Morgunblaðið - 14.03.2013, Blaðsíða 50
50 MENNING
MORGUNBLAÐIÐ FIMMTUDAGUR 14. MARS 2013
FOCUS
ORKUDRYKKUR
Aukin orka, úthald og einbeiting
með koffín, guarana og ginseng
Góðar ástæður
a Áhrifarík innihaldsefni - virkar samstundis
a Freyðitöflur - 15 stk. Leystar upp í vatni þegar þér hentar
a Aðeins 2 hitaeiningar í 100 ml
a Inniheldur „electrolytes” - gott fyrir vökvajafnvægi líkamans
a Ótrúlegt verð
Hentar vel
a Fyrir allar aðstæður sem þú gætir þurft á
aukinni orku að halda
a Alltaf við hendina – heima, í vinnunni,
íþróttatöskunni, skólatöskunni, golfpokanum...
Fæst í helstu apótekum
brokkoli.is
Helgi Snær Sigurðsson
helgisnaer@mbl.is
Bandaríski tónlistarmaðurinn John
Grant sló í gegn með fyrstu sólóplötu
sinni, Queen of Denmark, sem kom út
árið 2010 og var m.a. valin plata árs-
ins af hinu þekkta tónlistartímariti
Mojo. Ári síðar kom hann fram á tón-
listarhátíðinni Iceland Airwaves og
heillaðist svo mjög af Íslandi að hann
ákvað að setjast hér að. Og nú er
komin út önnur sólóplata Grants,
Pale Green Ghosts, tekin upp hér á
landi og þá nær eingöngu með ís-
lenskum tón-
list-
armönnum.
Birgir Þór-
arinsson,
Biggi veira,
stýrði upp-
tökum á plöt-
unni og kom
að lagasmíð-
um og ber platan þess augljós merki.
Tónlist Grants hefur tekið allnokkr-
um breytingum, raftónlist áberandi
og skal engan furða þar sem Biggi er
í rafpoppsveitinni GusGus. Af öðrum
íslenskum tónlistarmönnum sem
leika á plötunni má nefna Óskar Guð-
jónsson saxófónleikara, gítarleik-
arana Guðmund Pétursson, Smára
Tarf og Pétur Hallgrímsson og Jakob
Smára Magnússon bassaleikara.
Bakraddasöngkonan er svo ekki af
verri endanum, hin írska Sinéad
O’Connor. Platan hefur verið hlaðin
lofi og þá m.a. í dagblaðinu The Gu-
ardian sem gaf henni fullt hús stiga
og tímaritunum Uncut, Q og Clash.
Fann rétta hljóminn með Bigga
– Þessi plata er býsna frábrugðin
Queen of Denmark …
„Já, ætli hún sé það ekki. Þó er
margt á henni sem gæti hafa verið á
Queen of Denmark en raftónlist-
arhlutinn kemur líklega sumum á
óvart. Ég hef hlustað á raftónlist allt
frá unga aldri og fannst því eðlilegt
að búa til slíka tónlist, hefur langað
að gera það lengi. Ein af ástæðum
þess að ég kaus að vinna með Bigga
er sú að ég vissi að ég myndi ná þeim
hljómi sem ég sóttist eftir,“ segir
Grant. Hann segir Bigga hafa fært
tónlistinni nauðsynlega spennu og
réttan bassahljóm. „Upphaflega stóð
til að vinna plötuna í Texas en þegar
ég fór að vinna með Bigga áttaði ég
mig á því að ég yrði að gera alla plöt-
una með honum. Það var of lítil
áhætta fólgin í því að vinna aftur með
sama fólkinu.“
– Nú sló Queen of Denmark í gegn.
Var ekki erfitt að gera þessa plötu í
ljósi þeirra vinsælda?
„Jú, mjög erfitt. Ég held ég hafi
samt ekkert verið að velta því mikið
fyrir mér í hljóðveri. Það mikilvæg-
asta er að skemmta sér í hljóðverinu,
gera það sem maður vill gera. Við
Biggi skemmtum okkur konunglega,
lékum tónlist sem við ólumst upp við
hvor fyrir annan,“ segir Grant. Biggi
hafi m.a. leikið fyrir hann lög með
Grafík og lag Jóhanns Helgasonar,
„Ástarsorg“, sem Grant hefur flutt á
íslensku á tónleikum. „Við hlustuðum
líka mikið á tónlist frá 9. áratugnum,
við erum miklir aðdáendur hennar.“
– Hvað með textana, er eitthvert
þema á plötunni hvað þá varðar?
