Morgunblaðið - 04.06.2013, Qupperneq 23

23
MORGUNBLAÐIÐ ÞRIÐJUDAGUR 4. JÚNÍ 2013
Músin kætist í kór Nokkrir af bestu barna- og unglingakórum landsins komu saman í Eldborgarsal Hörpu í gær til að taka þátt í nýjasta ævintýrinu um músina Maxímús Músíkús. Kórarnir hafa
undirbúið tónlist sem verður hljóðrituð með Sinfóníuhljómsveit Íslands fyrir geisladisk sem á að fylgja fjórðu bókinni um músina, Maxímús Músíkús kætist í kór.
Kristinn
Löngum hefur verið
bent á að Íslendingar
eigi góða og vel
menntaða lækna.
Læknar hafa líka
sjálfir verið ósparir á
að minna á þessa stað-
reynd og að margir
læknar hafi lokið sér-
námi á bestu stöðum
vestan hafs og austan.
Þó að nokkur fækkun
hafi orðið á læknum á Íslandi frá
efnahagshruni er vart hægt að
segja annað en að við búum allvel
hvað fjölda lækna varðar í sam-
anburði við aðrar vestrænar þjóðir.
Það er þó eitt í íslenskri læknis-
þjónustu sem sker sig úr í sam-
anburði við þær þjóðir. Hér þykir
ekki tiltökumál þótt læknanemar,
sem ekki eru búnir með nema hluta
af sínu námi, leysi lækna af. Fyrir
lækna hefur þetta skapað viss þæg-
indi því það auðveldar þeim að
komast í frí. Að sama skapi er þetta
ágætis lausn fyrir heilbrigðisstofn-
anir því hún sparar fé, alla vega til
skamms tíma. Not-
endur þjónustunnar
hafa enn lítið tjáð sig
um þetta mál.
Um síðustu áramót
tóku gildi lög um heil-
brigðisstarfsmenn. Til-
gangur laganna er að
skilgreina kröfur um
menntun, kunnáttu og
færni heilbrigðisstarfs-
manna og starfshætti
þeirra. Á sama tíma
féllu læknalög úr gildi.
Ýmsum þótti það mið-
ur og töldu að læknar
hefðu sérstöðu meðal hinna fjöl-
mörgu heilbrigðisstétta og rétt
væri að árétta sérstaklega ábyrgð
lækna og skyldur. Löggjafinn tók
ekki tillit til slíkra athugasemda.
Á einum stað í lögunum er þó
getið um sérstöðu lækna og er það í
11. grein laganna. Þar er sérákvæði
að um að landlækni sé heimilt að
veita þeim sem lokið hafa fjórða árs
námi í læknisfræði við læknadeild
Háskóla Íslands eða sambærilegu
námi erlendis tímabundið starfs-
leyfi til að sinna tilgreindum lækn-
isstörfum. Engin önnur hinna 32
heilbrigðisstétta sem heyrir undir
lögin býr við slíkt ákvæði.
Með nýjum lögum um
heilbrigðisstarfsmenn verða sem
sagt engar breytingar á þessu fyr-
irkomulagi. Læknanemar starfa
enn í héruðum sem fullgildir
læknar og á sumrin og á stórhátíð-
um byggja stóru heilbrigðisstofn-
anirnar þjónustu sína að miklu leyti
á læknanemum í stöðum almennra
lækna. Núverandi staða er hvorki
til sóma fyrir lækna né heilbrigð-
isyfirvöld og er alls óásættanleg
fyrir sjúklinga.
Mér er ekki kunnugt um að slík
vinnubrögð viðgangist í öðrum
starfsgreinum á Íslandi. Laganem-
ar ganga vart í störf lögmanna,
guðfræðinemar í störf presta eða
verkfræðinemar í störf verkfræð-
inga. Vart er þó hægt að segja að
læknisstarfið sé einfaldara og þurfi
minni undirbúning. Þetta kallar á
umræðu um hvar ábyrgð liggi og
hver réttindi sjúklinga séu.
Guðbjarti Hannessyni, fyrrver-
andi velferðarráðherra, var ítrekað
bent á þessa ambögu. Lagt var til
að komið yrði á sérstökum náms-
stöðum læknanema, bæði á sjúkra-
húsum og innan heilsugæslunnar.
Með námsstöðum er átt við stöður
þar sem læknanemar á síðari stig-
um námsins starfa undir eftirliti og
á ábyrgð lækna, en eru ekki í
afleysingastöðum. Einnig var bent
á að ráðuneytið yrði að beita sér
fyrir bættri umgjörð varðandi af-
leysingar lækna. Guðbjartur og
ráðuneyti hans gerðu ekkert í mál-
inu og læknar hafa áfram þessa
furðulegu sérstöðu meðal heilbrigð-
isstétta.
Hvernig ætli nýr heilbrigðis-
málaráðherra taki á þessum mál-
um?
Eftir Friðbjörn
Sigurðsson »Hér þykir ekki til-
tökumál þótt lækna-
nemar, sem ekki eru
búnir með nema hluta af
sínu námi, leysi lækna
af.
Friðbjörn Sigurðsson
Höfundur er læknir.
Sérstaða íslenskrar
læknisþjónustu
Morgunblaðið/Ásdís
Á sumrin og á stórhátíðum byggja heilbrigðisstofnanir þjónustu sína að
miklu leyti á læknanemum í stöðum almennra lækna, segir höfundur.