Morgunblaðið - Sunnudagur - 19.05.2013, Blaðsíða 18

Þ
að er föstudagskvöld í verslunarmiðstöð í Dubai.
Föstudagar eru frídagar og fjöldi fólks er á staðnum,
innlendir sem erlendir íbúar og ferðamenn. Inn-
fæddir eru klæddir að hefðbundnum arabískum sið.
Konurnar eru í svörtum kufli með hulið hár og sumar hylja
einnig andlit þannig að aðeins sést í augu þeirra. Karlarnir
eru í hvítum síðum kufli með arabískt höfuðfat. Við innganga
í verslunarmiðstöðina eru skilti sem kveða á um að konur
skuli hylja axlir og hné. Margar vestrænar konur virða ekki
þau tilmæli, kannski vita þær ekki um reglurnar, kannski er
þeim sama. Athygli mína vekur að starfsmenn í verslunum
eru ekki innlendir heldur frá ýmsum löndum. Að öðru leyti er
verslunarmiðstöðin svipuð öðrum verslunarmiðstöðvum sem
finna má hvarvetna í heiminum. Hún er þó um margt óvenju-
leg. Hún hefur titilinn stærsta verslunarmiðstöð í heimi og
þar er að finna stærsta fiskabúr í heimi, tíu milljón lítra tank,
með fjölda sjávardýra. Fyrir utan verslunarmiðstöðina er á
hálftíma fresti gosbrunnasýning sem sýnir á magnaðan hátt
samspil vatns, ljóss og tónlistar. Að sjálfsögðu eru það
stærstu og mestu gosbrunnar sem um getur og fara hæst í
150 metra. Yfir öllu trónir hæsta hús veraldar, Burj Khalifa,
sem er 828 metra hátt.
Slagorð verslunarmiðstöðvarinnar á vel við Dubai – „just
imagine having everything you desire“ (ímyndaðu þér að þú
eigir allt sem hugurinn girnist). Að minnsta kosti er í fursta-
dæminu að finna alla mögulega afþreyingu, svo sem skemmti-
garða, vatnsleikjagarða, golfvelli, skíða- og skautasvæði, saf-
aríferðir, kaffihús, veitingastaði, verslanir og strendur. En
það er dýrt í Dubai og dvöl þar tekur í pyngjuna. Hótelin eru
af ýmsum stærðum og gerðum. Mörg lúxushótel eru við
ströndina og þess meiri greiðslugeta því meiri lúxus og þjón-
usta í boði. Í borginni er einnig eina sjö stjörnu hótelið í
heiminum, Burj Al Arab, sem er eitt af kennileitum borg-
arinnar og kallast „Seglið“.
Hröð uppbygging
Dubai hefur byggst hratt upp á liðnum áratugum. Fursta-
dæmið er hluti af Sameinuðu arabísku furstadæmunum sem
stofnuð voru árið 1973. Um er að ræða ríkjasamband sjö
furstadæma sem eru með sameiginlega stjórnsýslu og löggjöf
en jafnframt er hver fursti einráður á sínu svæði. Eftir að ol-
ía fannst við Dubai á 7. áratugnum hófst mikil uppbygging
undir forystu þáverandi fursta, Rashids. Ætt hans hefur ráð-
ið ríkjum í Dubai frá árinu 1833 og hann er faðir núverandi
fursta, Mohammeds. Rashid hafði stórhuga áform um að gera
Dubai að alþjóðlegu viðskiptaveldi og voru framkvæmdir í
samræmi við það. Sem dæmi má nefna að á átta árum, frá
1969 til 1977, óx íbúafjöldinn úr 59 þúsundum í 207 þúsund.
Þegar Rashid lést árið 1990 fékk sonur hans Maktoum völdin
og hélt áfram metnaðarfullum framkvæmdum um að gera
Dubai að nútímalegu viðskiptaveldi. Mohammed fursti tók við
valdataumunum árið 2006 eftir lát bróður síns. Hann er jafn-
framt varaforseti og forsætisráðherra Sameinuðu arabísku
furstadæmanna. Hann hélt uppbyggingunni áfram af miklum
móð, svo miklum að fyrir nokkrum árum varð Dubai nær
gjaldþrota. Khalifa fursti í Abu Dhabi og forseti Sameinuðu
arabísku furstadæmanna kom þá til aðstoðar. Það er því ekki
tilviljun að hæsta bygging heims, Burj Khalifa, heitir í höf-
uðið á honum, en hún átti upphaflega að heita Burj Dubai.
Gamla og nýja Dubai
Hin nýja miðborg Dubai með öllum sínum stórhýsum er til-
komumikil en um leið ópersónuleg og með takmarkaða teng-
ingu við menningu og sögu landsins. Til að kynnast annarri
hlið á Dubai förum við einn morguninn í Víkina (Khor Dubai)
sem nær um 10 km inn í landið. Við byrjum Deiramegin, en
þar er verslunarhverfi með mörkuðum sem sumir hverjir
byggðust upp á 19. öld. Í þröngum strætum er að finna sölu-
bása með alls konar varningi og sölumennirnir bíða þolin-
móðir eftir kaupendum. Mér til undrunar eru þar engir
ferðamenn, aðeins heimamenn á ferð. Ég kaupi mér nýpress-
aðan ávaxtasafa í veitingavagni á markaðstorgi og nýt þess
að rölta um í heimi sem er mér framandi. Við tökum síðan
„abra“ eða fljótabát yfir Víkina. Á bátnum eru einungis
heimamenn og farið er svo ódýrt að ég trúi varla mínum eig-
in eyrum. Á leiðinni hljóma bænaköll, en fjölmargar moskur
eru báðum megin Víkurinnar. Í gamla hverfinu, Dubaimegin
Víkur, eru markaðir og þar er töluvert af ferðamönnum sem
láta reyna á prútthæfileika sína. Þaðan liggur leið okkar á
minjasafn þar sem er að finna húsakost liðins tíma og heima-
menn sýna handverk og matargerð sem tíðkaðist áður. Þar er
SVIPMYNDIR FRÁ DUBAI
Stærst og mest
PETRÍNA ÁSGEIRSDÓTTIR DVALDI Í DUBAI Í NOKKRA DAGA
Á ÁRINU 2012 MEÐ EIGINMANNI OG DÓTTUR. HÚN LÝSIR
HÉR ÞVÍ SEM FYRIR AUGU BAR Á FERÐALAGI UM SLÓÐIR ÞAR
SEM HÆGT ER AÐ FÁ ALLT SEM HUGURINN GIRNIST.
Sjö stjörnu hótelið
Burj Al Arab er eitt af
kennileitum Dubai.
18 MORGUNBLAÐIÐ SUNNUDAGUR 19.5. 2013
Ferðalög og flakk
H Ú S G AG N A H Ö L L I N • B í ld shöfða 20 • Reyk jav í k • s ím i 558 1100 O P I Ð Vi rka daga 10-18 , l augard . 11 -17 og sunnud . 13-17
69.990
FULLT VERÐ: 79.990
HAVANA
HÆGINDASTÓLL
Orange, hvítt
eða grátt áklæði
169.990
FULLT VERÐ: 199.990
GAGA
HÆGINDASTÓLL GAGA hægindastóll
með snúning
GAGA hliðarborð kr. 99.990