Morgunblaðið - Sunnudagur - 19.05.2013, Blaðsíða 22
Epsom-saltbað Epsom-saltbað er þekkt fyrir að vera
slakandi, draga úr verkjum og bólgum í líkamanum. Það er
einnig frábær leið til að hreinsa dauðar húðfrumur. Epsom-
saltið er líka gott gegn bólum, til að mýkja húðina og draga
úr hrukkumyndun. Aðferð: Settu 300-500 g af Epsom-salti í
heitt bað. Farðu ofan í og nuddaðu saltið inn í húðina á
meðan það er að leysast upp. Það hreinsar dauðar húð-
frumur. Slakaðu svo á í 15 mínútur á meðan Epsom-saltið
smýgur inn í húðina. Þar sem Epsom-saltið er sérstaklega
virkt salt er Epsom-saltbað ekki ráðlagt fyrir fólk með
hjartavandamál, háan blóðþrýsting eða sykursýki, nema að
ræða það við lækni fyrst.
Þurrburstaðu líkamann
Þurrburstaðu líkamann helst
3-4 sinnum í viku eða minnst
einu sinni í viku. Það er ekki
langt síðan þurrburstun var tal-
in vera hálfgerð vitleysa og
tímaeyðsla, en þykir nú sjálf-
sögð. Þurrburstun gjörbreytir
ekki aðeins áferð húðarinnar
þegar dauðar húðfrumur
hverfa, heldur örvar burstunin
fitukirtla húðarinnar og blóð-
streymið. Húðin verður því
mýkri og fær á sig fallegan gljáa.
Aðferð: Notaðu þéttan og svo-
lítið grófan bursta, lúffu eða
hanska til að bursta húðina.
Ekki bleyta hann eða húðina
heldur burstaðu þurra húðina
og byrjaðu við ökkla. Burstaðu
alltaf upp á við eða að hjartanu.
Forðastu að bursta brjóst og
burstaðu aðeins létt og í mjúka
hringi yfir maga. Ekki gleyma
andlitinu en til þess þarf mjúkan
bursta eða þurran bómullar-
klút. Skelltu þér svo í góða
sturtu og ekki verra ef hún er
köld.
Lárpera fyrir þurra húð
Fyrir þurra húð getur verið
gott að taka að mestu inn-
an úr lárperu (avocado)
og nudda innanverðum
berkinu yfir hreinan háls
og andlit og skola með
volgu vatni. Einnig getur
verið áhrifaríkt til að auka
raka húðarinnar og loka svita-
holunum að nota léttpískaða
eggjahvítu. Berðu hana á húðina
með fingurgómunum.
ÓDÝR VELLÍÐAN EN ÁRANGURSRÍK
Dekraðu við
þig heima
SUMARIÐ ER FRAMUNDAN OG ÞVÍ ER UM AÐ GERA
AÐ LÁTA SÉR LÍÐA SEM ALLRA BEST. HÉR SEGIR AF
NOKKRUM AÐFERÐUM SEM GEFA GÓÐA RAUN EN
ERU BÆÐI ÓDÝRAR OG ÁRANGURSRÍKAR.
Borghildur Sverrisdóttir borghildur74@gmail.com
Mælt er með því að fólk fari í kalda sturtu heima því kalda vatnið vekur líkama og sál og örvar
blóðrásina. Vart þarf að taka fram að ekki er síðra að njóta hins tæra kalda vatns úti í náttúrunni.
Morgunblaðið/Arnaldur
22 MORGUNBLAÐIÐ SUNNUDAGUR 19.5. 2013
Heilsa og hreyfing
Ég heyrði af mjög einkennilegu viðhorfi um daginnsem ég vona að sé ekki víðtækt.Ein hörkudugleg kona á sextugsaldri sagði mér
frá samtali sínu við samstarfskonu sína. Þessi hörkudug-
lega hjólaði einn daginn í vinnuna
úr ræktinni og var örlítið móð þeg-
ar hún kom inn en endurnærð og
tilbúin að takast á við daginn.
