Morgunblaðið - Sunnudagur - 19.05.2013, Blaðsíða 34
N
ýsköpunarfyrirtækið OZ tekur senn í notkun nýja tækni til að
streyma sjónvarpsefni yfir netið. „Þetta er okkar sýn á það
hvernig sjónvarp ætti að vera í framtíðinni,“ segir Guðjón Már
Guðjónsson, stofnandi fyrirtækisins. Allt er í raun tilbúið, próf-
anir standa þó enn yfir en Guðjón gerir ráð fyrir því að formlega verði farið
af stað á næstu vikum.
Tæknin nýja kallast einfaldlega OZ. Grunnurinn í breytingunni er sá að
ekki þarf lengur að flytja dagskrá sjónvarpsstöðvar niður á einhvern ákveð-
inn afruglara heldur er horft á útsendingar í síma eða spjaldtölvu og fyrst í
stað verður einungis hægt að notast við slíkar græjur frá Apple; iPad, iPad
touch eða iPhone með iOS 6. Rétt er að taka fram að hægt er að streyma
efninu áfram á hefðbundna skjái. „Ef þú átt Apple TV box, sem búið er að
tengja við sjónvarpið, er hægt að varpa útsendingunni af spjaldtölvunni yfir
á sjónvarpsskjáinn með einum takka.“ Og allt er þetta í háskerpu.
Kerfið safnar efni fyrir notandann
„Þegar byrjað er að nota OZ er hægt að láta kerfið vita á hvaða þáttaserí-
um þú hefur áhuga, svo dæmi sé tekið, og eftir að smellt er á einn hnapp
sér það um að byggja upp myndasafn með því efni sem þú vilt.“
Guðjón nefnir að gamla, góða VHS-myndbandstækið hafi þótt mikil fram-
för á sínum tíma. „Það gat reyndar verið dálítið flókið að stilla á upptöku
fram í tímann á litlum skjánum og í minni fjölskyldu var það til dæmis bara
hún amma gamla sem kunni það! Svo varð VHS-tækið úrelt og í raun hafði
ekkert gerst síðan varðandi þægindi við
slíkar upptökur. Við erum að leysa þá þörf
núna.“
Hann segir OZ ekki í samkeppni við
sjónvarpsstöðvar með hinni nýju tækni,
vill frekar taka þannig til orða að verið sé
að blása lífi í stöðvarnar. „Við vinnum ná-
ið með sjónvarpsstöðvum, en mörg fyrir-
tæki, til dæmis í Kísildalnum, einbeita sér
frekar að því að skipta stöðvunum út. Á
sjónvarpsstöðvunum er mjög öflugt fólk í
dagskrárgerð og með kerfinu okkar geta
stöðvarnar gert upplifunina þægilegri fyr-
ir neytandann en upp á gamla mátann.“
365 og RÚV
Engar áhyggjur þarf að hafa af því
hvenær þáttur er á dagskrá því
hægt er að horfa á hann hvenær
sem er. Boðið er upp á slíkt nú þegar
í VOD, sem stendur fyrir Video on
demand og stundum kallað gagn-
virkt sjónvarp, en Guðjón segir að
búast megi við ýmsum nýjungum á
því sviði.
Vert er að nefna að með hinni
nýju tækni er hægt, þegar horft er á
beina útsendingu, að spóla til baka –
allt að klukkustund – til dæmis ef
viðkomandi hefur misst af byrjuninni.
Stórsniðugt og eflaust kærkomið fyrir
marga.
Guðjón segir OZ leggja mikinn metnað
í að verða með fyrsta flokks úrval af
stöðvum. „Í raun geta allar tengst okkur á
mjög einfaldan máta, nú þegar hafa bæði 365
miðlar og RÚV tengst kerfinu og heilmikið er á döfinni,“ segir
hann.
„Við erum íslenskt nýsköpunarfyrirtæki að þróa lausn fyrir alþjóðlegan
markað. Ísland er fyrsta landið og það er mjög spennandi fyrir okkur að
byrja hér heima; ekki bara vegna þess að fyrirtækið er íslenskt heldur líka
vegna þess að spennandi er að byrja á litlum markaði þar sem hlutirnir
geta gerst fyrr en á þeim stóru. Íslendingar eru fljótir að tileinka sér nýja
tækni en varðandi upplifun í sjónvarpi höfum við verið aftarlega á merinni.
Við trúum því þess vegna að okkar lausn sé kærkomin viðbót við upplifun á
sjónvarpi hér á landi.“
Byltingarkennd framtíðarsýn
OZ HEFUR KYNNT BYLTINGARKENNDA FRAMTÍÐARSÝN Á
SJÓNVARPSNOTKUN. AFRUGLARI VERÐUR ÓÞARFUR OG
HÆGT AÐ HORFA Á SJÓNVARPSEFNI HVAR SEM ER OG
HVENÆR SEM ER Í SÍMANUM EÐA SPJALDTÖLVUNNI.
Skapti Hallgrímsson skapti@mbl.is
Guðjón Már stofnandi OZ: „Þróum lausn fyrir alþjóðlegan markað.“
Morgunblaðið/Golli
* „Íslendingar eru fljótirað tileinka sér nýjatækni en varðandi upplifun
á sjónvarpi höfum við verið
aftarlega á merinni.“
*Græjur og tækniMeð sniðugri vefsíðum er IFITT.COM sem tengir saman 62 ólík forrit »38