiður vappar burt,
veldur trega sárum.
Jón Ingvar ég kveð með kurt
og krókódílatárum.
En bætti við vísum undir yf-
irskriftinni „Sorgardagur í Leir-
heimi“:
Þessi lipri kvæðakjaftur
kætti vora þjóð.
Kveða vill hann enn og aftur
aldrei framar ljóð.
Ævi mín er öll í tjóni
eins og vera ber.
Að lesa ekki ljóð frá Jóni,
leiða veldur mér.
Þá Helgi Zimsen:
Öfugum sannleik oft þó þeysi
eins og mesta flón.
Skortur á hæfileikaleysi
löngum þjakar Jón.
Pétur Blöndal pebl@mbl.is
Vísnahorn
Af þyrsklingi, presti og
ótrúlegri yfirlýsingu
Í klípu eftir Mike Baldwin eftir Jim Unger
„EKKI TAKA NEINA RAUÐA PILLU, OG EF
ÞAÐ VIRKAR EKKI, EKKI ÞÁ TAKA NEINA
BLÁA PILLU.“
Hermann
Ferdinand
Hrólfur hræðilegi
Grettir
... þegar laglínan vekur
minningar.
ÞVÍLÍKUR
DAGUR!
VIÐ KOMUMST FRÁ
SKOTLANDI MEÐ RÁNS-
FENG, VIÐ ILLAN LEIK ...
... OG SIGLDUM SVO Á
ÍSJAKA SEM SÖKKTI
SKIPINU.
ERTU VISS UM AÐ
ÞÚ VILJIR ÞETTA
SKOSKA VISKÍ Á
ÍS, SEM ÞÚ VARST
AÐ PANTA?
LANGAR ÞIG AÐ HJÁLPA MÉR AÐ
PRÓFA NÝJU STEIKARPÖNNUNA
MÍNA?
ENDI-
LEGA!
EN GAMAN! ÉG ÆTLA AÐ BJÓÐA
ÖLLUM VINUM MÍNUM LÍKA.
BÍDDU, ÉG KEM FLJÓTT AFTUR!
KANNSKI VAR ÞETTA RÁÐABRUGG
AÐEINS OF AUGLJÓST.
ENGIN
AFSÖKUN
VINSAM-
LEGAST
GEFIÐ
USS,
USS!
Fit Hostel nefnist ný heimild-armynd í leikstjórn Ingvars
Ágústs Þórissonar og Kolfinnu
Baldvinsdóttur sem frumsýnd var í
Bíó Paradís í gærkvöldi. Þar fær
áhorfandinn að fylgjast með daglegu
lífi tíu hælisleitenda og viðureign
þeirra við kerfið, sem er svifaseint
og þungt í vöfum, á þriggja ára tíma-
bili, frá 2008 til 2011. Hælisleitend-
urnir segja sögu sína af æðruleysi,
einn frá Írak, annar frá Afganistan,
þriðji frá Indlandi, fjórði frá Gana og
fimmti frá Rússlandi. Þeir eru þol-
inmóðir, en kannski ekki ýkja von-
góðir; líta svo á að þeir séu ekki au-
fúsugestir. Í myndinni er enginn
dómur lagður á sögu þeirra, áhorf-
andanum er látið eftir að leggja mat
á frásögnina. Eru hælisleitendurnir í
raunverulegri hættu? Hefur eigandi
indversks rútufyrirtækis slík ítök að
hann geti látið elta fjandvin sinn um
alla Evrópu til að klekkja á honum?
Samtal við rússneska konu í hæl-
isleit á Íslandi er sérlega átakanlegt.
Það fer ekki á milli mála að fyrir
henni er ógnin raunveruleg.
x x x
Í myndinni koma fyrir Íslendingar,sem taka upp hanskann fyrir hæl-
isleitendurna. Íslendingunum er
mun meira niðri fyrir. Barátta
þeirra hefur ugglaust orðið til þess
að vekja athygli á örlögum hælisleit-
enda sem virðast vera að daga uppi í
skriffinnskulimbói. Íslendingarnir
eru hins vegar tilbúnir að ganga það
langt að sú spurning vaknar hvort
aðgerðir þeirra þjóni í raun hags-
munum hælisleitendanna eða
skemmi fyrir.
x x x
Það er greinilegt að hælisleitend-urnir búa ekki við neinn munað
á gistheimilinu Fit í Reykjanesbæ.
Þeir eru hver ofan í öðrum líkt og í
verbúð og eins gott að sam-
komulagið sé í lagi og þeir hafi ekki
ofnæmi fyrir návígi, að ekki sé talað
um þegar dvölin teygist í mörg ár. Í
myndinni kemur fram hversu erfitt
er að fá hæli á Íslandi, en það er þó
ekki með öllu vonlaust. Í lokin fær
áhorfandinn að vita að helstu við-
mælendurnir hafi fengið tímabundið
dvalarleyfi hér á landi.
víkverji@mbl.is
Víkverji
Jesús sagði þeim: „Ég er brauð lífsins.
Þann mun ekki hungra sem til mín
kemur og þann aldrei þyrsta sem á
mig trúir. (Jóhannesarguðspjall 6:35)
F Y R I R Þ I G O G Þ Á S E M
Þ É R Þ Y K I R V Æ N S T U M !
KRINGLUNNISími: 5513200
ERUM AÐ
TAKA UPP
NÝJAR VÖRUR
FYRIR DÖMUR!