„Ég er enn að fjalla um sama ást-
arsamband og ég gerði á Queen of
Denmark en það er meiri reiði á þess-
ari plötu, greinilegt að verið er að
binda endahnút á eitthvað,“ segir
Grant. Á plötunni sé m.a. fjallað um
ástina, hvað það þýði að elska ein-
hvern eða hata, að leyfa einhverjum
að elska sig og standa berskjaldaður
frammi fyrir honum. „Ég er að kanna
hinar ýmsu tilfinningar á þessari
plötu, tala m.a. um að drepa ástina
með því að sjá hina manneskjuna í
neikvæðu ljósi í stað þess að sjá hana
sem hetju. Á heildina litið end-
urspeglar platan unglingsár mín,
Queen of Denmark snerist meira um
æskuna. Þessi plata tekst á við glund-
roða unglingsáranna, frá 12 ára aldri
til 18 eða þar um bil. Ég held að mað-
ur heyri það greinilega.“
Vildi ekki fara til helvítis
Grant glímdi við vímuefnafíkn til
margra ára og segist vera kominn
aftur á gelgjuskeiðið, á vissan hátt.
Fyrstu fimm árin eða svo eftir að
hann varð edrú hafi hann endur-
upplifað æsku sína og lært að lifa á
ný, laus við fíkniefnadjöfulinn. „Ég er
að læra að lifa lífinu í fyrsta sinn í
rauninni, ég kunni það ekki áður.“
-Þú hefur fjallað mjög opinskátt í fjöl-
miðlum um líf þitt og tilfinningar,
m.a. reynslu þína af því að vera sam-
kynhneigður og að hafa glímt við
þunglyndi og fíkn. Margir væru nú
feimnir við að tjá sig um slíka hluti.
„Ég er ekkert feiminn við það.
Milljónir manna glíma við þetta og
mér finnst ég því ekkert sérstakur að
þessu leyti, að ég eigi við önnur
vandamál að glíma en fólk almennt.
Fólk forðast að ræða þessa hluti en
mér finnst það skrítið, ég skil það
ekki. Stundum líður mér illa út af
þessu, fólk kemur til mín og spyr
hvort ég sé ekki hræddur við að vera
svona opinskár,“ svarar Grant. Það
gerist æði oft og á honum að heyra að
honum finnst það lýjandi. „Ég er ekki
að reyna að ganga í augun á fólki, ef
það væri tilgangurinn myndi ég
reyna að vera eins og Prince en það
get ég hins vegar ekki því ég er ekki
eins fær og hann. Ég er bara að gera
mitt, reyna að læra að lifa lífinu og
vera hluti af lífi annarra, fá tækifæri
til að elska einhvern á einhverjum
tímapunkti. Ef ég læri ekki að elska
sjálfan mig get ég ekki elskað ein-
hvern annan. Og ég er að reyna að
átta mig á því hvernig ég næ því, mér
er það ekki eðlislægt.“
Grant segist stóran hluta lífs síns
hafa reynt að vera einhver annar en
hann er,til að þóknast öðrum. „Ég
vildi vera gagnkynhneigður svo ég
yrði ekki fyrir stríðni eða árásum. Ég
vildi að foreldrar mínir og Guð elsk-
uðu mig. Ég vildi ekki fara til helvítis
fyrir það að vera einhver „fjandans
hommi“. Það skiptir mig því miklu
máli núna að fjalla um hlutina eins og
þeir eru, þótt það geti verið ljótt og
sársaukafullt.“
Grant heldur útgáfutónleika í Silf-
urbergi í Hörpu 16. mars nk.
Tilraun Grant sýnir á sér nýjar raftónlistarhliðar á Pale Green Ghosts, annarri sólóplötu sinni, sem hefur hlotið jákvæða gagnrýni víða, m.a. í Guardian.
Að læra að elska sjálfan sig
John Grant segist vera kominn aftur á táningsaldurinn Raftónlist er áberandi á annarri sóló-
plötu hans, Pale Green Ghosts, sem hann vann með Bigga veiru Meiri reiði en á Queen of Denmark
johngrantmusic.com