Morgunblaðið - Sunnudagur - 19.05.2013, Blaðsíða 9

19.5. 2013 MORGUNBLAÐIÐ SUNNUDAGUR 9
Yfirhalningin hlaut hörð viðbrögð enda Meridabreyst úr skoska villingnum sem neitaði aðgiftast prinsi og tók örlögin í sínar hendur yf-
ir í Hollywood-glamúrpíu. Boginn fór, beltið gert
meira töff, kjóllinn síðari og bjartari og andlitið var
gert öðruvísi. Unglingurinn var eiginlega orðinn full-
orðinn. Hárið ekki lengur úfið og reytt heldur orðið
slétt. Það var eins og hún hefði farið í öfgaþátt til
Kalla Berndsen.
Ekki er vitað hvort þeir sem hönnuðu nýju
Meridu hafi horft á myndina því í henni vildi hún
ekki vera fín og sæt heldur
frjáls.
Merida er 16 ára gömul í
myndinni, undir heraga móður
sinnar en vill stjórna sínum ör-
lögum sjálf. Hún er gríðarlega
góð bogaskytta og fáar sitja
hest tignarlegar en hún. Hún
er kröftug og glæsileg en vill
samt öllum vel, sérstaklega
yngri bræðrum sínum. Yfir 200
þúsund manns hafa nú þegar
skrifað undir áskorun til Disney
um að breyta útliti Meridu að
nýju á vefsíðunni change.org.
Disney varð við beiðninni í vik-
unni sem leið.
Höfundurinn brjálaður
Brenda Chapman, sem skrifaði
handritið að Meridu og leik-
stýrði, var allt annað en sátt
við Disney og skrifaði þeim
bréf þar sem hún sagði þeim
til syndanna. Bréfið birtist
meðal annars í breska blaðinu
The Guardian. „Þetta er ekkert annað en blygð-
unarlaus markaðssetning þar sem er verið að reyna
að búa til peninga,“ sagði hún en Merida er byggð
að hluta til á Emmu, 13 ára dóttur hennar.
„Þetta er svo mikið ábyrgðarleysi og þetta er
hræðilegt gagnvart konum og ungum stúlkum. Mark-
aðsskrifstofa Disney ætti að skammast sín fyrir að
leyfa sér þetta.“ Merida varð í síðustu viku ellefta
prinsessan í Prinsessuklúbbi Disney og fagnar Chap-
man því. En ekki útlitinu. „Mér finnst þetta grimmi-
leg örlög Meridu. Hún var gerð til að stelpur og
ungar konur hefðu betri og
sterkari fyrirmynd en þessar
gömlu prinsessur sem biðu bara
eftir rómantíkinni,“ segir Chap-
man en hún skrifaði síðan nafn-
ið sitt á change.org.
Upprunalega Merida
malar gull
Disney gaf út yfirlýsingu í vik-
unni sem leið þar sem sagði að
Merida væri gott dæmi um það
sem Disney-prinsessa þyrfti að
hafa: fegurð sem kæmi að inn-
an og að utan. Þessu mótmælir
Chapman harðlega og bendir á
að hin upprunalega Merida hafi
skilað 550 milljónum dollara í
kassann fyrir myndina, unnið
Óskarinn, Golden Globe og
Bafta auk þess sem leikföngin
eru gríðarlega vinsæl í her-
bergjum barna víða um heim,
meðal annars á Íslandi. „Þeim
hefur verið afhent á silfurfati
tækifæri til að færa neytendum
vöru sem eitthvað er spunnið í
– OG SELUR SAMT – en þeir
hafa algjörlega lítilsvirt vöruna
í nafni þröngrar sýnar sinnar á
hvað muni færa þeim tekjur,“
segir Chapman í viðtali við
Guardian og bætir við: „Ég
gleymi að markmið Disney er
að græða peninga án tillits til
heiðarleika. Kjáni get ég verið.“
NÝTT ÚTLIT MERIDU VEKUR HÖRÐ VIÐBRÖGÐ
Gríðarlegur munur var á Meridu sem birtist í myndinni Brave og þeirri sem átti að taka í prinsessuklúbb Disney.
Disney hlustaði
á aðdáendur
DISNEY-FYRIRTÆKIÐ ÁKVAÐ AÐ BÆTA MERIDU ÚR BRAVE Í SVOKALLAÐAN PRINSESSU-
KLÚBB ÞAR SEM FYRIR ERU ÞYRNIRÓS, MJALLHVÍT, JASMÍN OG FLEIRI GÓÐKUNNINGJAR.
Benedikt Bóas benedikt@mbl.is
AFP
Kvenleikstjóra ýtt til hliðar
Brenda Chapman og Mark Andrews
brugðu á leik þegar þau tóku við
Óskarsverðlaunum í febrúar fyrir að
leikstýra teiknimyndinni Brave með
Meridu prinsessu í aðalhlutverki. Nú
hefur Chapman verið vikið til hliðar í
áframhaldandi þróun Meridu vegna
„listræns ágreinings“ eins og hún
orðar það sjálf á vefsíðu sinni. Hún er
ósátt við breytingarnar á Meridu og
telur enga sérstaka upphefð fyrir
hana að vera komin í prinsessu-
klúbbinn hjá Disney.
F A G M E N N S K A A L L A L E I Ð
Skeifan 3 E-F • 108 Reykjavík • Sími 581 2333 • rafver.is
LÉTTIR ÞÉR VINNUNA
Hver hlutur á sínum stað
Innréttingar, hillu- og
skúffukerfi fyrir allar gerðir bíla
Öryggisprófað•
Tryggðu þig fyrir tjóni•
Sumarið er komið í
Álafoss
ÁLAFOSS
Álafossvegur 23, Mosfellsbær
Opið: Mánud. - Föstud. 09:00 - 18:00
Laugard. 09:00 - 16:00
www.alafoss.is