Morgunblaðið - Sunnudagur - 19.05.2013, Blaðsíða 23
Köld sturta Skrúfaðu fyrir heita vatnið í
lok hverrar sturtu og/eða vektu þig með
köldu vatni á andlitið á hverjum morgni.
Það er nóg að fara undir kalda vatnið í
10-20 sekúndur, en betra væri að ná einni
mínútu. Kalda vatnið vekur líkama og sál
og örvar blóðrásina svo manni hlýnar í
raun, en þetta þekkja þeir sem stunda
sjósund. Kalt vatn getur gert húðina
stinnari og er því náttúruleg leið til að
líta betur út.
Sítrónuvatn Byrjaðu daginn
á því að fá þér volgt eða heitt
vatn með safa úr hálfri sítrónu.
Það hreinsar tunguna og getur
auðveldað lifrinni að losna við
úrgangsefni. Þá er sítróna frá-
bær uppspretta C-vítamíns
sem styrkir ónæmiskerfið. Sí-
tróna er, ólíkt öðrum sítr-
usávöxtum, basísk fæða og get-
ur hjálpað til við að jafna ph-gildi
líkamans. Þá getur sítróna bætt
meltinguna.
Andlitsgufubað Til að hreinsa húðina vel er tilvalið að fara í andlits-
gufubað og setja jurtir í vatnið. Hitinn opnar svitaholurnar, hreinsar og örv-
ar blóðrásina. Gufan mýkir húðina og þegar svitaholurnar opnast streymir
svitinn ekki aðeins út, heldur nemur húðin góð áhrif jurtanna. Rannsóknir
Leeds Metropolitan University sýndu að áhrifamesta jurtin til að hreinsa
óhreina húð er timjan. Þá getur rósmarín og fennika einnig verið áhrifarík.
Aðferð: Settu tvær lúkur af ferskum jurtum eða 3 matskeiðar af þurrk-
uðum í skál, helltu 1,5 l af sjóðandi vatni yfir og hrærðu létt með trésleif.
Haltu andlitinu yfir skálinni í um 30 cm frá vatnsyfirborðinu og settu hand-
klæði yfir höfuðið til að mynda tjald yfir skálinni, lokaðu augunum og njóttu
hitans í 5-10 mínútur. Þvoðu þér svo með volgu vatni og svo köldu til að
loka svitaholunum. Það er sannarlega hægt að gera margt gott fyrir sál og
líkama heima í rólegheitum, án mikillar fyrirhafnar eða tilkostnaðar. Njótið!
19.5. 2013 MORGUNBLAÐIÐ SUNNUDAGUR 23
Fylgni á milli hjarta- og æða-sjúkdóma og líkamlega krefj-andi starfa var rannsökuð í
Grikklandi annars vegar og önnur
var framkvæmd í Belgíu og Dan-
mörku. Sagt er frá niðurstöðum
þeirra á vefsíðunni hjartalif.is
Í Grikklandi voru bornir saman
hópar; 250 sjúklingar sem höfðu
fengið heilablóðfall í fyrsta skipti
og 250 sjúklingar sem höfðu fengið
sitt fyrsta hjartaáfall voru bornir
saman við hóp 500 heilbrigðra ein-
staklinga.
20% minni líkur á áfalli
„Þegar störf þátttakenda voru met-
in þá kom í ljós að þeir sem voru í
heila- og hjartaáfallahópnum voru
líklegri til að vinna erfiðisvinnu en
þeir sem voru í samanburðar hópn-
um og eftir því sem starfið var
meira líkamlega krefjandi, því
meiri var áhættan.“
Þegar tillit hafði verið tekið til
kyns, aldurs, reykinga, blóðþrýst-
ings, kólesteróls, sykursýki, fjöl-
skyldusögu og mataræðis kom í
ljós að eftir því sem líkamlegt álag
mældist minna í starfi tengdist það
20% minni líkum á því að þjást af
hjarta- eða heilablóðfalli.
Dr. Demosthenes Panagiotakos
sem stjórnaði rannsókninni, segir
ekki ljóst hvers vegna erfiðisvinna
sé tengd aukinni áhættu á hjarta-
og æðasjúkdómum en hins vegar
væri ljóst að tengsl vektu athygli á
nauðsyn þess að hópurinn fengi
aukna fyrirbyggjandi meðferð í
heilbrigðiskerfinu.
Hin rannsóknin, sem Dr. Els
Clay stýrði og gerð var í Belgíu og
Danmörku, sýndi einnig tengsl erf-
iðisvinnu við auknar líkur á hjarta-
og æðasjúkdómum. Fylgst var með
14.000 miðaldra karlmönnum sem
höfðu ekki sögu um hjartasjúk-
dóma og þeim fylgt eftir að með-
altali í þrjú ár. Eftir að tekið var
tillit til ýmissa atriða, aðallega
þeirra sem nefndir voru vegna
hinnar rannsóknarinnar, kom í ljós
að í heildina hafði líkamleg virkni í
frítíma jákvæð áhrif á heilsu.
Yfirálag á hjarta- og æðar
Þó komu fram samvirkniáhrif sem
lýstu sér þannig að líkamleg virkni
í frítíma gerði það 60% ólíklegra að
þeir fengju hjarta- eða æðasjúk-
dóma sem voru lítið sem ekkert
líkamlega virkir í starfi sínu. Þessa
lækkun á áhættu var þó ekki að
finna hjá þeim sem unnu erfiðis-
vinnu og sem aftur á móti voru
fjórfalt líklegri til að veikjast en
hinir ef þeir stunduðu einhverskon-
ar líkamsrækt í frítíma sínum.
Dr. Clay sagði niðurstöður rann-
sóknarinnar benda til þess að frek-
ari hreyfing í frítíma þeirra sem
eru líkamlega úrvinda eftir vinnu-
daginn hafi ekki góð áhrif heldur
valdi þvert á móti yfirálagi á hjarta
og æðakerfið. Þá benti hann á að
það væri mjög mikilvægt út frá
lýðheilsusjónarmiðum að vita hvort
ráðleggja skuli fólki að stunda
hreyfingu í frítíma sínum ef það nú
þegar stundar líkamlega erfiða
vinnu.
Áföll og erfiði
TVÆR NÝJAR EVRÓPSKAR
RANNSÓKNIR GEFA TIL
KYNNA AÐ EFTIR ÞVÍ SEM
MENN STUNDA LÍKAMLEGA
ERFIÐARI VINNU ÞVÍ HÆTT-
ARA SÉ ÞEIM EN ÖÐRUM Á
AÐ FÁ HEILABLÓÐFALL OG
HJARTAÁFALL.
Tvær nýjar rannsóknir gefa til kynna að eftir því sem menn stunda líkamlega erf-
iðari vinnu því hættara sé þeim en öðrum við að fá heilablóðfall og hjartaáfall.
Morgunblaðið/Kristinn