Morgunblaðið - Sunnudagur - 26.05.2013, Page 38

*Föt og fylgihlutir Tískuvikan í Rio bar með sér baðföt og berar axlir í bland við kvenlegan glæsileika »40
Hver hafa verið bestu kaupin þín fatakyns?
Mamma var mjög hagkvæm þegar ég var lít-
il og keypti alltaf föt á útsölu. Það situr svo-
lítið í mér að kaupa aldrei dýr föt, en ég
lenti reyndar í því að kaupa Kron Kron skó,
sem eru ekki þeir ódýrustu – og samkvæmt
því sem ég ólst við í Noregi voru það auðvit-
að fáránleg kaup. En skórnir eru svo fallegir
og góðir að þeir eru hverrar krónu virði.
Örugglega bestu kaupin.
En þau verstu?
Sennilega tennissokkar úr Rúmfatalagernum
– einnota drasl.
Hvar kaupir þú helst föt?
Ef ég kaupi eitthvað er það
helst í Centro á Akureyri,
þar sem oft eru til
skemmtileg föt. Annars
sauma ég mest af mínum
fötum sjálf.
Hver er flottasta
búð sem þú
hefur komið í?
Það er auðvitað mín
eigin búð; Jólabasar
Helga og Beate, sem
við erum alltaf með í
Populus Tremula í Gilinu
á Akureyri í desember. Þar
seljum við föt, eldsmíðað dót,
málverk og margt fleira.
Manstu eftir einhverjum
tískuslysum sem þú tókst
þátt í?
Ég hef aldrei tekið þátt í tískuslysi. Sumum
finnst ég reyndar vera tískuslys – en ég við-
urkenni það aldrei!
Hvað hefurðu helst í huga
þegar þú velur föt?
Aðalmálið er að þau séu falleg og ég vil að
fötin séu kvenleg og helst rómantísk. Ég vil
hafa þau blómleg, ekki jussuleg
eða karlmannleg. Föt eiga
að draga fram hin kvenlegu
form.
Litadýrð eða svarthvítt?
Litadýrð. Mér finnst svarthvítt
leiðinlegt. Of öruggt. Ég vil taka séns.
Hefurðu augastað á einhverju
fallegu fyrir sumarið?
Ég hef ekki séð neitt sérstakt í búðum
ennþá, en ég vil eitthvað sem er ekki óléttu-
föt! Ég á að eiga eftir mánuð og vil þá kom-
ast í falleg, venjuleg föt; aðsniðin, kvenleg
föt.
Hvaða þekkta andlit finnst
þér með flottan stíl?
Anna Richardsdóttir spunadansari á Ak-
ureyri. Hún er litadýrð. Mjög áberandi kona
vegna þess að hún klæðir sig svo skrautlega.
Hún þorir og gerir; spyr hvernig
sér líður en ekki hvað öðrum
finnst. Hún fær plús fyrir
það.
Áttu þér einhvern uppá-
haldsfatahönnuð?
Ég man aldrei nöfn og því
er enginn einn í
uppáhaldi. Ég fer
hins vegar stundum
í bókabúð og skoða
tískublöð, verð fyrir
áhrifum frá einhverjum
hönnuði og sauma mér svo
sjálf föt hérna heima.
Ef þú þyrftir aldrei að kíkja á
verðmiðann, hvaða flík
eða fylgihlut myndirðu
kaupa?
Ég er mjög svag fyrir
einu; mig langar rosalega í demantshring og
hann á að vera með einum stórum demanti,
ekki mörgum litlum.
Ég fékk einu sinni lánaðan svoleiðis hring
hjá vinkonu minni þegar ég átti afmæli en
týndi honum við gegningar í útihúsum, og
hélt ég myndi deyja … Ég fór og leitaði og
fann hringinn í heyinu; fann nál í heystakki!
Það er því sennilega ekkert vit í að kaupa
eitthvað svona dýrt fyrst hægt er að týna
því. Og ég veit að ég mun líklega aldrei
eignast slíkan hring, en það er gaman að
langa í hann. Löngunin er skemmtileg!
Ef þú fengir aðgang að tímavél sem gæti
flutt þig aftur til árs að eigin vali og þú
fengir dag til að versla, hvaða ár mynd-
irðu velja og hvert færirðu?
Ég myndi sennilega fara til miðalda, því þær
eru í miklu uppáhaldi hjá mér. Ég býst ekki
við að finna neinar sérstakar verslanir þar;
yrði líklega frekar að finna skraddara. En ég
heillast af miðöldum, bæði eru fötin gæðaleg
og efnin náttúruleg og lífsstíllinn áhugaverð-
ur; til dæmis að hafa ekki sjónvarp og síma.
Og ég myndi sennilega vilja búa á Gásum,
þar er gott að vera.
Morgunblaðið/Skapti Hallgrímsson
Anna Richardsdóttir spunadansari á Akureyri er skrautleg.
Morgunblaðið/Kristján
Beate dreymir um að eignast hring
með einum stórum demanti.
Uppáhalds-
skór Beate
sem hún
keypti dýr-
um dómum í
Kron Kron.
BEATE STORMO
Föt eiga að draga
fram hin
kvenlegu form
BEATE STORMO FRÁ NOREGI ER LISTAMAÐUR OG BÓNDI Á KRISTNESI Í
EYJAFJARÐARSVEIT ÁSAMT HELGA ÞÓRSSYNI EIGINMANNI SÍNUM. HÚN
KAUPIR SÉR EINSTAKA SINNUM FÖT EN SAUMAR MEST AF ÞEIM SJÁLF.
Skapti Hallgrímsson skapti@mbl.is
Beate Stormo á Kristnesi.
Kjóllinn er úr Centro á
Akureyri en vestið hannaði
og saumaði Helgi eigin-
maður hennar úr geita-
skinni af heimaræktuðum
skepnum. Skinnið var meira
að segja sútað heima.