Samstarfskona hennar á svip-
uðum aldri
spyr hana
hvort þetta sé
nú ekki að
verða búið.
Mín kona skil-
ur ekki alveg
spurninguna
og spyr hvað sé að verða búið. „Þessi
líkamsrækt alltaf hreint,“ segir sam-
starfskonan. „Jú, jú, einmitt. Ég er
búin í dag, en á morgun tekur við nýr
dagur,“ svarar mín og brosir. Sam-
starfskonan heldur áfram og spyr hvort hún ætli sér alltaf
að vera í þessu sprikli, hvort hún ætli aldrei að slaka á.
Mín útskýrir að hreyfingin sé nú hluti af daglegri rútínu
hjá sér og veiti henni einmitt svo mikla slökun og vellíðan.
Lengi býr að fyrstu gerð
Vana- og hegðunarmynstur okkar hefur mikil áhrif á lík-
amlega og andlega heilsu og oft er erfitt að breyta áralöng-
um venjum hversdagsleikans. Því er svo mikilvægt að
skapa tiltekna hegðun snemma, því þær
eiga það til að festast við mann. Okkur
er kennt þegar við erum lítil að bursta
tennurnar á hverjum degi, fara í hreina
sokka, heilsa með handabandi og þakka
fyrir okkur svo dæmi séu tekin. Þess
vegna gerum við það á hverjum degi án
þess að hugsa um það. „Kennslan“ fer
ekki síst fram í gegnum foreldrana
sjálfa sem eru stærstu fyrirmyndirnar
og þeir eru það líka varðandi hreyf-
inguna. Ef hreyfing er hluti af hvers-
dagsleikanum sem barn eru meiri líkur
á að hún verði það líka á fullorðinárum og minni líkur á að
maður velti fyrir sér að hætta henni einn daginn.
Sá hæfasti lifir!
Ég tel að Darwin hafi hitt naglann á höfuðið þegar hann
sagði að það sem segði til um lífslíkur lífverunnar væri að-
lögunarhæfni hennar. Sá hæfasti lifir! Allar lífverur ganga í
gegnum einhverjar breytingar á æviskeiði sínu og því er
það gulls ígildi að kunna að bregðast rétt við slíkum breyt-
ingum. Góð aðlögunarhæfni er það sem færir okkur vel-
gengni, í víðasta skilningi þess orðs, á meðan vanhæfni til
aðlögunar lætur okkur dragast aftur úr og veikjast.
Offituvaldamál Vesturlanda er af mörgum talið faraldur,
í það minnsta alvarlegt heilbrigðisvandamál. Hér er um að
ræða afleiðingu óheilbrigðs hegðunarmynsturs okkar og
slæmra ávana, þar sem við nýtum til dæmis ekki líkama
okkar nægilega, þó að meltingarvegurinn hafi oftast nóg að
gera! Við höfum ekki haft nægilega aðlögunarhæfni og ekki
náð að bregðast rétt við breytingum síðustu 100 ár. Þegar
lífsins gæði og tækifæri eru í hættu vegna hreyfingarleysis
og ofneyslu sýnir það fram á aðlögunarhæfni að endur-
skoða hegðunarmynstur okkar áður en það verður of seint.
„ER ÞETTA EKKI AÐ VERÐA BÚIÐ?“
VANA- OG HEGÐUNARMYNSTUR OKKAR HEFUR MIKIL ÁHRIF Á LÍKAMLEGA OG ANDLEGA HEILSU OG OFT ER ERFITT AÐ BREYTA ÁRALÖNGUM
VENJUM HVERSDAGSLEIKANS. FORELDRAR ERU MIKILVÆGUSTU KENNARARNIR OG STÆRSTU FYRIRMYNDIR VARÐANDI HREYFINGU.
BORGHILDUR
SVERRISDÓTTIR
Heilbrigt
líf